Dastana Şarezûr dastaneke din a Pêşmerge bû bi hevbeşî ligel hêzên eniya (CUD), di navbera Seyîd Sadiq, Helebce, Zerayen û Darbendîxan de hatiye tomarkirin ku dema Sê rojan dewam kir, bereya (CUD) di 28ê Mijdara 1980ê de di navbera partiyên Kurdistanî yên wek Partiya Demokrat a Kurdistanê, Partiya Sosyalîst a Kurdistanê, Partiya Komunîst a Iraqê, Partiya Gel a Demokrata Kurdistanê û Partiya Sosyalîst a Kurd (PASOK) de hat avakirin, navê wê kurteya bereya Niştîmanî a Demokratîk e, armanca avakirina vî berey ew bû ku partiyên Kurd di bin siya yek berey de rûbirûyê rejîma Be's bibin yek.
Destpêka Dastana Şarezûrê vedigere hêzên Pêşmerge yên ku ji gundê Şîremere ber bi Gêlek, Girê Qazî û Tepe Zêrîne ve çûn ji bo dewriye û lêdana saziyên leşkerî yên Be'sê, rojekê li gundên Tepeserqole, Kişyerî, Qacir, Girê Şerîf û Dolaş ên herêma Şarezorê man, di heman rojê de hêzeke mezin a artêşê û ceşan bi piştevaniya tank, top û firokeyan li gundên Tepeserqole, Kişyerî û Çem Zelmê êrişî Hêzên Pêşmerge kirin, Hêzên Pêşmerge bi serokatiya Mihemed Hacî Mehmûd, Nadir Hewramî û Azad Qeredaxî ku berpirsên bereya (CUD)ê li wê deverê bûn, di saet 10.00’an de dest pê kir û heta saet 16.00’an berdewam kir, di wê dastanê de bi dehan leşker û ceşên rejîma Be'sê hatin kuştin, di nav Hêzên Pêşmerge de çar şehîd hebûn bi navên Mihemed Qute, Barzan Salih, Mihemed Serawî û Sîrwan Saedûn Kerkûkî, ligel welatiyê bi navê Xerîb xelkê gundê Tepeserqole, piştî ku şer bi dawî bû hêzên hikûmetê vegeriyan baregeha leşkerî ya Seyîd Sadiq.
Çavkanî:
-
Mesûd Barzanî: Barzanî û Tevgera Rizgarîxwaz a Kurd, Berg 4, 1975-1990 Şoreşa Gulanê, Beş 2, Çapa Yekem, Çapxaneya Ruksana, 2021.
-
Nûrî Heme Elî: Dîroka şerê pêşmergeyekî di navbera jiyan û mirinê de, çapxaneya Şehab, çapa 2, Hewlêr – 2016.
-
Seyîd Kaka: Bîranînên Pêşmergeyekî, Çapxaneya Wezareta Rewşenbîrî, çapa 1, 1997.
-
Cemal Fethullah Teyib: Tevgera Rizgarîxwaz a Kurd li Başûrê Kurdistanê 1976-1980, çapa 1, Çapxaneya Şehab, Hewlêr-2012.
