Selîm Ehmed Selîm Reşo, di sala 1914 li gundê Çiyê li devera Nêrwe û Rêkan ya ser bi qeza Amêdî ya parêzgeha Dihokê ji dayik bûye.

Di sala 1945 beşdariya şoreşa duyema Barzan de kiriye. Di sala 1961 bi destpêkirina şoreşa Eylûlê re peywendiyê bi hêzên Pêşmergeyên şoreşê ve kiriye û li şerê Geliyê Zawîte û şerên Behdînan ya li salên 1961-1962 ji bo derxistina artêşa Iraqê û cehşên li navçeyê de beşdar kiriye. Sînar Ehmedî birayê wî yê li sala 1961 şehîd bûye.

Di sala 1962 bi Mele Mistefa Barzanî re derbasî navçeya Soran û devera Balek bûye. Li şerê Sofiyên ser bi Şêx Reşîdê Lolan û şerê Sefîn de beşdar kiriye. Di sala 1965 li şerê Qeredax, şerê Pîremegrun, şerê Serê Spîlk, şerê Kêwereş, şerê Dêrê li devera Amêdî, şerê Geliyê Elî Beg li nahiye ya Diyana û devera Doskî de beşdar kiriye. Di sala 1975 piştî şikesta şoreşa Eylûlê koçberî welatê Îranê dibe û li bajarê Nexede ya Rojhilatê Kurdistanê nîştecîh dibe û li wir bi malbata xwe re ji bo bajarê Sebzewar ya li parêzgeha Xorasan hatiye veguhestin û dawiyê jî ji bo bajarê Şarudî ya parêzgeha Siminan hatiye veguhestin.

Di sala 1977 beşdariya şoreşa Gulan dike û her li wê salê da kurekî wî yê bi navê Hecî Selîm Şehîd bûye. Di sala 1982 li ser raspardeya Îdrîs Barzanî bi du kur û birazayekî û hejmarek pêşmergeyên din vegeriya ye Geliyê Reş, Çiyayê Bradost, navçeya Xwakurk û bi awayeke mefrezeya gerok dest li dijmin weşandiye. Di sala 1991 vegeriya ye Başûrê Kurdistanê û beşdariya raperîna cemaweriya Kurdistanê dijî sazî û dezgehên Hikûmeta Iraqê kiriye.

Li 16 ê Tebaxa 1996 li 50 saliya damezrandina Partiya Demokrata Kurdistanê de ji ber wan xizmetên ku pêşkêşî Kurd û Kurdistan û rêbaza Barzanî kiriye, ji aliyê Serok Mesûd Barzanî ve madalya Barzaniyê Nemir wergirtiye. Li roja 21 ê Tişrîna duyema sala 2005 ji ber nexweşiyê koça dawî kir.

Çavkanî:

1. Arşîva Desteya Însîklopediya Partiya Dêmokrata Kurdistanê.