Jiyanname

Fermandar Mistefa Ebdullah Hemed Ehmed di 1’ê Tîrmeha 1952’an de li gundê Goronî yê navçeya Çomanê ya girêdayî parêzgeha Hewlêrê ji dayîk bûye, ji ber ku li gundê wî dibistan tune bû, neçû dibistanê, ji ber vê yekê ew tenê bi xwendin û nivîsandinê dizane, di sala 1975’an de piştî têkçûna Şoreşa Îlonê, koçberî Îranê dibe, di sala 1977’an de vedigere Başûrê Kurdistanê, di sala 1979’an de careke din koçberî Îranê dibe û li wir bi cih dibe heta sala 1991 û serhildana gelê Kurdistanê vegeriya Başûrê Kurdistanê û li bajarê Soranê bi cih bû, zimanên Kurdî û Farisî dizane.

Xebatname

Di sala 1965’an de yekem car tevlî hêzên Pêşmergeyên Şoreşa Îlonê bû û ji ber temenê xwe yê biçûk li baregeha Barzaniyê nemir wek zêrevan kar kir, di sala 1976’an de bi destpêkirina Şoreşa Gulanê ya Pêşverû re careke din tevlî hêzên Pêşmerge bû, wek fermandarê yekîneyê çû devera Balekayetiyê ji bo çalakiyên partîzanî pêk bîne, di heman salê de wan çend çalakiyên partîzanî pêk anîn, wek êrîşkirina jeepeke leşkerî li jêr gundê Rayat li nêzîkî kaniya Gulîngan û li baregeheke serbazî ya Iraqî li nêzîkî gundê Nawpirdanê, di sala 1977’an de li nêzî qubeya bajarokê Gelale ya navçeya Çomanê çend çalakiyên din ên wekî danîna kemînê ji bo leşkerên artêşa Iraqê pêk anîn.

Di Tebaxa 1977an de li devera Dolenê ji aliyê artêşa Iraqê ve hatin dorpêçkirin, lê li dawiyê rizgarbûn, di sala 1979’an de pileya endamê Komîteya navçeyê ya Balek beşa leşkerî werdigire, di sala 1979an de bû endamê Kongreya 9. ya Partiya Demokrata Kurdistanê (PDK), di sala 1980ê de li gundê Zerwa yê nêzîkî gundê Berzêwe karwaneke jibo artêşa Iraqê datînê û çend leşker têde hatin kuştin, di sala 1983 de, pileya Serliq werdigire, di sala 1986’an de li Geliyê Baleyan a navçeya Çomanê bi giranî birîndar dibe.

Di sala 1991ê de vedigere Başûrê Kurdistanê û beşdarî serhildanê dibe, di Dastana Korê de li dijî dagirkeriya artêşa Iraqê bergiriyê dike, di sala 1996ê de beşdarî hemû şeran dibe yên ku li ser Hikûmeta Herêma Kurdistanê û Partiya Demokrata Kurdistanê (PDK) hatibûn sepandin, di sala 2014an de wek fermandar beşdarî şerê dijî terorîstên DAIŞê bû, di heman salê de li eniya Zummarê bi giranî birîndar dibe, di sala 2016an de li sînorê Başîkê di encama êrişa terorîstên DAIŞê de carek din bi giranî birîndar bû, niha pileya Sertîpê Yekem di Wezareta Pêşmerge ya Hikûmeta Herêma Kurdistanê de heye.

Çavkanî:

• 1. Arşîva Desteya Insîklopediyê ya Partiya Demokrat a Kurdistanê.