Şerê geliyê Sengeser di payîza sala 1974’an de pêk hat dema ku artêşa Iraqê hewl da êrîşî bajarê Qeladizê bike û bi dest bixe, Hêzên Pêşmerge çeperên xwe li geliyê Sengeser bi cih kirin û şer nêzîkî deh rojan berdewam kir, piştre artêşê karîbû berbesta Pêşmerge bişkîne û di 19ê Tebaxê de derbasî bajarê Qeladizê bû û bajar bi dest xist.

Şerê Şîwe Sûrê ligel destpêkirina êrîşa artêşa Iraqê li dijî Kurdistanê di 25ê Nîsana 1974an de rû da, bi armanca bidestxistina hemû herêmên di bin kontrola şoreşê de û di dawiyê de Şoreşa Îlonê têk bibe, lê artêşa Iraqê di şerê Şîwe Sûrê de şikesteke mezin li pêşberî Hêzên Pêşmerge xwar û derbên giran xwarin, nekarî xewna xwe ya kevnar pêk bîne ku dagirkirina devera Sengaw bû.

Şerê serbazgeha Sûsê di Gulana 1974an de pêk hat piştî ku hikûmeta Iraqê li dijî şoreşa Kurdistanê şer ragehandî, Pêşmerge wek bertek ew baregeha leşkerî dorpêç kir, artêşa Iraqê ji bo şikandina dorpêça Pêşmerge û rizgarkirina leşkeran ji Silêmanî û Dukanê dest bi êrîşê kir û şerekî çend rojan di navbera wan de derket.

Ev Dastane di 19ê Hezîrana 1974an de li Çiyayê Ezmer qewimî, wê demê Silêmanî di bin kontrola artêşa Iraqê de bû, lê hêza wî tunebû ku bi heza xwe tevgerên xwe yên leşkerî pêk bîne, ji ber wê jî plana êrişa li ser Çiyayê Ezmer amade kir ku Hêzên Pêşmerge li wir cihê berevaniyê ava kiribûn, her çendî karîbû çiya bigre jî, derbeyên giran ên canî û madî xwarin.

Dastana Çiyayê Reş di destpêka Mijdara 1974an de li Çiyayê Reş yê rojavayê bajarê Duhokê pêk hat, ji ber ku dever di bin kontrola şoreşê de bû, çalakiyên Pêşmerge berdewam bûn, bi taybetî topbarankirina karwanên leşkerî, Artêşa Iraqê ji bo têkbirina deng û rengê şoreşê li wê deverê dest bi êrîşeke berfireh kir, lê bi ser neket û derbeyên giran ên canî û malî xwarin.

Ev dastan li deşta Hewlêrê di navbera artêşa Iraqê û hêzên pêşmerge de qewimî di dawiya payîza sala 1965an de. Artêşa Iraqê êrîşî ser binkeh û baregehên pêşmergeyan kir da ku metirsiyên pêşmergeyan li ser bîrên petrolê yên Kerkûkê û daketina komên pêşmergeyan bo nav bajar û bajarokan kêm bike....

Hikûmeta Iraqê ku di sala 1974’an de biryara destpêkirina şerê li dijî şoreşa Kurd dabû, bi amadekariyên leşkerî yên xurt dest bi êrîşên xwe yên li ser Kurdistanê kir, êrîşan bi piştgiriya tank, top, maşînên zirxî û hêzên asmanî bi şev û roj dewam kirin...

Dastan di Gulana 1987’an de li navçeya Bamernê ya devera Behdînan rû da, dema ku Pêşmerge êrîşek mezin li ser baregehên artêşa Iraqê li wê deverê pêk anî, hêzên Pêşmerge di wê Dastanê de ew baregeh bi dest xist û ziyanên mezin gihandin wan ji kuştin û dîl girtina leşkerên Iraqê û dest danîn ser gelek çek û cebilxane.

Ev şer di Hezîrana sala 1974an de li nêzîkî gundê Ferecawe qewimî, dema ku artêşa Iraqê êrîşî Germiyanê kir û hewl da herêmê bigire û vegerîne bin kontrola hikûmetê, Hêzên Pêşmerge rê li ber wan girtin û li ber xwe dan, di vî şerî de hêzên Pêşmerge karîn derbên giran li artêşa Iraqê bidin û pêşveçûnên wan bo demekê rawestînin.

Ev dastan di 10ê Kanûna yekem a 1982an de li Siyana Garey bi kûratiya 70 km di nava desthilata hikûmeta Beisê de rû da, dema ku Pêşmerge êrişî bingeh û baregehên hêzên Mexawîr û çekdarên (Caş) kirin, di şer û pevçûnên sê roj û şevan de, hêzên hikûmetê derbeyên giran xwarin, li herêmê jî dengvedaneke mezin hebû.

Ev dastan di 15’ê Mijdara 1980’an de li Hacî Omeran qewimî, dema ku şerê di navbera Iraq û Îranê de derket, serkirdayetiya şoreşê xwest ku eger rewşa artêşa Iraqê li Hacî Omeran aloz bibe sûd werbigire û dê çalakiyên şoreşgerî li wir bimeşîne û bi ser de bigire, lê rewşa artêşa Iraqê ne weke agahiyên ku ji aliyê Pêşmerge ve hatine wergirtin, ji aliyê hêzê ve cuda bû, tevî wê yekê jî şert û mercên seqayê yên li herêmê alîkar nebû ku Pêşmerge karibe li armancê bixin.

Şer û Pevçûneke dijwar di navbera hêzên pêşmerge û artêşa rejîma Beis de ji 19ê Tîrmehê heta 5ê Îlona 1988an li herêma Xwakurkî ya devera Bradostê rû da, ji bo kontrolkirina navçeyên di bin kontrola şoreşê de li sêgoşeya sînorî ya (Iraq, Îran û Tirkiyê)...