Şer di sala 1983’an de pêk hat, piştî ku Hêzên Pêşmergeyên Kurdistanê plan kirin ku çalakiyên xwe yên partîzanî derbasî nava bajaran bikin û ji wir jî êrîşî saziyên hikûmetê bikin, ji bo ku ji hikûmetê re bêje ku şoreşa Kurd li her derê û dema ku bixwaze dikare êrîşî saziyan bike û dikare bibe sedema ziyanên canî û malî.

Şer çalakiyeke partîzanî a Hêzên Pêşmergeyên Kurdistanê bû di 18’ê Tebaxa 1976’an de li devera Qela Selmaniyê ya devera Sindiyan li Behdînan, ku hêzeke artêşa Iraqê ketin kemîna hêzên Pêşmerge, di encamê de hêzên Pêşmerge karîn ziyaneke mezin bigihînin hêzên artêşa Iraqê û di encamê de bi dehan kuştî û birîndar di nav wan de efser û pilebilind hebûn.

Ev dastan di 31’ê Gulana 1982’an de li devera Şarezûrê bi hevkariya hêzên pêşmerge yên partiyên Kurdistanî di bereya (CUD) de pêk hat, wek PDK, Sosyalîst û Partiya Komunîst, di vê dastanê de bi dehan leşker û çete hatin kuştin, ligel şehîdbûna 4 pêşmergeyan, paşê hêzên hikûmetê vegeriyan baregeha leşkerî ya Seyîd Sadiq.

Şerê Kanyelinca di 21ê Mijdara 1983an de pêk hat, dema hêzên Pêşmergeyên Barzan êrişî bingeh û baregehên artêşa Iraqê li nêzîkî gundê Kanyelinca yê devera Barzan kirin, di demeke kin de karîbûn bigrin û ziyaneke mezin bide wan.

Şer di 6ê Kanûna 1986an de li ser rêya Siwaretûka û Zawîte çalakiyeke partîzanî ya Hêzên Pêşmerge bû, Hêza Pêşmerge yên Komîteya navçeya Amêdiyê kemînek li ser rê girt, di saet 7ê sibê de tirombêleke leşkerî ji corê Îva ya tijî leşker kirin armanc, di encamê de tirombêl hat têkbirin û ji bilî leşkerekî ku ketibû destê Pêşmerge hemû leşker hatin kuştin.

Şerê Amêdiyê zincîre çalakiyên Hêzên Pêşmerge yên Komîteya navçeya Amêdiyê ya Partiya Demokrata Kurdistanê (PDK) li devera Behdînan bû di 8ê Mijdara 1985an de, ku hejmareke çeper û baregehên çeteyên rejîma Be'sê kirin armanc, karîn 6 çeperên çeteyan bi dest bixin û ziyanek mezin gihandine wan.

Di Îlona sala 1987an de li devera Kanî Masê ya devera Behdînan şerekî mezin di navbera hêzên Pêşmerge û artêşa Iraqê de rû da, bi navê Dastana Kanî Masê dihat naskirin, Hêzên Pêşmerge êrişî çend baregeh û navendên artêşa Iraqê kirin, piştî şerekî germ û xwînrêj, Hêzên Pêşmerge karîn hemû xalên leşkerî kontrol bikin û ziyaneke mezin gihandin hêzên artêşa Iraqê ji kuştî, birîndar û dîl girtinê.

Ev şer di Mijdara 1986’an de li herêma Zaxo ya Behdînan rû da, dema ku artêş û çekdarên Iraqê bi piştevaniya topxane û firokeyên şer êrişî baregeh û çeperên Hêzên Pêşmerge yên Komîteya navçeya Zaxoyê kirin, ji bo ku dengê şoreşê li wan qadan bitepisînin, piştî çend rojan şer û fişarên li ser çeperan, Hêzên Pêşmerge karîn pêşveçûnên çeteyan têk bibin û wan ji herêmê dûr bixin.

Ev Dastan di 1’ê Tîrmeha 1987’an de li devera Ehmed Awa qewimî, dema ku Hêzên Pêşmerge di operasyoneke partîzanî de êrişî çend baregehên artêşa Iraqê û çeteyan û baregeheke Artêşa Niştimanî (Ceyş Şaabî) kirin, karîn bingeh û baregehên wan bi dest bixin û di kuştin, birîndarkirin û girtina hejmareke zêde ya dîl de ziyaneke mezin gihandine wan, piştî 2 rojan li wê navçeyê man û Hêzên Pêşmerge biryara vekişînê da û ji navçeyê derketin.

Di 5’ê Kanûna duyem a 1987’an de artêşa Iraqê û çeteyên wê bi piştevaniya tank, maşînên zirxî, top û balafirên şer li herêma Etrûş û Şêxanê êrîşeke berfireh li dijî hêzên Pêşmerge pêk anîn, şer 13 heta 15 rojan berdewam kir, her çend hêzên hikûmetê karîn hinek deveran kontirol bikin, lê piştre hêzên Pêşmerge bi piştevaniya hêzên berevaniya niştimanî yên niştecihên wê deverê, karîn li ber xwe bidin û wan têk bibin.

Şerê Mandîlê, êrişa Hêzên Pêşmergeyên Kurdistanê bû bo ser baregeha tabûra taybet a şeşemîn a li Mandîlê ku 5 km dûrî Çemçemalê ye. Şeva 10/11ê Kanûna duyem a sala 1988ê, piştî şerekî germ, Hêzên Pêşmerge karîbîn navenda wê tabîrê bigirin û hejmarek ji leşkeran kuştin û hejmarek jî dîl girtin, herwiha Hêzên Pêşmerge dest danîn ser gelek çek, cebilxane, amûr û alavên leşkerî.

Çalakiya Hêzên Pêşmerge yên liqa (1) a devera Behdînan bû di sala 1987’an de, ku wan êrîşî bingeheke artêşa Îraqî li nêzîkî bajarokê Şêladzê li ser Ava Zê kirin, di demeke kurt de Rebaya bi dest xistin û hemû leşkerên li ser erka xwe bûn hatin kuştin û Pêşmerge jî bê ziyan ji cihî derketin.