Di Îlona sala 1987an de li devera Kanî Masê ya devera Behdînan şerekî mezin di navbera hêzên Pêşmerge û artêşa Iraqê de rû da, bi navê Dastana Kanî Masê dihat naskirin, Hêzên Pêşmerge êrişî çend baregeh û navendên artêşa Iraqê kirin, piştî şerekî germ û xwînrêj, Hêzên Pêşmerge karîn hemû xalên leşkerî kontrol bikin û ziyaneke mezin gihandin hêzên artêşa Iraqê ji kuştî, birîndar û dîl girtinê.

Ev şer di Mijdara 1986’an de li herêma Zaxo ya Behdînan rû da, dema ku artêş û çekdarên Iraqê bi piştevaniya topxane û firokeyên şer êrişî baregeh û çeperên Hêzên Pêşmerge yên Komîteya navçeya Zaxoyê kirin, ji bo ku dengê şoreşê li wan qadan bitepisînin, piştî çend rojan şer û fişarên li ser çeperan, Hêzên Pêşmerge karîn pêşveçûnên çeteyan têk bibin û wan ji herêmê dûr bixin.

Nûrî Ehmed Taha Abdulla Axa, di sala 1946an de endamê desteya damezrêner a Partiya Demokrat a Kurd bû, di sala 1953an de ji aliyê nnerên kongreyê ve wek endamê Komîteya Navendî ya Partiya Demokrat a Kurdistanê - Iraq (Kongreya Sêyem) hat hilbijartin, di sala 1961ê de tevlî refên Hêzên Pêşmerge bûye.

Ev Dastan di 1’ê Tîrmeha 1987’an de li devera Ehmed Awa qewimî, dema ku Hêzên Pêşmerge di operasyoneke partîzanî de êrişî çend baregehên artêşa Iraqê û çeteyan û baregeheke Artêşa Niştimanî (Ceyş Şaabî) kirin, karîn bingeh û baregehên wan bi dest bixin û di kuştin, birîndarkirin û girtina hejmareke zêde ya dîl de ziyaneke mezin gihandine wan, piştî 2 rojan li wê navçeyê man û Hêzên Pêşmerge biryara vekişînê da û ji navçeyê derketin.

Di 5’ê Kanûna duyem a 1987’an de artêşa Iraqê û çeteyên wê bi piştevaniya tank, maşînên zirxî, top û balafirên şer li herêma Etrûş û Şêxanê êrîşeke berfireh li dijî hêzên Pêşmerge pêk anîn, şer 13 heta 15 rojan berdewam kir, her çend hêzên hikûmetê karîn hinek deveran kontirol bikin, lê piştre hêzên Pêşmerge bi piştevaniya hêzên berevaniya niştimanî yên niştecihên wê deverê, karîn li ber xwe bidin û wan têk bibin.

Şerê Mandîlê, êrişa Hêzên Pêşmergeyên Kurdistanê bû bo ser baregeha tabûra taybet a şeşemîn a li Mandîlê ku 5 km dûrî Çemçemalê ye. Şeva 10/11ê Kanûna duyem a sala 1988ê, piştî şerekî germ, Hêzên Pêşmerge karîbîn navenda wê tabîrê bigirin û hejmarek ji leşkeran kuştin û hejmarek jî dîl girtin, herwiha Hêzên Pêşmerge dest danîn ser gelek çek, cebilxane, amûr û alavên leşkerî.

Çalakiya Hêzên Pêşmerge yên liqa (1) a devera Behdînan bû di sala 1987’an de, ku wan êrîşî bingeheke artêşa Îraqî li nêzîkî bajarokê Şêladzê li ser Ava Zê kirin, di demeke kurt de Rebaya bi dest xistin û hemû leşkerên li ser erka xwe bûn hatin kuştin û Pêşmerge jî bê ziyan ji cihî derketin.

Şerê Geliyê Balîsan di 26’ê Sibata 1988’an de êrîşeke mezin a artêş û çekdarên rejîma Be's li dijî Hêzên Pêşmerge bû, ji eniyên Bêtwate û Xelîfan, artêşa Iraqê êrişeke berfireh birin ser Geliyê Balîsan ku di bin kontrola Pêşmerge de bû, bi piştgiriya tank, top û balafirên şer, Hêzên Pêşmerge bi pilaneke leşkerî ya bihêz rûbirûyê hêzên Iraqî bûn, di encamê de danê êvara heman rojê Hêzên hikûmetê şikestin û êrîşa wan hat şikandin.

Şerê gelyê Reşave di 11ê Kanûna 1987ê de pêk hat, dema ku hêzên pêşmerge li ser rêya sereke a Amêdî û Dêrelokê êrişî karwaneke otomobîlên artêşa Iraqê û navenda tabûra Dêrelok, baregeha Be's û asayîşa bajarokî kirin, ji bo ku fişarên hêzên Iraqî di êrîşa wan ya di wê demê de li ser Atroş û Kela Kanîka dikir sivik bikin.

Ew şer destaneke mezin a Hêzên Pêşmerge bû di çarçoveya çalakiyên her du liqên 3 û 4 ên Partiya Dêmokrata Kurdistanê (PDK) de, dema şeva 27/28ê Tîrmehê li nêzîkî gundê Basere li quntara Çiyayê Kosret êrişî bingeheke hêzên artêşa Iraqê kirin, di vê dastanê de, Hêzên Pêşmerge karîn ziyaneke mezin bigihînin hêzên hikûmeta Iraqê, ji kuştî, birîndar û hejmarek mezin ji leşkeran dîl girtin.

Di 25ê Gulana 1981ê de şerê Xêzava di navbera hêzên Pêşmerge û artêşa rejîma Iraqê de rû da. Dema ku hêzên pêşmerge yên girêdayî Komîteya navçeya Zaxoyê li gundên devera Batîfa ya devera Behdînan ji bo bicihanîna erka xwe ya pêşmergeyan li ser lêgerînê (livînê) bûn, li gundê Xêzava rastî hêzeke leşkerî ya rejîma Be's hatin, piştî şerekî giran, hêzeke din ji Lîwaya Batîfe û Deşta Çîyê yên artêşa Iraqê hatin cihê bûyerê ji bo piştgirî û alîkariya hêzên ku ligel Pêşmerge şer dikin.

Ev Şerê di 5’ê Gulana 1987’an de li Dêrelokê ya navçeya Amediyê pêk hat, Hêzên Pêşmerge êrişî navenda alaya sivik (111) kirin, piştî şerekî giran karîn alayê û 81 çeperên derdorê bi dest bixin, her wiha derbeyên giran li hêzên rejîmê xistin di kuştî, birîndar û dîlgirtiyên leşker û çeteyan de.