Jiyanname

Mişîr Resûl Hacî, di sala 1951’an de li gundê Gwanê yê navçeya Diyanayê ji dayik bûye, ji ber nebûna dibistanê neçû dibistanê, lê paşê hînî xwendin û nivîsandinê bûye, di sala 1975’an de piştî têkçûna Şoreşa Îlonê koçberî Îranê bûye û li bajarê Kirmaşanê bi cih bû, paşê bo bajarê Ehwazê hat veguhastin. Ji wir jî veguhestin Xaneqînê û birin bajarê Kerbelayê, du mehan li bajarê Necefê ji aliyê hikûmeta Iraqê ve hat girtin. zimanên Kurdî, Erebî û Farisî dizane.

Xebatname

Mişîr Resûl Hacî di sala 1966an de bi rêya Hemîd Efendî tevlî pêşmergeyên Şoreşa Îlonê dibe, di yekeya yekem a hêza Balek de bû Pêşmerge, heta Peymana 11ê Adara 1970î li ser erkê xwe ma û çalakiyên xwe yên Pêşmerge berdewam kir. Di sala 1974’an de dema ku şer û pevçûnên di navbera şoreş û artêşa Iraqê de ji nû ve dest pê kir, li Serê Bardê li ser erkê xwe bû, di şerê Çiyayê Gorezê de beşdar bûye, di vî şerî de du pismamên wî bi navên Ebdulwahid Hemed Law û Wesû Hemed Law şehîd bûn, ew jî bi giranî birîndar bû. Ji bo dermankirinê şandin bajarê Urmiyê.

Di sala 1978 de, piştî ku destûr jê re hat dayîn, vegeriya gundê xwe Gwanê, lê dîsan bi rêya Hemîd Efendî pêwendî bi hêzên Pêşmergeyên Şoreşa Gulanê re kir, li gel çend xizmên xwe çûye gelyê Goste yê di navbera Bakur û Başûrê Kurdistanê de. Piştî ku tevlî hêzên Pêşmerge bû, pileya fermandariya yekîneyê wergirt, li deverên Biradost û Balekayetiyê pêşmerge bû.

Di 2’ê Cotmeha 1979’an de ji bo beşdarbûna 9’emîn Kongreya Partiya Demokrat a Kurdistanê (PDK) çû Rojhilatê Kurdistanê û li gundê Zêwa beşdarî kongreya nehemîn bû, heta sala 1980’î ​​li Rojhilatê Kurdistanê ma, piştre vegeriya Başûrê Kurdistanê jibo ku erka xwe pêk bîne, piştî ku ji bo kirîna erzaq û pêdiviyên rojane ji bo Pêşmerge çû gundê Şepeta yê Bakurê Kurdistanê, dikeve çemê Rûbarokê, lê ji aliyê deverê ve tê rizgarkirin. Ji ber pêlên çem birîndar dibe û ji ber nebûna navendên tendirustî û dermankirina pizîşkî li çermê dewaran tê xistin.

Di sala 1981ê de di nav Hêzên Pêşmerge de pileya fermandarê yekîneyê werdigire, di heman salê de dema li nêzî gundê Kevnegundê yê navçeya Mêrgasûrê bi erka xwe radibû, ket kemîna leşker û çeteyên Iraqî û piştî parastineke pir dijwar, bi zehmetî rizgar dibe.

Di sala 1985'an de ji bo devera Balekê hat veguhestin û bû endamê Komîteya navçeya Rwandizê ya peşa Leşkerî, heta sala 1988ê li erkê xwe berdewam kir, di heman salê de beşdarî di çend şeran de kir, ji wana di şerê Wartê, Konekotir, Hîran û Nazanînê. Ji ber êrîşa kîmyawî ya li ser devera Melekanê rastî çekên kîmyawî hatibû û demekê bi nexweşiya bêhintengiyê ketibû.

Di sala 1991ê de beşdarî serhildanên Soran, Hewlêr û Akrê bû, li gel Serok Mesûd Barzanî vegeriya Ranya û bi Omer Osman Mêrgesorî û Cemal Murtke re bi awayekî aktîf beşdarî serhildana Hewlêrê bû.

Di sala 1992’an de piştî avakirina Hêzên Yekgirtî li Rwandizê, weke fermandarê alayê hate destnîşankirin û heta sala 1994’an erka xwe domand, di avakirina Artêşa Şeşemîn de bi fermandariya Mistefa Nêrweyî ji bo fermandarê tabûra şeşan hat destnîşankirin. Di sala 1995’an de ji bo leşkeriya 5’emîn a Spîlkî hat erkdarkirin û berpirsyarê tevgera artêşê bû, di sala 1999'an de bû endamê Fermandariya Halgurdê, niha jî bi pleya Lîwa erkê xwe berdewam dike.

Di sala 2014an de li eniyên Mehmûdiye, Zumar û Başîkê li dijî terorîstên DAIŞê beşdarî şerê parastina serweriya axa Herêma Kurdistanê bû.

Çavkanî:

1. Arşîva Desteya Insîklopediyê ya Partiya Demokrat a Kurdistanê.