Hikûmeta Beisê her tim nehişt ku Kurd beşdarî rêveberiya welat bibin, heta hemwelatîbûn li ser binyatê wekhevî û qanûnî bi tevahî red kiribû, ji ber vê yekê jî pêkanîna vê siyaseta li dijî kurdan di dilê gelê kurd de zemîneke nerazîbûnê ava kir ku hesta neteweyî hejand û li dijî saziyên leşkerî, ewlehî û çekdarî derketin, ji ber ku zordestiya saziyan heta radeyekê xelk pal da ku dengê xwe yên nerazîbûnê û xwepêşandanên cemawerî bilind bikin û bi tundî li hember dezgehên ewlehiyê yên hikûmetê bisekinin, ji aliyê din ve Tevgera Niştîmanî ya Serkirdayetiya Şoreşê di nirxandina xwe ya li ser rewşê de gihîşt wê encamê ku hikûmeta Beis ji zimanê diyalog û çareseriya aştiyane fêm nake, ne amade ye ku guhdariyê jî bike, ji ber vê yekê wan biryar da ku xwe ji vê rêbazê têkoşînê re amade bikin ku serokên Beisê fêm dikin ew e ku şerê çekdarî yê partîzanî bû.
Di qada têkoşînê de, di dema rûbirûbûna saziyên rejîma Beis de, serkirdayetiya şoreşê hertim hewl da ku qada navçeyên rizgarkirî berfirehtir bike û di kûrahiya desthilata hikûmetê de çalakiyên Pêşmerge pêş bixe, ji ber vê yekê biryar da ku hêzeke Pêşmerge bişîne çend cihên stratejîk da ku derbeke mezin li baregehên hêzên leşkerî û çeteyan bide, divê nîşanî wan bide ku Pêşmerge kengî û li ku bixwaze destê xwe digihîne û lêdixe, di 10'ê Kanûna 1982'an de li Siyana Garey û bi kûrahiya70 km Pêşmerge êrişî bingeh û baregehên hêza Mexawîr û çekdarên (Caş) kirin, piştî şerekî germ ku sê şev û rojan dom kir, ziyanek mezin gihandin hêzên hikûmetê, encama êrîşa Pêşmerge li herêmê dengvedaneke mezin hebû.
Çavkanî:
- Mesûd Barzanî: Barzanî û Tevgera Rizgarîxwaz a Kurd, berg 4, 1975-1990 Şoreşa Gulanê, Beş 2, Çapa 1, Çapxaneya Ruksana, 2021.
- Cemal Fethullah Teyib: Tevgera Rizgarîxwaz a Kurd li Başûrê Kurdistanê 1976-1980, çapa 1, Çapxaneya Şehab, Hewlêr-2012.
- Nûrî Hemê Elî: Dîroka Têkoşîna Pêşmergekî Di Navbera Jiyan û Mirinê de, çapxaneya Şehab, çapa 2, Hewlêr.
