Jiyanname

Heyder Mihemed Emîn, di sala 1927 an de li bajarê Hewlêrê hatiye dinê. Di sala 1946 an de azmûna qonaxa dawî ya amadehiyê di girtîgehê de daye. Di sala 1948 an de li beşa Îngilîzî ya Zanîngeha Perwerdeyê ya Bexdayê hatiye qebûlkirin û di sala 1953 an de bekaloryosê xwe di beşa Zimanê Îngilîzî de ji Zanîngeha Perwerdeyê ya Bexdayê wergirtiye. Di sala 1953 an de ji ber têkoşîna Kurdayetiyê mafê damezrandinê nedanê û ji bo debara xwe di şirketek taybet a li Bexdayê de xebitiye. Di sala 1957 an de wek mamosta li dibistana navîn a Hîlleyê hatiye damezrandin. Di sala 1958 an de piştî rûxandina rejîma Padîşahî ya Iraqê, ew vegeriyaye Rêveberiya Perwerdeyê ya Hewlêrê û wek mamosta xebitiye. Di sala 1958 an de mamostayê zimanê Îngilîzî yê Enstîtuya Mamostayan a Seretayî ya Hewlêrê bûye.

Di 16 ê Çileya Paşîn a 1960 an de bi rawestana dil li bajarê Hewlêrê koça dawî kiriye. Di 22 ê Çileya Paşîn a 1960 an de rojnameya Xebat, organa Partiya Dêmokrata Kurdistanê, nûçeya koça wî ya dawî belav kiriye. Sekreterê Partiya Dêmokrat a Kurdistanê û şaxê Hewlêrê yê Sendîkaya Mamostayan a Kurdistanê sersaxî ji malbata wî re xwestine. Zimanên Kurdî, Erebî û Îngilîzî dizanibû.

Xebatname

Di sala 1942 an de beşdarî xwepêşandana li ber deriyê Parêzgeha Hewlêrê bûye ji bo azadkirina parêzer Ewnî Yusif Ehmed (1988 - 1908),  û Doktor Ce'fer Mihemed Kerîm (1910 - 2000) ku bi Doktor Ce'fer Feylî dihat nasîn, û Hesen Teha Ebdulezîz (1915 - 1999) ku bi Hesen Ketanî dihat nasîn, yên ku ji ber têkoşîna Kurdayetiyê ji aliyê parêzgarê Hewlêrê ve hatibûn girtin. Di sala 1946 an de tevlî refên Partiyê bûye. Di sala 1948 an de hatiye girtin û ezmûna qonaxa dawî ya amadehiyê di girtîgehê de daye û serketî bûye. Di sala 1948 an de nûnerê kongreya Yekîtiya Giştî ya Xwendekarên Iraqê (Kongreya Şêran) bûye.

Di sala 1948 an de endamê serkirdayetiya Yekîtiya Giştî ya Xwendekarên Iraqê (Kongreya Şêran) bûye. Di sala 1949 an de ji ber çalakiyên siyasî hatiye girtin. Di sala 1953 an de di nav damezrînerên Yekîtiya Xwendekarên Kurdistanê de bûye. Di sala 1953 an de endamê Komîteya Amadekar a kongreya yekemîn a Yekîtiya Xwendekarên Kurdistanê bûye. Di sala 1953 an de di kongreya yekemîn a Yekîtiya Xwendekarên Kurdistanê de wek endamê Desteya Rêveberiyê hatiye hilbijartin û piştî demeke kurt jî wek sekreterê Yekîtiya Xwendekarên Kurdistanê hatiye destnîşankirin. Di sala 1953 an de di nav damezrîner û endamên serkirdayetiya Yekîtiya Ciwanên Dêmokrat a Kurdistanê de bûye. Di sala 1959 an de hatiye kirin berpirsê Komîteya Herêma Hewlêrê ya girêdayî Komîteya Şaxê Duyemîn a Partiya Dêmokrat a Yekgirtî ya Kurdistanê.

