Mistefa Husên Mihemed Bapîr, bi navê (Mistefa Amêdî û Mudîr), hatiye nas kirin. Di sala 1939 li qeza Amêdî ya parêzgeha Dihokê ji dayik bûye. Di sala 1961 peywendiyê bi hêzên Pêşmergeyên şoreşa Eylûlê re kiriye û bûye Pêşmerge. Her li heman salê da beşdariya şerê Geliyê Zawîte ya li navçeya Dihok û Deşta Dûban li navçeya Zaxo de kiriye. Li heman demê de fêrî kar kirina bi xwendina tîpên Morsê hatiye kirin û bûye berpirsê Bêtelê. Piştî pêkanîna hêzên Behdînan, Mistefa Amêdî erkê serpereştî kirina amêrên Bêtelên wê hêza Leşkerî ya Behdînanê wergirtiye û bi Esed Xoşewî re bû, heta sala 1975 li erkê xwe de berdewam bû.
Di sala 1975 piştî şikesta şoreşa Eylûlê diçe Rojhilatê Kurdistanê û li wargeha Zêwe nîştecîh dibe. Berî nehiştina wê wargehê ji aliyê Hikûmeta Îranê ve, Mistefa Amêdî ji bo bajarê Siminan tê veguhestin. Di sala 1979 piştî rûxandina rejîma Şahê Îranê û hatina rejîma komara Îslamî li ser desthilatê, vedigerê bajarê Urmiyê û malbata xwe li wir nîştecîh kiriye. Ew bi xwe çûye wargeha Zêwe û erkê peywendiya mekteba siyasî bi Leq û hêzên Pêşmerge re li rêya amêrên Bêtelan birêvebiriye. Sê xulên perwerdehiyê ji bo kadîrên beşê Bêtel vekiriye û hejmarek kadîran fêrî bikaranîna amêrê Bêtel û kar kirina bi tîpên Morsê re kiriye.
Di sala 1991 piştî serhildan û raperîna Başûrê Kurdistanê, bi Mekteba Serok Mesûd Barzanî re vegeriya ye Pîrmam û li wir berdewamiyê bi xebata xwe daye. Her li heman salê da ji aliyê Mekteba Siyasî ve bûye endamê Lîjneya Birêvebirina Karubarên Peywendiyên Bêtelê.
Li 16 ê tebaxa 1996 li 50 saliya salvegera damezrandina Partiya Dêmokrata Kurdistanê de, ji ber wan xizmetên ku pêşkêşî kirine, ji aliyê Serok Mesûd Barzanî ve medalya Barzanî wergirtiye.
Mistefa Amêdî li 3 ê Nîsana 2023 li temenê 84 saliyê da koça dawî kiriye.
Çavkanî:
- Arşîva Desteya Însîklopediya Partiya Dêmokrata Kurdistanê.
