Dîroknas û siyasetmedar Ebdulxaliq Ebdulselam Mistefa, bi navê (Ebdulxaliq Babîrî ), hatiye nas kirin. Di sala 1972 an de peywendiyê bi rêzên şoreşa Eylûlê re kiriye. Nûnerê kongreyên dehem 1989, yazdehe‌m 1993, diwazdehem 1999 an bûye û di sala 2010 an de li kongreya sêzdehe‌m da bi endamê encumena serkirdayetiya Partiya Dêmokrata Kurdistanê hatiye hilbijartin. Berpirsiyariya her yek ji leqên neh ya Akrê 2004, heşt ya Zaxo 2009 û yek ya Dihok 2011 ya Partiya Dêmokrata Kurdistanê wergirtiye.

Jiyanname

Ebdulxaliq Babîrî, di sala 1956 an de li gundê Babîr ya ser bi qeza Amêdî ya ser bi parêzgeha Dihokê ji dayik bûye.

Xebatname

Ebdulxaliq Babîrî di sala 1972 an de peywendiyê bi rêzên şoreşa Eylûlê re kiriye. Di sala 1976 piştî destpêkirina Şoreşa Gulanê careke din peywendiyê bi rêzên şoreşê re kiriye. Li navbera salên ( 1982 - 1988 ) an de beşdariya zêdetirê şerên li devera Behdînan ya li dijî Hikûmeta Be'es ya Iraqê de kiriye. Hinek ji wan şerê Kanî Masê, şerê Dêreluk, şerê Firokxaneya Bamernê û şerê Sutkê, di salên ( 1983 - 1987 ) berpirsê lîjneya navçeya Amêdî ya ser bi leqa yek ya Partiya Dêmokrata Kurdistanê bûye.

Di sala 1988 an de piştî êrîşa rejîma Be'es ya ser navçeyên Behdînan û destpê kirina qonaxa heştem ya Enfalê koçberî welatê Tirkiye bûye û paşê çûye welatê Îranê. Nûnerê kongreyên dehem 1989, yazdehe‌m 1993 û diwazdehem 1999 an bûye û di sala 2010 li kongreya sêzdehe‌m da bi endamê encumena serkirdayetiya Partiya Dêmokrata Kurdistanê hatiye hilbijartin.

Di sala 1991 an de piştî serkeftina raperîna Başûrê Kurdistanê, vegeriya ye û bûye berpirsê lîjneya navçeyên Sêmêl û Zaxo ya ser bi leqa yek Partiya Demokrata Kurdistanê. Berpirsiyariya her yek ji leqên neh ya Akrê 2004, heşt ya Zaxo 2009 û yek ya Dihok 2011 ya Partiya Dêmokrata Kurdistanê wergirtiye.

Di sala 1997 bûye Fermandeyê Artêşa Çardeh ya Zaxo û di sala 2014 an de piştî êrîşa hêzên çekdarên Dewleta Îslamî li Iraq û Şam ( Da'îş ) ya li ser navçeyên Herêma Kurdistanê, çûye bereyên şer û erkê serpereştiya mîhwerê Telesqof ya hêza Pêşmergeyên Kurdistanê wergirtiye.

Çavkanî:

Arşîva Desteya însîklopediya Partiya Dêmokrata Kurdistanê.