Jiyanname
Fermandar Lîwa Omer Mîrxan Xezalî di sala 1939'an de li gundê Jajok ê navçeya Mêrgasorê di malbateke şoreşger de hatiye dine, di zarokatiya xwe de bi xizmên xwe re di sala 1945an de koçberî Rojhilatê Kurdistanê li Îranê bû, malbata wî beşdarî parastina Komara Kurdistanê li Mehabadê bû, du birayên wî bi navên Xezalî Mîrxan Jajokî û Şehîd Hiso Mîrxan Jajokî, ligel nemir Barzanî çûne Yekîtiya Sovyeta berê, di sala 1975’an de piştî têkçûna Şoreşa Îlonê, bi malbata xwe re koçberî Îranê dibin, pêşî li Zêwê bû û piştre jî ji bo Cehrem, Refsencan û Qezwînê hatin veguhestin, piştî rûxandina rejîma Îranê di sala 1979’an de vegeriya Rojhilatê Kurdistanê û di sala 1980’an de li Mehabadê bi cih bû, du birayên wî bi navên Yûsif Mîrxan Jajokî û Hiso Mîrxan Jajokî di Şoreşa Gulanê de şehîd bûn, di 3’ê Tebaxa 2023’an de di 84 saliya xwe de koça dawî kir û li goristana gundê Jajok a devera Barzan hate veşartin.
Xebatname
Omer Mîrxan Xezalî di sala 1963an de tevlî Hêzên Pêşmerge yên Şoreşa Îlonê bû, di sala 1963an de beşdarî şerên Kêwereş, Asos, Gilezer û Sengeser dibe, heta sala 1970’î di nava hêza Kawe de bû ku birayê wî Hiso Mîrxan Xezalî fermandariya wê dikir, di sala 1974'an de pileya milazim di hêza parastina sînor a Qeladizeyê de wergirit, di sala 1975’an de piştî têkçûna Şoreşa Îlonê, bi malbata xwe re koçberî Îranê dibin, di sala 1980’an de bi destekekê re destêpkê diçe Qasmeraşê li herêma Serdeştê û ji wir diçe Lolanê û paşê navenda xwe li Xwakurkê ava kir.
Di sala 1988’an de serdana herêmên di bin kontrola şoreşê de dike û li gel Xezalî Mîrxan, fermandarê hêza Hemrînê û bi lêdana hêzên dijmin kirin, yek ji fermandarên ku beşdarî Dastana Xwakurkê bûye û beşdarî serhildanê bûye, piştî serhildana sala 1991ê wek fermandarê tabûrê hat bilindkirin û piştre bû fermandarê tabûrê yê Mekteba Serok li Pîrmam, beşdarbûna Kongreya 12an a Partiya Demokrata Kurdistanê li sala 1999an û kongreya 13an li sala 2010an bûye û di kongreya 13an de ji aliyê Serok Mesûd Barzanî ve bi madalyaya Barzanî yê nemir hat xelatkirin.
Di sala 2014an de beşdarî şerê dijî terorîstên DAIŞê li eniya Giwêr-Mexmûrê û girtina Baqirte, Elî Awa, Cedîde, Dugirkan û Sultan Ebdullah bûye. demekê hêzên wî yên taybet bo ser Hêzên Piştevaniya yek a Wezareta Pêşmerge hatin veguhestin.
Omer Mîrxan Jajokî di dema pêşmergetiya xwe de 5 caran birîndar bûye û çend endamên malbatê yên wekî pismamê wî Ali Taha Jajokî li sala 1963an, Mîrxan Hacî Mîrxan birazayê wî û Salih Hacî Mîrxan birazayê wî û Kekşar Xidirî Xwrzayê wî li sala 1983an û du birazayên wî bi navên Elî Hiso Mîrxan di sala 1994an de û Xelîl Xezalî Mîrxan di sala 1995an de şehîd bûnne.
Çavkanî:
-
Arşîva Desteya Insîklopediya Partiya Demokrat a Kurdistanê.