Di sala 1959 an de endamê Desteya Amadekar a Kongreya Çaremîn a Partiya Dêmokrat a Kurdistanê - Iraq bûye. Di sala 1959 an de nûnerê Kongreya Çaremîn a Partiya Dêmokrat a Kurdistanê - Iraq li bajarê Bexdayê bûye. Di 10 ê Çileya Yekemîn a 1959 an de wek nûnerê Partiya Dêmokrat a Kurdistanê - Iraq li baregeha rojnameya Xebat li bajarê Hewlêrê, bi boneya başbûn û derketina ji nexweşxaneyê ya Zaîm Rukin Ebdulkerîm Qasim (1914 - 1963) ku di hewleke terorî ya Partiya Baas a Ereban a Sosyalîst de birîndar bûbû, axaftin ji gel re xwendiye. Di rojên 15 - 17 ê Tebaxa 1960 an de nûnerê Parêzgeha Hewlêrê di kongreya duyemîn a Yekîtiya Mamostayan a Kurd (Kongreya Duyemîn a Şeqlawe) de bûye. Di sala 1960 an de ji aliyê nûnerên kongreyê ve wek endamê yedek ê Komîteya Navendî ya Partiya Dêmokrat a Kurdistanê (Kongreya Pêncemîn) hatiye hilbijartin. Di sala 1960 an de sekreterê şaxê Hewlêrê yê Yekîtiya Mamostayan a Kurdistanê bûye.

Çavkanî :

1 - Salih Reşîd (amadekar), Mam Celal: Dîdara Temen, Ji Ciwantiyê Heta Koşka Komariyê, Cildê Yekem, (Silêmanî – Çapxaneya Karo – 2017), r. 40, 65.

2 - Se'dî Yûsif, Bîranîna Têkoşer Heîder Mihemed Emîn, Namzetê Komîteya Navendî ya Partiyê, Rojnameya Xebat, Organa Partiya Dêmokrat a Kurdistanê, Hejmar 937, Hewlêr, Înî, 13 Tebax 1999, r. 7.

3 - Şiwan Mihemed Emîn Taha Xoşnaw, Hewlêr di Navbera Salên (1958 – 1963) de: Lêkolînek di Rewşa Siyasî de, (Hewlêr – Çapxaneya Rojhilat – 2012), r. 186.

4 - Cemal Nebez, Bîranînnameya Wan Rojên ku Carek din Nayên, (Silêmanî – Çapxaneya Şivan – 2017), r. 41, 417 - 418, 513.

5 - Mam Celal, Xebat ji çi hat û çawa bû organa Partiyê? Û çawa dihat birêvebirin?, Kovara Xak, Hejmar 55, Sal 5, Silêmanî, Çapxaneya Ofseta Diler, 10 Çileya Paşîn 2002, r. 5.

6 - Mam Celal, Salên Kongreya Xwendekaran, Beşa Pêncemîn, Kovara Xak, Hejmar 14, Sal 2, Silêmanî, Çapxaneya Ofseta Diler, 10 Tebax 1998, r. 6, 8.

7 - Mamoste Heyder Mihemed Emîn di Rehmeta Xwedê de ye, Rojnameya Xebat (Têkoşîn), Organa Partiya Demokrat a Kurdistanê, Hejmar 413, Sal 2, Bexda, Duşemî, 23 Çileya Paşîn 1961, r. 2.

8 - Bîranîna Têkoşer Heyder Mihemed Emîn, Namzetê Komîteya Navendî ya Partiyê, Rojnameya Xebat, Organa Partiya Dêmokrat a Kurdistanê – Yekgirtî, Hejmar 937, Hewlêr, Înî, 13 Tebax 1999, r. 7.

9 - Saman Kerîm Mehmûd, Yekîtiya Xwendekarên Kurdistanê 1953 – 1975, (Kerkûk – Komeleya Ronakbîrî û Civakî ya Kerkûkê – 2010), r. 34, 58.

