Di sala 1988ê de hikûmeta Iraqê bi pilaneke berfireh êriş li dijî navçeyên Kurdistanî yên di bin kontrola Pêşmerge de dest pê kir, eşkere ye ku ji ber şerê Iraq û Îranê yên salên 1980-1988’an, hêzên hikûmetê têra xwe nebû ku hemû beşên Kurdistanê bi dest bixe, ji ber wê jî derfet ji bo hêzên Pêşmerge çêbû ku serweriya çend deveran bikin, di sala heştan de, şerê di navbera her du dewletan de ber bi kêmbûnê ve çû ji ber ku ew nêzîkî dawî û peymanek dibûn, ji ber vê yekê derfetek ji bo Iraqê derket ku gavên kor li hember şoreşa Kurdistanê bavêje da ku şoreşa gelê Kurd bitepisîne û têk bibe.
Eşkere ye ku cîbicîkirina pilana hikûmetê dê jinavbirin û wêrankirina wan deveran be, di 26ê Sibata 1988an de, saet 7ê sibê, artêşa Iraqê ji eniyên Bêtwate û Xelîfan dest bi pêşveçûna xwe kir û êrîşeke berfireh li ser Geliyê Balîsan li rojavayê Silêmaniyê, ku girêdayî parêzgeha Hewlêrê ye, kir, bi alîkarî û piştgiriya balafirên şer, top, tank û çeteyan (caş), Hêzên Pêşmerge bi planeke berfireh rûbirûyê wan bûn, di encamê de ji ber berxwedana xurt a Pêşmerge di êvara heman rojê de nûçeya têkçûna artêş û hêzên Iraqê gihişte hêzên Pêşmerge ku êrişa wan pûç kirin, lê di têkbirina êrîşa artêş û çeteyan de sê pêşmerge şehîd bûn.
Çavkanî:
-
Hacî Mîrxan Dolamerî: Lêgerîna Edaletê, Berg 2, Çapa Duyem, Kurdistan –2021.
-
Mesûd Barzanî: Barzanî û Tevgera Rizgarîxwaz a Kurd, Berg 4, 1975-1990 Şoreşa Gulanê, Beş 2, Çapa Yekem, Çapxaneya Ruxana, 2021.
