Basere gundekî kurdistanê ye li navçeya Xidran a navçeya Dûkanê û li quntara çiyayê Kosretê, wek hemû deverên din ên Kurdistanê, ew dever jî ji aliyê artêş û hêzên çekdar ên Iraqê ve pêça bû, hebûna alayeke artêşa Iraqê li wê deverê bi temamî wêranker bû û xalên kontrolê yên leşkerî jî bandoreke xirab li ser jiyana gundî û rûniştvanên wê deverê kirbû, herwiha astengek mezin jî bûn li pêşiya şoreş û tevgera Pêşmerge, di sala 1987'an de ji ber aloziya di nava refên artêş û hêzên hikûmetê de vebûneke berfireh ji çalakiyên Pêşmerge re hate vekirin, li gelek deverên Kurdistanê her roj komên hêzên pêşmerge êrîşî hêzên çekdar ên hikûmetê dikirin û ziyaneke mezin gihandin can û malên wan.
Yek ji çalakiyên Pêşmerge şerê Basere ye ku şeva 27/28 Tîrmeha 1987ê pêk hat, dema ku hêzên pêşmerge yên liqên sêyem û çarem ên Partiya Dêmokrata a Kurdistanê (PDK) bi pilaneke leşkerî ya xurt êrîşeke mezin li ser ketîbeya Basere pêk anîn bi niyaza êrîş û çalakiya partîzanî û ziyan lêxistin bi hêzên hikûmetê, ji ber ku hêzên pêşmerge bi pilan û amadekirî êrîş pêk anîn, karîbûn di demeke kin de alayê bigirin û têk bibin, di dawiyê de hêzên hikûmetê derbeyên giran xwarin û 152 leşker hatin kuştin, 70 leşkerên din jî dîl hatin girtin, baregeha sereke ya alayê û hemû çeperên leşkerî hatin rûxandin û hejmareke zêde ya çek, cebilxane, amûr û alavên leşkerî ketin destê hêzên Pêşmerge, di tomarkirina wê dastanê de 2 Pêşmerge şehîd bûn.
Çavkanî:
-
Mesûd Barzanî: Barzanî û Tevgera Rizgarîxwaz a Kurd, berg 4, 1975-1990 Şoreşa Gulanê, Beş 2, Çapa Yekem, Çapxaneya Ruxana, 2021.
-
Şimal Zêbarî: Çend rastiyên veşartî di Şoreşa Gulanê de, çapa yekem, çapxaneya Rojhelat, Hewlêr – 2015.
