Eşkere ye ku şoreşa Kurd li gorî qonax û şert û mercên demê di şert û mercên taybet re derbas bûye, di demekê de ku îradeya şoreşê pêwîstî bi şerê eniyê hebû, bajar û navçe hatin rizgarkirin û hêzên Pêşmerge li wir man û xwe amade kirin bo rûbirûbûna wan, lê piştî destpêkirina Şoreşa Gulanê, rewşa pêwîst bû ku hêzên pêşmerge gelek caran li dijî dezgehên leşkerî û ewlekarî yên rejîma Be's bi awayê partîzanî şer bikin, bi vî awayî peyama şoreşê û girîngiya wê ji rayedarên hikûmetan re ragihand, li vir Girîng e ku mirov rola rêxistinên bajaran ên ku ji bo şoreşê palder û rênîşanderên çalak bûn paşguh neke, Ji bo ku kadroyên rêxistinê û hêzên pêşmerge bikarin erka xwe ya şoreşgerî pêk bînin û heta kar û xebatên xwe yên pêşmerge jî pêk bînin, helbet lidarxistina gelek çalakiyan li nava bajaran û di nava kûratiya desthilatdariya hikûmetê de ji vê helwesta rêxistina veşartî ya bajarên şoreşger bêbehir nebû. ([1])
Hêzên Pêşmergeyên Kurdistanê bi serpereştiya Milazim Babekir û Hişyar Zêbarî operasyoneke Pêşmerge li navenda bajarê Akrê li dar xistin, piştî hêza hevbeş a Pêşmerge di navbera Partiya Demokrata Kurdistanê û Partiya Komunîst a Iraqê de di sala 1983’an de plan kirin ku êrîşî navend û baregehên Partiya Be's li nava Akrê bikin, li gorî plan û nexşerêya êrîşê cih di nav wan de hatin parvekirin û di dem û cihê diyarkirî de êrîşî baregeh û saziyên Be'sê yên li bajêr kirin û karîn di demeke kurt de zirareke mezin bidin saziyên Be'sê.
Di vê dastanê de her yek ji pêşmergeyan Ebdullah Qado, Silêman Hernî, Bîlal Surçî, Ebdulezîz Amêdî, Sadiq Gîzî, Ehmed Şahîn, Reza, Şîmal Zêbarî û Şêx Ehmed Sûrçî beşdar bûn û di şer de rolek bi bandor lîstin.
Di encama şer de xisareke mezin li saziyên rejîma Be'sê bi dawî bû û li herêmê dengvedanekî mezin hebû, ji aliyê Hêzên şoreşger ve pêşmergeyek bi navê Şêx Ehmed Sûrçî şehîd bû û 2 pêşmergeyên din bi navên Casim Zêbarî û Ehmed Beharkî jî birîndar bûn. ([2])
Çavkanî:
-
Mesûd Barzanî, Barzanî û Tevgera Rizgarîxwaz a Kurd, Berg 4, 1975-1990 Şoreşa Gulanê, Beş 2, Çapa 1, Çapxaneya Ruksana, 2021.
-
Gazî Adil Gerdî, Pêşmergeyek di xizmeta Barzanî de... Hacî Bêroxî, Berg 2, Çapa Duyem, Tirkiye-2021.
[1]- Gazî Adil Gerdî, Pêşmergeyek di xizmeta Barzanî de... Hacî Bêroxî, Berg 2, Çapa Duyem, Tirkiye-2021, r 46.
[2] - Mesûd Barzanî, Barzanî û Tevgera Rizgarîxwaz a Kurd, Berg 4, 1975-1990 Şoreşa Gulanê, Beş 2, Çapa 1, Çapxaneya Ruksana, 2021, r 61.
