Selîm Ehmed Selîm Reşo, di sala 1914 li devera Amêdî ya parêzgeha Dihokê ji dayik bûye. Di sala 1945 beşdariya şoreşa duyema Barzan de kiriye. Di sala 1961 bi destpêkirina şoreşa Eylûlê re peywendiyê bi şoreşa Eylûlê re dike. Di sala 1975 piştî şikesta şoreşa Eylûlê koçberî welatê Îranê dibe. Di sala 1996 ji aliyê Serok Mesûd Barzanî ve madalya Barzanî wergirtiye. Di sala 2005 koça dawî kiriye.

Selîm Derbas Hemed bi navê (Se'do Kurkî) hatiye nas kirin. Di sala 1937 li Zaxo ji dayik bûye. Di sala 1961 peywendiyê bi hêzên Pêşmerge re kiriye. Di sala 1970 bûye Serleq, sala 1979 li kongreya nehema Partiya Dêmokrata Kurdistanê de beşdariyê kiriye. Di sala 1987 endamê lîjne û berpirsê beşê serbaziya lîjneya navçeya Zaxo bûye. Di sala 1995 pileya Fermandeya Hêza 17 ê Artêşa Yek ya Zaxoyê wergirtiye. Yek ji hilgirên madalya Barzanî ye û di sala 2012 koça dawî kiriye.

Reşîd Mihemed Feqo bi navê )Reşîd Îsomerî(و hatiye nas kirin. Di sala 1941 li gundê Îsomer ya li devera Barzan ser bi qeza Mêrgesorê ya parêzgeha Hewlêrê ji dayik bûye. Di sala 1961 piştî destpêkirina şoreşa Eylûlê peywendiyê bi hêzên Pêşmergeyên şoreşa Eylûlê re kiriye. Di sala 1962 pileya Serqolî wergirtiye. Li 16 ê Tebaxa 1996 li 50 saliya salvegera damezrandina Partiya Dêmokrata Kurdistanê de, ji aliyê Serok Mesûd Barzanî ve madalya Barzaniyê Nemir wergirtiye.

Yasîn Cewher Mamal, bi navê (Yasîn Bêroxî), hatiye nas kirin. Di sala 1925 li parêzgeha Hekarî ji dayik bûye. Di sala 1946 li Komara Dêmokratîka Kurdistanê de peywendiyê bi hêza Barzan re kiriye. Di sala 1961 bûye Pêşmergeyê şoreşa Eylûlê. Di 16 ê Tebaxa 1996 li 50 saliya salvegera damezrandina Partiya Dêmokrata Kurdistanê de, madalya Barzanî wergirtiye.

Mistefa Husên Mihemed, di sala 1939 li parêzgeha Dihokê ji dayik bûye. Di sala 1961 peywendiyê bi hêzên Pêşmergeyên şoreşa Eylûlê re kiriye. Şarezayî li bikaranîna bêtelê de hebû, ji ber wê yekê ew berpirsê Bêtelê hêza Behdînan bûye. li 16 ê tebaxa 1996 li 50 saliya salvegera damezrandina Partiya Dêmokrata Kurdistanê de, medalya Barzanî wergirtiye.

Mihemed Zekî Hesen, di sala 1953 li gundê Biyê ya li devera Berêgarê ya ser bi qeza Amêdî ya parêzgeha Dihokê ji dayik bûye. Di sala 1974 peywendiyê bi Hêzên Pêşmergeyên şoreşa Eylûlê dike û li Hêza Helgurd de li cem Dilovan Salih Ebdulezîz bûye Pêşmerge. Di sala 1975 piştî şikesta şoreşa Eylûlê koçberî welatê Îranê bûye û pêşî çûye bajarê Nexede ya li Rojhilatê Kurdistanê û paşê jî li wargeha Cehrim hatiye nîştecîh kirin.

Mihemed Selîm Ehmed Ebdulrehman Baclurî, di sala 1902 li gundê Baclurê ya li navçeya Zawîte ya ser bi parêzgeha Dihokê ji dayik bûye. Yek ji peyrewên Şêxên Barzanê bûye û beşdariya şoreşa yekema (1931-1932) Barzan de kiriye. Piştî şikesta şoreşê bi cengawerên Barzanî re çûye Bakûrê Kurdistanê û piştî demekê vegeriyaye gundê xwe.

Keko Mela Elî Mêrgesorî di sala 1917 li qeza Mêrgesorê ya ser bi parêzgeha Hewlêrê ji dayik bûye. Li 12 Tişrîna Duyema sala 2000 li Mêrgesorê koça dawî kiriye û her li wir jî bi axê hatiye spartin.

Omer Elî Halo Sindî, di sala 1949 li gundê Bosel ya li bajaroka Derkarê ya ser bi qeza Zaxo ya parêzgeha Dihokê ji dayik bûye. Di sala 1962 Elî Halo yê bavê wî Fermandeyê Betalyona Yekê (1) Pêşmerge li Zaxo bûye. Li wê serdemê da Omer Elî karên nivîsînên bavê xwe birêvebiriye. Li 28 ê Eylûla 1968 Elî Halo li şerê Batîfa de şehîd bûye û Omerê kurê wî cihê wî girtiye û li şerên Kemeka û çiyayê Zaxo de beşdar bûye.

Îsmaîl Sadiq Bêtkarî, naskiriya bi (Îsmaîl Bêtkarî), û di sala 1951 li gundê Bêtkarê ya ser bi qeza Amêdiyê ji dayik bûye. Di sala 1969 peywendiyê bi şoreşa Eylûlê ve dike û li Betalyona Hêza Dihokê dibe Pêşmerge ku Selîm Esed Xoşewî Fermandeyê wê Betalyonê bûye. Heta sala 1975 li wê hêzê de xebatê kiriye û beşdariya şerê Sertîz, Geruyê Omer Axa, Kelî Şeda (Kêlya Şeda) ya li devera Dihokê de kiriye. Piştî şikesta şoreşa Eylûlê ya sala 1975 Îsmaîl Sadiq vegeriyaye gundê xwe.

Îbrahîm Mihemed Ezîz, naskiriye bi (Îbrahîm Reşaveyî), di sala 1928 li gundê Reşaveya li navçeya Nehêlî ya ser bi qeza Amêdî ya parêzgeha Dihokê ji dayik bûye. Di sala 1959 peywendiyê bi rêzên PDK ve dike û di sala 1961 bi destpêka şoreşa Eylûlê re bi çekê xwe çûye nav rêzên Pêşmerge.

Hemîd Xwastî, di sala 1939 ji dayik bûye. Di sala 1961 peywendiyê bi hêzên Pêşmergeyên şoreşa Eylûlê re kiriye. Di sala 1975 piştî şikesta şoreşa Eylûlê koçberî welatê Îranê bûye. Di sala 1976 peywendiyê bi hêzên Pêşmergeyên şoreşa Gulanê re dike. Di sala 1979 pileya berpirsê serbazî ya Lîjneya Navçeya Zaxo yê wergirtiye...