Konferansa Berlînê ya Partiya Dêmokrat a Kurdistanê (KDP) (Konferansa Berlînê – 11.08.1976), bi serokatiya Samî Ebdulrehman û hejmareke mezin ji endam û alîgirên Partiya Dêmokrat a Kurdistanê (PDK) li derveyî welat, li Berlînê paytexta Almanyaya Rojava hat lidarxistin. Armanca konferansê nirxandina siyaseta berê ya PDK, ji nû ve birêxistinkirina organên partiyê û berfirehkirina şoreşa çekdarî bû li Başûrê Kurdistanê.

Konferansa Bexdayê ya Partiya Dêmokrat a Kurdistanê (KDP) (Konferansa Bexdayê ya Partiya Dêmokrat a Kurdistana Iraqê - destpêka sala 1950) Ev konferans ji aliyê Komîteya Herêmî ya Bexdayê ve hat li dar xistin,weke bersivek li hember civîna Koyê ya di sala 1950 de, ku bi mebesta avakirina komîteyeke navendî ya demkî û amadekariya kongreya duyemîn a PDK’ê bû.

Konferansa Mawet - (Konferansa Mawetê ya Mekteba Siyasî ya Partiya Dêmokrat a Kurdistanê – Iraq – 9 Nîsan 1964), ji aliyê Mekteba Siyasî ya Partiya Dêmokrat a Kurdistanê, bi biryara Îbrahîm Ehmed sekreterê partiyê, ji bo dijberiya serok Mistefa. Barzanî, serokê Partiya Dêmokrat a Kurdistanê (PDK) li gundê Mawet hat ldarxistin.

Kongreya Giştî ya Koyê - (Kongreya Giştî ya Koyê – 18 Adara 1963an), li ser pêşniyara Serok Mistefa Barzanî, fermandarê giştî yê şoreşa Îlonê û bi amadebûna endamên mekteba siyasî ya Partiya Dêmokrata Kurdistanê û kesayetiyên welatparêz ji hemû pêkhateyan ji bo danûstandinên li gel hikûmeta Be's a Iraqê li Koyê hat lidarxistin.

Kongreya 13ê ya Partiya Dêmokrata Kurdistanê (PDK) piştî rûxandina rêjîma Be's di sala 2003an de û guhertinên mezin ên siyasî li Iraq û Herêma Kurdistanê, li Hewlêra paytexta Herêma Kurdistanê di rewşeke asayî de birêve çû.

Kongreya Yazdehan ya Partiya Dêmokrata Kurdistanê (PDK) (Partiya Dêmokrat a Kurdistanê – Yekgirtû – 26ê Tebaxa 1993) Piştî serhildana bihara sala 1991ê li Başûrê Kurdistanê û damezrandina Encûmena Niştimanî ya Kurdistanê û Hikûmeta Herêma Kurdistanê li Hewlêra paytextê Herêma Kurdistanê hat li darxistin.

Kongreya dehemîn ya Partiya Dêmokrata Kurdistanê ((Partiya Dêmokrat a Kurdistanê – 2 Kanûna yekem a 1989an), piştî avakirina Bereya Kurdistanê di sala 1988an û çendîn guhertinên herêmî li gundê Hêşmawe yê Rojhilatê Kurdistanê hat lidarxistin.

Kongreya nehemîn a Partiya Dêmokrat a Kurdistanê (PDK) - (Partiya Dêmokrat a Kurdistanê - Iraq - 10ê Mijdara 1979), piştî koça dawî ya Serok Mistefa Barzanî u bi biryara civîna Şawane li kampa penaberan a Zêwe ya Rojhilatê Kurdistanê hat lidarxistin.

Kongreya Heştemîn a Partiya Dêmokrat a Kurdistanê (Partiya Dêmokrat a Kurdistanê - Iraq – 1ê Tirmeha 1970) piştî peymana 11ê Adara 1970 li gundê Nawprdanê hate lidarxistin.

Kongreya Heftemîn ya Partiya Dêmokrat a Kurdistanê (Partiya Dêmokrat a Kurdistanê -Îraq – 15ê Çiriya Paşîn, 1966), piştî pirsgirêkên partiyê ligel koma kevin ya Mekteba Siyasî, gera wan bo Îranê û vegera wan, têkçûna hikûmeta Ebdulrehman Arif di Mijdara 1966ê û qonaxa nû ya şerê li dijî şoreşê ya di Hezîrana 1966’an de û peymana Hezîrana 1966’an a bi hikûmetê re, ji bo ji nû ve birêkxisinkirina karên PDKê li bajarokê Gelale hat lidarxistin.

Kongreya şeşemîn a Partiya Dêmokrat a Kurdistanê (Partiya Dêmokrat a Kurdistanê - Iraq - 1 Tîrmeh 1964), Li ser daxwaza Serok Mistefa Barzanî û bi erêkirina Komîteya Bilind a Pişkinîn û Çavdêriyê li Qeladizê hat lidarxistin, piştî ku Mekteba Siyasî ya partiyê di konferansa Mawetê a 1964an de hewl da ku PDK perçe bike.

Kongreya Pêncemîn a Partiya Dêmokrat a Kurdistanê (Partiya Dêmokrat a Kurdistanê - Iraq - 5 Gulan 1960), piştî wergirtina destûra fermî ya partiyê ji hikûmetê, di 5ê Gulana 1960î de li Bexdayê bi eşkere hat lidarxistin.