Berdewambûna çalakiyan û lêdanên hêzên dewletê li deverên cuda gur û tên xistbû nava refên Pêşmerge û şerê partîzanî, di 6ê Kanûna yekem a 1986ê de hêzeke Pêşmerge bi fermandariya Şîmal Zêbarî berpirsê komîteya navçeya Şêxan biryar da ku di navbera Siwaratûka û Zawîte de kemînek bê danîn, piştî agahiya ku hêzên artêşa Iraqê ji 2 tirombêlên zirxî û 2 tirobêlên din ên Îva bi hêzeke leşkerî re, serê sibê di navbera Siwaratûka û Zawîte da hatin û çûnê diken da ku rê kontrol bikin û biparêzin, lê armanca wan a sereke nehiştina liv û tevgera pêşmergeyan bû li wê deverê. [1] Hêjayî gotinê ye ku beşek ji şer û çalakiyên Hêzên Pêşmergeyên Kurdistanê di kemînan de bûn ku karîn ziyaneke mezin bigihînin hêzên hikûmetê. [2]

Hêzên Pêşmerge yên ku ji bo pêkanîna operasyonê hatine erkdarkirin, ji 50 pêşmergeyan pêk dihat û xwe amade kiribûn û ev pilan xêz kiribûn:

Komek ji 10 pêşmergeyan xwe li binê rê veşartibûn, heta ku hêzên hikûmetê nêzîkî wan bin, rê li wan bigirin û gulebaran bikin.

Komeke din jî bi çekên giran ên weke mîtralyoz û BKC ji serê rê rewş dişopand, eger yekem beşê Pêşmerge erkê xwe pêk anî, dê berevaniyê li hêzên Pêşmerge yên li cihê bûyerê bikin, noqteyên leşkerî yên li derdorê bikin armanc û gulebaran bikin, her wiha divê rê li van hêzan bigirin ku ji Dihok û Sersingê neyên alîkariya hêzên xwe yên birîndar bikin. [3]

Hemû hêzên Pêşmerge bi şev meşiyan heta gihîştin nêzîkî cihê çalakiyê, piştre jî koma pêşmergeyên ku pilana wan hatibû kirin ku xwe veşêrin, çûn cihê xwe yê li binê rê û kemînek danîn, koma duyemîn jî 300-400 metre dûrî koma yekem hatin danîn.

Dema ku aso ronî bû, Pêşmerge li benda hatina hêza leşkerî bûn, lê bi derengî ket, Hêzên Pêşmerge ji ber nehatina wan hinek dilgeran bûn, li şûna wê, wan guman kir ku ew agahdar bûne û pilanên wan eşkere bûne, ji ber vê yekê wan biryar da ku her tirobêleke leşkerî ku derbas dibe bikin armanc û gulebaran bikin, saet bû 7 serê sibê, ji nişka ve Îvayek tijî leşker ji Sersingê hat bo Dihokê, dema tirobêla leşkerî gihîşt wan, ji her du deriyên bin rê de derketin û bi RPG û kelaşnîkovan gulebaran kirin û wêran kirin, hemû leşkerên wî hatin kuştin ji bilî yekî ku sax ma û dîl hat girtin, Pêşmerge ketin nava leşkerên mirî û çekên wan ên ku kelaşnîkov bûn, kom kirin.

Di vê demê de hêzeke leşkerî ji Dihokê û hêzeke din jî ji Sersengê jibo alîkariya leşkerên xwe gihîştine cihê bûyerê, Pêşmerge û leşkeran şerê hev kirin û şer germ bû, tank û zirîxên artêşê hewl dan xwe bigihînin Îva ya leşkerî lê ji ber berevaniya xurt a Pêşmerge nekarîn, şer heta nîvro berdewam kir, pêşmerge li hev kom bûn û biryara vekişînê dan, rejîma Iraqê gelek dilgiran û nîgeran bû li ser kiryarên Pêşmerge, ji ber ku Pêşmerge li her demê û li ku bixwaze êrişî hêzên wan kir û ziyaneke mezin gihandin wan, artêşa Iraqê ji bo tolhildanê devera Mizûriyan topbaran kiri ([4]).

Çavkanî:

1. Mesûd Barzanî, Barzanî û Tevgera Rizgarîxwaz a Kurd, berg 4, 1975-1990 Şoreşa Gulanê, Beş 2, Çapa Yekem, Çapxaneya Ruksana, 2021.

2. Şimal Zêbarî, Çend rastiyên veşartî di Şoreşa Gulanê de, çapa 1, çapxaneya Rojhelat, Hewlêr – 2015.

3. Siwaretûka/ https:// 3arf.org/wiki/

[1]- Şimal Zêbarî, Çend rastiyên veşartî di Şoreşa Gulanê de, çapa 1, çapxaneya Rojhelat, Hewlêr – 2015, r 352.

[2]- Mesûd Barzanî, Barzanî û Tevgera Rizgarîxwaz a Kurd, berg 4, 1975-1990 Şoreşa Gulanê, Beş 2, Çapa Yekem, Çapxaneya Ruksana, 2021, r 62.

[3]- Şimal Zêbarî, heman Çavkanî, r 352.

[4]- Şimal Zêbarî, heman Çavkanî, r 354.