Piştî têkçûna Şoreşa Îlonê, Pêşmerge û serkirdeyên leşkerî yên şoreşê koçberî Îranêbûn, lê ev yek qet nayê wateya bidawîhatina têkoşîna azadî û serxwebûna Kurdistanê û careke din li penaberiyê amadekariyên vejîna şoreşê ji nû ve dest pê kirin. Di Tebaxa sala 1979an de hêzên pêşmerge ji bo vejandina rêxistinên Partiyê vegeriyan Behdînanê. Di vegera wan de, karê wan lêgerîna gundan bû ji bo vejandina rêxistina veşartî û pêkanîna çalakiyên Pêşmerge, weke ku diyar e, Hêzên Pêşmerge di çarçoveya rêxistinbûna Partiyê de weke liq, navçe û rêxistinan hatine birêxistinkirin.

Di Gulana 1981ê de hêzeke pêşmerge ji her du rêxistinên Şehîd Şahyaz Salih û Şehîd Mehmûd Yûsif ku girêdayî Komîteya navçeya Zaxoyê bûn, di lêgerînê (tevgerê) de bûn li gundên devera Batîfa ji bo pêkanîna hin karên şoreşgerî, roja 25ê mehê geheştin gundê Minînê, bi şev beşek ji hêzên Pêşmerge ji bo kirîna xwarin û pêdiviyên rojane çûne gundê Xêzava. Ew Gund nêzî çavdêrîya hêzên leşkerî yên rejîma Be's bû, ji ber wê jî hêza Pêşmerge bi pir baldarî bû sê kom, da ku karibin xwe biparêzin eger hêzên leşkerî yên rejîmê rûbirûyê wan bibin. Bi vê mebestê komek çûn cihê bi navê Çem Cihûr û koma duyemîn jî çûn cihekî din ê bi navê Feramok û koma sêyemîn ji bo kirîna xwarin û pêdiviyan diçin dikana gund, Pêşmergeyên koma sêyem li derdora dikanê belav bûn û hinek ji wan pêdiviyan dikirin.

Di vê demê de wan dît ku ji aliyê hêzeke artêşa Iraqê ve hatine dorpêçkirin, ji ber wê jî bilez hevdu ji rewşê agahdar kirin û di demeke kurt de leşkerên artêşa Iraqê gulle li pêşmergeyan reşandin û di navbera wan de şerekî giran derket. Leşkeran êrîşî pêşmergeyên kirin yên ku di dikanê de hatibûn dorpêçkirin, nêzîkî çar-pênc leşkeran ketin ber lûleyên tifingên pêşmergeyan û hemû derb kirin û ketin xwarê, ligel gulebarana leşkeran agir bi malên welatiyan ket. Eşkere ye ku birînên leşkerên ku êrişî dukanê kirine, derfet daye Pêşmergeyan ku kom bibin û berevaniya xwe xurt bikin, lê di vê demê de hemû hêzên ku gund dorpêçkirbûn, êrîşî pêşmergeyan kirin. Di heman demê de hêzên din ên leşkerî ji lîwaya Batîfa û Deşta Çîyê ji bo piştgiriya hêzên xwe hatin cihê bûyerê.

Dema ku hêzên pêşmerge dîtin rewş bi wî awayî ye, ku hêzeke mezin li gund hebû û hêzeke din jî dihat alîkariya wan, hizirkirîn ku dorpêçê bişkînin û xwe rizgar bikin. Di vê demê de ew ji ser banê xaniyan û di kolanên gund re derbazbûn û gihîştin hevalên xwe yên din ên ku berê li du cihan bi cih bûbûn. Paşê hemû bi hev re rizgarbûn û bê ziyan vegeriyan cihê xwe.

Çavkanî:

1. Mesûd Barzanî: Barzanî û Tevgera Rizgarîxwaz a Kurd, berg 4, 1975-1990 Şoreşa Gulanê, Beş 2, Çapa Yekem, Çapxaneya Ruksana, 2021.

2. Mihemed mirad: Xebata Çiya, bîrhatin û serhatiyên Şoreşa Gulanê dinavbera salên (1976-1989)da, çapxana kurdistanê – zaxo, 2007.

3. Xazî Adil Gerdî: Pêşmergeyek di xizmeta Rêya Barzanî de Hecî Bêroxî, berg 2, Çapa 2, Tirkiye-2021.