Paul Maubec bi navê (krîs Kuçêra) hatiye naskirin. Di sala 1966 ve karê rojnamevaniyê kiriye. şarezayiyeke baş li Rojhilata Navîn û bi taybetî li pirsa Kurd de hebû. Di destpêka kar kirinê heta ku sala 1971 zêdetirê 130 roportaj li ser pirsa Kurd li rojname, kovarên Fransî û navdewletî de belav kiriye. Di sala 2010 li kongreya 13 ê Partiya Dêmokrata Kurdistanê de ji ber wan xizmetên pêşkêşî Kurd û Kurdistanê kiribû, ji aliyê Serok Mesût Barzanî ve madalya Barzaniyê Nemir wergirt.

Ebubekir Osman Mihemed bi (Fetah Gulî), hatiye nas kirin. Di sala 1943 li parêzgeha Dihokê ji dayik bûye. Di sala 1961 peywendiyê bi hêzên Pêşmergeyên şoreşa Eylûlê re kiriye. Di sala 1975 piştî şikesta şoreşa Eylûlê koçberê welatê Îranê bûye. Di sala 1979 peywendiyê bi şoreşa Gulanê re dike. Di 16 ê Tebaxa 1996 li 50 saliya damezrandina Partiya Dêmokrata Kurdistanê de ji aliyê Serok Mesûd Barzanî ve madalya Barzanî wergirtiye. Di sala 2007 ji ber sedema nexweşiyê koça dawî kiriye.

Ehmed Salar Ebdulwahîd Ehmed bi navê )Ehmed Salar( hatiye nas kirin. Di sala 1947 li bajarê Silêmaniyê ji dayik bûye. Qonaxên xwendina seretayî û navendî û amadehiyê li bajarê Silêmaniyê xwendiye. Di sala (1971-1972) beşa şano ya li Kolêja Hunerên Ciwanekan (Xweşikiyan) ya bajarê Bexdayê temam kiriye.

Di sala 1936 li gundê Rêzan ya li navçeya Barzan ya ser bi qeza Mêrgesora parêzgeha Hewlêrê ji dayik bûye. Di sala 1975 piştî şikesta şoreşa Eylûlê koçberî welatê Îranê bûye. Di sala 1979 peywendiyê bi şoreşa Gulan ve dike û li Hêza Barzan de dibe Pêşmerge. Bi raperîna mezina sala 1991 re vegeriyaye Başûrê Kurdistanê.

Elî Silêman Ebdula Silêman, di sala 1943 li parêzgeha Hewlêrê ji dayik bûye. Di sala 1961 peywendiyê bi rêzên hêza Pêşmergeyên şoreşa Eylûlê re kiriye. Di sala 1964 wekî pasevanê General Mistefa Barzanî hatiye erkdar kirin. Piştî koça dawî ya General Mistefa Barzanî bûye pasevanê taybetî yê Serok Mesûd Barzanî. Yek ji hilgirên madalya Barzanî ye.

Ehmed Mela Siwar di sala 1941 li gundê Mela Siwar ya ser bi qezaya Mêrgesorê ji dayik bûye, kurê Mela Siwar Omere ku li şoreşa Barzan (1943-1945) de beşdar bûye û li 25 ê Eylûla 1945 li şerê Meydan Morîk de şehîd bûye.

Ehmed Resul Elî Husên, nas kiriye bi navê (Ehmed Birno). Di sala 1949 li gundê Girtigê ya li devera Balekayetî ya qeza Çoman a ser bi parêzgeha Hewlêrê ji dayik bûye. Di sala 1975 piştî şikesta şoreşa Eylûlê (Îlonê) koçberî welatê Îranê bûye û li Pîranşarê Rojhilatê Kurdistanê nîştecih bûye. Piştî demekê ji bo wargeha Sera û Nîluferê bajarê Kirmaşanê hatiye veguhestin.

Ehmed Îbrahîm Mistefa, bi navê (Ehmed Xelanî), hatiye naskirin. Di sala 1950 li gundê Xelanê ya nahiye ya Hacî Omeran ê qeza Çoman ya parêzgeha Hewlêrê ji dayik bûye. Di sala 1975 piştî şikesta şoreşa Eylûlê, koçberî welatê Îranê bûye û bi Kerîm Sincarî, Şekîb Akreyî û Azad Berwarî re çûye Nexede, lê belê li wir gelek nemaye û vegeriyaye gundê Xelan.

Ebdulrehman Resul Hacî Xelîl, naskiriye bi (Ebu Şivan), di sala 1945 li bajarê Zaxo ya ser bi parêzgeha Dihokê ji dayik bûye. Di destpêka sala 1970 de peywendiyê bi rêzên Partiya Dêmokrata Kurdistanê kiriye û di sala 1972 ku hêza Şingalê hate damezrandin, peywendiyê bi wê hêzê ve kiriye ku Mele Husên Marenî Fermandeyê wê Hêzê bûye. Di sala 1975 piştî şikesta şoreşa Eylûlê çûye gundê Bankê û bi komek Pêşmergeyên din re biryarê dane ku azad bin li çûna wan ya welatê Îranê yan mayinê.

Ce'fer Silêman Elî Çêyî di sala 1945 li gundê Çêya li qeza Amêdî ya ser bi parêzgeha Dihokê ji dayik bûye. Di sala 1975 piştî şikesta şoreşa Eylûlê koçberê welatê Îranê bûye û li Nexede nîştecîh bûye. Paşê ji bo Meşhedê hatiye veguhestin û heta sala 1979 li Meşhedê maye. Heman salê vegeriya ye Kerecê û bi Îdrîs Barzanî re hevdîtinê encam daye. Heta sala 1981 li Îranê maye û di sala 1981 vegeriya ye Başûrê Kurdistanê û li bajarê Dihokê nîştecîh bûye.

Bernard Kouşner, siyasetmedar, dîplomat û pizîşkê pîspor yê Fransî, di sala 1939 li bajarê Komûn ya Başûrê Rojhilatê welatê Fransa ji dayik bûye. Damezrênerê her du rêxistinên Pizîşkên Bêsînor û Pizîşkên Cîhanî ye, Endamê Parlemena Fransa, Endamê Parlemenê Yekîtiya Ewrupa, Wezîrê Tendirustî, Wezîrê Derveyê Yekîtiya Ewrupa bûye. Li 15 ê Adara 2013 ji aliyê Serok Mesûd Barzanî ve medalya Barzaniyê wergirt.

Ebdulrehman Mihemed Ebdulrehman naskiriye bi (Ebdulrehman Hureyî), di sala 1930 li gundê Hure ya navçeya Rêkanî ya parêzgeha Dihokê ji dayik bûye. Heta pola pêncema seretayî xwendiye. Di sala 1961 dema şoreşa Eylûlê bi rêberiya Barzaniyê Nemir destpêkir, Abdulrehman Hureyî peywendiyê bi rêzên şoreşa Eylûlê kir. Berî destpêka şoreşê derbasî devera Rêkan û beşdariya şerê Çemankê kiriye.