Nejat Elî Salih

Nejat Elî Salih di sala 1985an de tevlî Partiya Dêmokrat Kurdistanê (PDK) bû, di sala 2010an de di kongreya 13an de bû endamê komîteya navendî ya Partiya Dêmokrat Kurdistanê (PDK).

Jiyanname

Nejat Elî Salih di sala 1970ê de li Hewlêrê ji dayîk bûye, dibistana seretayî, navîn û amadeyî li Hewlêrê xwendiye, di sala 2009ê de doktoraya xwe li zanîngeha Selahedîn di beşa Zanistên Siyasî de wergirtiye, bi zimanê Erebî û Îngilîzî baş dizane.

Xebatname

Nejat Elî Salih di sala 1985an de tevlî Hêzên Pêşmergeyên Partiya Dêmokrat Kurdistanê (PDK) bûye, di Komîteya Rêxistina Dîdevanî ya Komîteya Liqa Duyem de bûye pêşmerge, di sala 1995’an de dibe fermandarê Lîwayê, di sala 2005’an de dibe fermandarê artêşê, di sala 2010’an de ji aliyê endamên kongreya 13’an ve weke endamê Komîteya Navendî ya Partiya Dêmokrat Kurdistanê (PDK) hate hilbijartin, di sala 2011 de, wî berpirsiyariya Komîteya Liqa 23-an girt, di şerê li dijî rêxistina terorîst a DAIŞê de berpirsê eniyên Gwêr û Mexmûrê bû, sala 2017ê bû berpirsê yekîneya 80 ya Hêzên Pêşmergeyên Kurdistanê, di sala 2022an de ji aliyê endamên Kongreya Çardehemîn ve wek endamê Komîteya Navendî hat hilbijartin.

Di berhemên wî yên çapkirî de, teza masterê û teza doktorayê hene:

Pirtûka Demokrasî û Ewlekariya Neteweyî.
Stratejiya Ewlekariya Neteweyî ya Dewletên Yekbûyî li Rojhilata Navîn.

Çavkanî:

• Arşîva Komîteya Insîklopediyê ya Partiya Dêmokrat a Kurdistanê.

Komkujiya li ber deriyê Seray li bajarê Silêmaniyê

Ev komkujî di havîna 1963’an de di dema rejîma Be'sê de li parêzgeha Silêmaniyê pêk hat ku di wê baweriyê de bûn ku eger komkujî û êrîşeke berfireh li ser Kurdistanê pêk bînin, wê di demeke nêz de Şoreşa Îlonê hilweşînin û tevahiya Kurdistanê bixin bin kontrola xwe, her çende li Silêmaniyê dest bi girtin û komkujiya mirovên bêguneh kirin jî, ku ne bi tenê serketî nebûn lê li şûna vê di hemû êrîşên xwe yên li ser Çiyayê Ezmerê têk çûn.

Agahiyên bêtir

Mela Mihemedemîn Gwêzlîngey

Mela Mihemed Emîn Mela Hacî Mehmûd, ku bi navê Mela Mihemed Emîn Gwêzlîngey jî tê naskirin, pêşmergeyê Şoreşên Îlon û Gulan û Serhildanê bû, di sala 1958an de tevlî Partiya Demokrata Kurdistanê (PDK) bûye, endamê kongreyên 7., 8., 9., 10., 11., 12. û 13. Bû, xwediyê madalyaya Barzanî yê nemire.

Agahiyên bêtir

Mişîr Gwanî

Fermandar Mişîr Resûl Hacî ku bi navê Mişîr Gwanî jî tê naskirin, di sala 1966an de bi rêya Hemîd Efendî tevlî pêşmergeyên Şoreşa Îlonê dibe, di sala 1979ê de bi pileya fermandariya yekîneyeke hêzên Pêşmergeyên Şoreşa Gulanê werdigire, di sala 1979an de endamê Kongreya 9. ya Partiya Demokrat a Kurdistanê bû. Di 16ê Tebaxa 2018ê de ji aliyê Serok Mesûd Barzanî ve bi madalyaya Barzanî yê Nemir hat xelatkirin.

Agahiyên bêtir

Nûrî Şawês

Nûrî Sedîq Elî Resûl bi nasnav Endezyar Nûrî Şawês tê naskirin, di sala 1935’an de tevlî refên Komeleya Azadiya Kurd dibe, di sala 1951 de ji aliyê nûnerên kongreyê ve wek endamê Komîteya Navendî ya Demkî ya Partiya Dêmokrat a Kurd (Kongreya Duyem) tê hilbijartin. Di sala 1953an de ji aliyê nûnerên kongreyê ve wek endamê serkirdayetiya Partiya Dêmokrat a Kurdistanê - Iraq (Kongreya Sêyem) hat hilbijartin.

Agahiyên bêtir

Fatih Mihemed Emîn

Fatih Mihemed Emîn Murteza, ku bi navên Fatih Mihemed Emîn Beg, Fatih Siyamensûrî û Birusk jî tê nasîn, mamoste û siyasetmedar, di sala 1964an de wek endamê Komîteya Navendî ya Partiya Dêmokrat a Kurdistanê (PDK) hat hilbijartin, salên (2001-2005) bûye endamê Civata Niştîmanî ya Kurdistanê, di sala 2020ê de koça dawî kiriye.

Agahiyên bêtir