10 - Sîrwan Osman, Dîrokeke Birûskedar û Karwaneke Bêdawî, (Hewlêr – Çapxaneya Rewşenbîrî – 2014), r. 41.

11 - Sidîq Celîzade, Çend Peyvên Emanet û Wefadarî ji Bo Giyana Pak a Xwêdê Lê Xweşbûyî Heyder Mihemed Emîn, Rojnameya Birayetî, Organa Partiya Dêmokrat a Kurdistanê – Yekgirtî, Hejmar 1922, Hewlêr, Şemî, 16 Nîsan 1994, r. 4.

12 - Abdulsettar Tahir Şerîf, Dîroka Partiya Şoreşger a Kurdistanê, Çapa Duyemîn, (Bexda – Weşanên Şoreşger – 1979), r. 142.

13 - Îrfan Ezîz Ezîz, Kongre û Konferansên Yekîtiya Xwendekarên Kurdistanê, (Hewlêr – Projeya Nivîsandina Dîroka Yekîtiya Xwendekarên Kurdistanê – Çapxaneya Rojhilat – 2012), r. 18.

14 - Koça Dawî ya Mamoste Heyder Mihemed Emîn, Rojî Nû, Hejmar 11, Sal 1, Silêmanî, Çapxaneya Kameran, Sibat 1960, r. 100.

15 - Kongreya Pêncemîn a Partiya Dêmokrat a Kurdistanê, Kovara Rojî Nû, Hejmar 3, Sal 1, Silêmanî, Çapxaneya Kameran, Hezîran 1960, r. 56.

16 - Kongreya Duyemîn a Navxweyî ya Mamostayan a Kurd li Şeqlawe, (Silêmanî – Neqabeya Mamostayan a Şaxê Silêmanî – Çapxaneya Jîn – 1960), r. 109.

17 - Di Dîdarek Taybet de Serok Talabanî Hûrguliyên Damezrandina (Y.Q.K) Eşkere Dike, Kovara Xebata Qutabiyan, Organa Yekîtiya Xwendekarên Kurdistanê, Hejmar 109, Hewlêr, Çapxaneya Roksana, Hezîran 2012, r. 9.

18 - Mam Celal, Têkoşerê Xwedî Taybetmendiyên Baş û Xîsalên Mirovî û Sifetên Kêm û Exlaqê Bilind, Rojnameya Yekîtî, Rojnameya Navendî ya Yekîtiya Niştimanî ya Kurdistanê, Hejmar 384, Sal 8, Silêmanî, Înî, 5 Tebax 2000, r. 3.

19 - Mam Celal, Bi Boneya Derbasbûna 46 Salan li ser Damezrandina Yekîtiya Xwendekarên Kurdistanê, Rojnameya Yekîtî, Rojnameya Navendî ya Yekîtiya Niştimanî ya Kurdistanê, Hejmar 306, Sal 7, Silêmanî, Înî, 19 Sibat 1999, r. 5.

20 - Navên Endamên Kongreya Duyemîn a Navxweyî ya Mamostayan a Kurd li Şeqlawe, Kovara Hetaw, Hejmar 184, Sal 7, Hewlêr, Çapxaneya Kurdistan, Çarşemî, 31 Tebax 1960, r. 19.

21 - Navên Wan Mamostayan ku di Kongreya Duyemîn a Mamostayan a Kurd de li Şeqlawe di 15 - 17 Tebax 1960 de Beşdar Bûn, Rojnameya Dengê Kurd, Hejmar 19, Sal 1, Bexda, Çapxaneya Mehabad, Duşemî, 22 Tebax 1960, r. 3.

22 - Newzad Fu'ad Reşîd, Destek Gul di Dîroka Yekîtiya Ciwanên Dêmokrat a Kurdistanê de, Cildê Duyemîn, (Hewlêr – Mekteba Sekreteriyê – Yekîtiya Ciwanên Dêmokrat a Kurdistanê – Çapxaneya Welat – 2018), r. 14.