Siyasetmedar Elî Ewnî Nî'met Mihê, di sala 1984 an de peywendiyê bi rêzên Yekîtiya Qutabiyên (Xwendekarên) Kurdistanê û di sala 1985 an de peywendiyê bi rêzên Partiya Dêmokrata Kurdistanê re kiriye. Di sala 1999 an de nûnerê kongreya 12 ya Partiya Dêmokrata Kurdistanê li bajarê Hewlêrê bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin.
Jiyanname
Elî Ewnî di sala 1967 an de li bajarê Zaxo ji dayik bûye. Di sala 1975 an de piştî şikesta şoreşa Eylûlê bi malbata xwe re koçberê welatê Îranê bûne û xwendina seretayî û amadehiyê li wir temam kiriye û di sala 1991 an de piştî raperîna Başûrê Kurdistanê begeriya ye niştiman. Di sala 2003 an de bawernameya mastera edebiyata Kurdî li zanîngeha Selahedînê bi dest ve aniye. Şarezayê zimanên Kurdî (her çar zaravayên Kurmancî, Soranî, Lurî, Goran), Farisî, Îngilîzî û Erebî ye.
Xebatname
Elî Ewnî di sala 1984 an de peywendiyê bi rêzên Yekîtiya Qutabiyên Kurdistanê û di sala 1985 an de peywendiyê bi rêzên Partiya Dêmokrata Kurdistanê re kiriye. Di sala 1993 û li kongreya heştem ya qutabiyan da bi endamê lîjneya raperandina Yekîtiya Qutabiyên Kurdistanê hatiye hilbijartin û di sala 1994 an de bûye berpirsê leqa Dihok - Nînowa ya Yekîtiya Qutabiyên Kurdistanê. Di sala 1998 an de li kongreya nehem ya qutabiyan da bi endamê lîjneya raperandinê hatiye hilbijartin û paşê ji aliyê endamên lîjneya raperandinê ve bi Sekreterê Yekîtiya Qutabiyên Kurdistanê hatiye hilbijartin.
Di sala 1999 an de nûnerê kongreya 12. ya Partiya Dêmokrata Kurdistanê li bajarê Hewlêrê bûye. Di sala 2001 an de kargêrê lîjneya leqa 8 ya Zaxo bûye. Di sala 2005 an de bûye berpirsê leqa 8 ya Zaxo. Di sala 2007 an de berpirsê mekteba navendî ya rêxistinên cemawerî bûye. Di sala 2010 an de bûye berpirsê Peymangeha Kadîrên Partiya Dêmokrata Kurdistanê û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin.
Berpirsê lîjneya leqa bîst ya Şêxanê bûye li salên ( 2011 - 2017 ), berpirsê lîjneya leqa 10 ya Soran 2017 ya Partiya Dêmokrata Kurdistanê û niha (2022) berpirsê lîjneya leqa 8 ya Zaxo ye.
Çavkanî:
Arşîva Desteya însîklopediya Partiya Dêmokrata Kurdistanê.
