Yasanas û siyasetmedar Elî Hisên Ehmed, bi navê (Elî Surçî), hatiye nas kirin. Di sala 1982 an de peywendiyê bi rêzên Partiya Dêmokrata Kurdistanê re kiriye. Nûnerê kongreyên yazdehem ya di sala 1993 û diwazdehem ya di sala 1999 ya Partiya Dêmokrata Kurdistanê bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin.

Jiyanname

Elî Hisên di sala 1966 an de li bajarê Dihokê ji dayik bûye. Di sala 2001 an de bekaloryosa yasa li zanîngeha Selahedîn - Hewlêrê wergirtiye. Şarezayê her du zimanên Kurdî û Erebî ye.

Xebatname

Elî Hisên di sala 1982 an de peywendiyê bi rêzên Partiya Dêmokrata Kurdistanê re kiriye. Di sala 1991 an de peywendiyê bi hêzên Pêşmerge ya lîjneya leqa du ya Partiya Dêmokrata Kurdistanê re kiriye û li raperîna Başûrê Kurdistanê da beşdar bûye. Nûnerê kongreyên 11. ya di sala 1993 û 12. ya di sala 1999 an ya Partiya Dêmokrata Kurdistanê bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê de hatiye hilbijartin. Di sala 2022 an de li kongreya 14. da bi endamê komîteya navendî û li yekemîn civîna komîteya serkirdayetiyê de bi endamê mekteba siyasî ya Partiya Dêmokrata Kurdistanê de hatiye hilbijartin û bûye berpirsê mekteba rêxistinê parêzgeha Silêmaniyê.

Di sala 1994 an de berpirsê lîjneya navçeya Herîr û di sala 2001 an de berpirsê lîjneya navçeya Şeqlawe ya ser bi ‌lîjneya leqa du bûye. Di sala 2004 an de bûye kargêrê lîjneya leqa 16. Di salên (2005 - 2011) an de berpirsê lîjneya leqa deh ya Soran bûye û di sala 2013 an de bûye berpirsê lîjneya leqa du ya Hewlêrê. Di sala 2017 an de bûye berpirsê mekteba peywendiyên Kurdistan û Iraqê ya Partiya Dêmokrata Kurdistanê.

Çavkanî:

Arşîva Desteya însîklopediya Partiya Dêmokrata Kurdistanê.