Jiyanname
Hacî Mîrxan Ehmed Silêman, di sala 1940î de li gundê Xerdinê yê navçeya Mêrgasorê ya parêzgeha Hewlêrê ji dayîk bûye, heta dibistana seretayî xwendiye, di sala 1945an de tevî malbata xwe koçberî Îranê dibe, piştî hilweşandina Komara Kurdistanê li Mehabadê vedigere Başûrê Kurdistanê, di sala 1975’an de, piştî hilweşîna Şoreşa Îlonê, koçberî heman welatî bû, piştî Serhildana Kurdistanê di sala 1991ê de vedigere welat û li bajarokê Pîrmamê bi cih dibe. Ji bilî zimanê xwe yê dayikê bi zimanê farisî jî baş diaxive.
Xebatname
Di 1’ê Gulana 1959’an de tevlî hêzên Pêşmerge dibe û li gel birayê xwe Hiso Mîrxan bûye pêşmerge, di 7ê Tîrmeha 1962an de pileya serqol wergirtiye, di sala 1966an de li devera Behdînan li çiyayên Gare serqol bû, di sala 1968an de fermandarê tabûra 3. a Hêzên Akrê bû, ji sala 1970’î heta peymana 11’ê Adarê, fermandarê tabûrê yê heman hêzê bû, di heman demê de berpirsê komîteya navçeya Akrê bû, di sala 1971’an de dibe alîkarê 9’emîn Tabûra Parastina Sînor li snûrê navçeya Şêxan.
Di sala 1967-1968an de li Çiyayê Zagrosê li Hemedanê perwerdeya leşkerî di warê bikaranîna çek, parastin, êrîş û rêberiyê de dîtiye, di Tebaxa 1969’an de li herêma Akrê û Şêxanê di şerekî giran de çavê wî birîndar bû, di sala 1977’an de bi hinceta xebatên siyasî sê mehan ji aliyê Savak a Îranê ve tê girtin.
Di kongreyên 11, 12 û 13 yên Partiya Demokrata Kurdistanê (PDK) Endamê kongreyê bû, di kongreya 13an a sala 2010 de ji aliyê Serok Mesûd Barzanî ve bi madalyaya Barzanî yê Nemir hat xelatkirin. Bi pileya sertîpê kêmendam xanenişîn bûye û endamê saziya bilind a Îlonê û serokê komîteya Îlonê li Soran û Mêrgasorê ye.
Ji berhemên wî yên çapkirî:
Lêgerîna Dadperweriyê, ku ji du bergan pêk tê, di sala 2021 de hatiye weşandin.
Çavkanî:
-
Arşîva Desteya Insîklopediya Partiya Demokrat a Kurdistanê.
