Jiyanname
Selîm Es'ed Xoşewî di sala 1943an de li gundê Bîrakepra yê navçeya Akrê ji dayîk bûye ku wê demê malbatên wan bi darê zorê de hatibûn bicihkirin, derçûyê pola sêyemîn a dibistana navîn e, di sala 1947an de piştî rûxandina komarê ji bo Telefer û Rumadiyê tê dûrxistin û di sala 1954an de vedigere Barzan, di sala 1975’an de, piştî hilweşîna Şoreşa Îlonê, koçberî Îranê bû û li bajarê Kerecê bi cih bû, ji bilî zimanê dayikê bi farisî jî dizane.
Xebatname
Di sala 1961ê de tevlî hêzên Pêşmergeyên Şoreşa Îlonê dibe, her ji destpêka têkiliya wî heta sala 1964an Pasevanê taybet yê Mele Mistefa Barzanî bû, di sala 1964an de dibe fermandarê hêza Amêdiyê, di Şoreşa Îlonê de beşdarî gelek şerên parastinê bûye, di nav de di sala 1961an beşdarî şerê Zawîte-Com Cîhan di navbera Zaxo û Duhokê de, di sala 1962’an de di şerên Sîdekan, Balekayetî, Deşta Diyana, Dola Reqe, Çiyayê Safîn û deverên cuda yên Silêmaniyê, di sala 1974’an de di şerê geliyê Duhokê de beşdar bûye.
Di sala 1961ê de di şerê Zawîte de birîndar dibe, di sala 1969an bû endamê komîteya navçeya Amêdiyê ya liqa yekem, di sala 1964an de endamê Kongreya 6. ya Partiya Demokrat a Kurdistanê (PDK) bû û di heman salê de bû fermandarê hêza Amêdiyê, di sala 1970’an de piştî peymana 11’ê adarê, li balefirgeha Bamernê bi pileya neqîb bû fermandarê Tabûra 3’emîn a Parastina Sînor.
Di sala 1976’an de tevlî hêzên Pêşmergeyên Şoreşa Gulanê bû û li Rojhilatê Kurdistanê li Zêweyê fermandarê hêza Xebat bû, di sala 1979an de endamê Kongreya 9. ya Partiya Demokrat a Kurdistanê bû.
Di sala 1991ê de beşdarî serhildana gelê Kurdistanê dibe, di sala 2010ê de endamê Kongreya 13 ya Partiya Demokrata Kurdistanê (PDK) bû, di heman kongreyê de ji aliyê Serok Mesûd Barzanî ve bi madalyaya Barzanî yê nemir hat xelatkirin. Niha jî endamê Komîteya Bilind a navçeya Barzan e.
Çavkanî:
-
Arşîva Desteya Insîklopediya Partiya Demokrat a Kurdistanê.
