Jiyanname

Mela Mihemed Emîn Mela Hacî Mehmûd, ku bi navê Mela Mihemed Emîn Gwêzlîngey jî tê naskirin di sala 1939’an de li gundê Gwêzlînge yê navçeya Balekayetiyê ya navçeya Çomanê ji dayik bûye, piştî hilweşîna şoreşê di sala 1975’an de Mela Mihemed Emîn û malbata xwe koçberî Îranê dibin û jibo bajarê Îsfehanê  tên veguhastin, 5 kur û 2 keçên wî hene, di 81 saliya xwe de di 17’ê Hezîrana 2020’an de koça dawî kirû li gundê Gwêzlînge ya navçeya Çomanê hate veşartin.

Xebatname

Di sala 1958an de tevlî Partiya Demokrat a Kurdistanê (PDK) bû û bû kargêrê rêxistina Helgurd li Kerkûkê, Mela Mihemed Emîn Gwêzlîngey li Kerkûkê leşker bû û di sala 1961ê de li gel destipêkirna Şoreşa Mezin a Îlyonê tevlî şoreşê bû û vegeriya devera Balekayetiyê.

Piştî salek pêşmergetiyê,Mela Mihemed Emîn di sala 1962an de, li gundê Bêşe yê navçeya Smîlanê, cara yekem Mela Mistefa Barzanî dibîne, di heman hevdîtinê de dibe cihê baweriya Mela Mistefa Barzanî, di sala 1963'an de beşdarî Dastana Bersîrîn dibe, di girtina bingehên navçeyên Gelale û Rayat de rolek mezin lîst û piştî van serkeftinan Mela Mihemed Emîn ligel Mela Mistefa Barzanî û pêşmergeyên xwe çû devera Bêtwate, di sala 1964’an de bi hevalên xwe re vedigere deverê û li Dergele, Hawdîyan û Dêlziyan baregeha xwe ava dike, gelek dastanên pir serwerî tomar dikin, di sala 1967an de bi fermana serkirdayetiyê dibe endamê beşa leşkerî ya Mekteba Siyasî, di sala 1970’an de dibe endamê navçeya Balekê û di Dadgeha Şoreşê de karê xwe berdewam dike.

Piştî têkçûna şoreşê di sala 1975an de, koçberî Îranê bû û bo bajarê Esfehanê hate veguhastin û li wir bû serokê rêxistina Esfehanê ya Partiya Demokrat a Kurdistanê, di sala 1983an de bû serokê îdareya baregeha serkirdeyê nemir Îdrîs Barzanî li Hacî Omeran, di sala 1979’an de bû kargêrê navçeya Balekî ya Partiya Demokrat a Kurdistanê (PDK), di navbera salên 1981 û 1993an de, kargêrê liqa duyemîn û berpirsyarê beşa darayî û şehîdan bû.

Di sala 1988an de wek farmandarê hêza liqa duyemîn beşdarî Dastana Xwakurkê bû û roleke girîng dilîze û di wê Dastanê de birîndar dibe.

Di serhildana 1991 de di azadkirina Kurdistanê de beşdar bû û di azadkirina Kerkûkê de roleke berçav hebû.

Di kongreyên 7 heta 13 yên Partiya Demokrata Kurdistanê (PDK) de weke endam beşdar bûye û di kongreya 11. De li sala 1993ê berbijarê serkirdayetiya Partiya Demokrata Kurdistanê (PDK) bû, di sala 1993an de piştî kongreyê wek kargêrê liqa 10 yê Partiya Demokrata Kurdistanê (PDK) hate destnîşankirin, di navbera salên 1999 û 2000î de bûye endamê Dezgeha Îlonê li Soran, di 2007 de, dibe endamê Dezgeha Bilind a Îlonê, sala 2010 di kongreya 13 ya Partiya Demokrata Kurdistanê (PDK) de, ji ber rola wî ya berbelav di nav Partî û Pêşmerge de, ji aliyê Serok Mesûd Barzanî ve, bi medalyaya Barzanî hat xelatkirin.

Çavkanî:

• 1. Arşîva Desteya Insîklopediyê ya Partiya Demokrat a Kurdistanê.