Mela Mihemed Emîn Mela Hacî Mehmûd, ku bi navê Mela Mihemed Emîn Gwêzlîngey jî tê naskirin, pêşmergeyê Şoreşên Îlon û Gulan û Serhildanê bû, di sala 1958an de tevlî Partiya Demokrata Kurdistanê (PDK) bûye, endamê kongreyên 7., 8., 9., 10., 11., 12. û 13. Bû, xwediyê madalyaya Barzanî yê nemire.

Fermandar Mişîr Resûl Hacî ku bi navê Mişîr Gwanî jî tê naskirin, di sala 1966an de bi rêya Hemîd Efendî tevlî pêşmergeyên Şoreşa Îlonê dibe, di sala 1979ê de bi pileya fermandariya yekîneyeke hêzên Pêşmergeyên Şoreşa Gulanê werdigire, di sala 1979an de endamê Kongreya 9. ya Partiya Demokrat a Kurdistanê bû. Di 16ê Tebaxa 2018ê de ji aliyê Serok Mesûd Barzanî ve bi madalyaya Barzanî yê Nemir hat xelatkirin.

Mistefa Ebdullah Hemed Ehmed, ku bi navê Mistefa Goronî jî tê naskirin, Pêşmergeyê herdu şoreşên Îlonê û Golanê bû, di sala 1991ê de beşdarî serhildanê dibe, di sala 1979an de jî endamê kongreya 9emîn bûye

Necmedîn Ebdullah Hemed, bi nasnav Necmedîn Goronî tê naskirin, fermandar û pêşmergeyê Şoreşên Îlon û Gulanê û Serhildanê ye, di sala 1961ê de tevlî hêzên Pêşmergeyên Şoreşa Îlonê dibe, serliq bû û Erkê wî parastina baregeha Barzanî bû, di 3ê Mijdara 1994an de koça dawî kiriye.

Hesen Ebdulrehman, bi nasnavê Hesen Axa Berzêweyî tê naskirin, di sala 1965’an de tevlî pêşmergeyên Şoreşa Îlonê bû, di Şoreşa Îlonê de pileya cîgirê betalyona 1. a Zozkî wergirtiye, di sala 1979’an de bû fermandarê hêza serkirdayetiyê, di sala 1986 de, ew bû Berpirsiyarê komîteya navçeya Rwandizê.

Şewket Mela Îsmaîl Hesen, pêşmergeyê Şoreşa Îlonê bû, Berpirsiyarê Dezgeha Bêtela Şoreşê bû, pileya fermandarê 3’yemîn Betalyona Hêzên Parastina Sînor di sala 1970’î de û serleşker di sala 1992’î de, di sala 1994an de hatye malinşînkirin.

Ehmed Mistefa Şiwan, ku bi navê Ehmedê Mastê jî tê naskirin, Fermandar û Pêşmergeyê Şoreşa Barzan a Duyemîn, Komara Kurdistanê, Îlon Gulan û Serhildanê, di sala 1943an de beşdarî Şoreşa Barzan a Duyemîn dibe, di sala 1961ê de ji hêza Lêkder beşdarî Şoreşa Îlonê dibe, pileya fermandariya betalyonê di hêza Balek de wergirtye, berpirsiyarê îdarî û leşkerî yê baregeha Barzanî bû.

Xidir Ebdullah Resûl, bi navê Xidir Debax jî tê naskirin, Pêşmergeyên Şoreşa Îlonê, di sala 1963an de tevlî pêşmergeyên Şoreşa Îlonê dibe, bû fermandarê topxaneyên Şoreşa Îlonê û alîkarê Mele Mistefa Barzanî ji bo karûbarên topxaneyê.

Fermandar Hacî Mîrxan Ehmed Silêman, ku bi navê Hacî Mîrxan Dolemerî jî tê naskirin, Pêşmergeyên Şoreşa Îlonê, Şoreşa Gulanê û Serhildanê, di 7ê Tîrmeha 1962an de pileya serqol wergirtiye, di sala 1970 de bû berpirsê Komîteya navçeya Akrê, endamê Saziya Bilind a Îlonê ye û berpirsê Komîteya Îlonê ye li Soran û Mêrgasorê.

Selîm Es'ed Xoşewî, Pêşmergeyê Şoreşên Îlon û Gulanê û Serhildana 1991ê bû, di sala 1961ê de tevlî Şoreşa Îlonê dibe, Pasevanê Mele Mistefa Barzanî bû, di sala 1969an de bû endamê Komîteya navçeya Amêdiyê ya ser bi Liqa yek, endamê kongreyên 6, 9 û 13 yên Partiya Demokrata Kurdistanê (PDK) bû, xwediyê madalyaya Barzanî ye.

Lîwa Omer Mîrxan Xezalî beşdarî her du Şoreşên Îlonê û Gulanê bû, ji aliyê Serok Mesûd Barzanî ve bi madalyaya Barzanî yê nemir hatiye xelatkirin, di dema pêşmergetiya xwe de 5 caran birîndar bûye, di temenê 84 saliyê de li sala 2023an de koça dawî kiriye.

Feyzo Selîm Xan, Fermandar û Pêşmergeyê Şoreşên Îlon û Gulanê, di destpêka şoreşa Îlonê de tevlî hêzên Pêşmergeyên Kurdistanê bû, di çendîn şeran de beşdar bûye, piştî kongreya 9emîn ya Partiya Demokrata Kurdistanê (PDK) bi biryara serkirdayetiya PDKê bû fermandarê navenda Mekteba Siyasî li Rajanê, di roja 17-18 a Mijdara 1980an de şehîd bûye.