Akademî û siyasetmedar Elî Teter Tofîq Mihemed Emîn, bi navên (Dr Elî Teter û Dr Elî Nêrweyî), hatiye nas kirin. Di sala 1982 an de peywendiyê bi rêzên Partiya Dêmokrata Kurdistanê re û heman salê peywendiyê bi rêzên hêzên Pêşmergeyên Kurdistanê re kiriye. Di sala 1993 an de nûnerê kongreya 11. bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin.
Jiyanname
Elî Teter di sala 1968 an de li bajarê Dihokê ji dayik bûye. Di sala 2000 an de bekaloryosa dîrokê li zanîngeha Dihokê wergirtiye û di sala 2002 masterê li dîroka Kurd li beşa dîrokê ya heman zanîngehê de bi dest ve aniye û di sala 2008 an de bawernameya doktorayê li dîroka hemdem da wergirtiye û niha nasnavê zanistê profesoriyê heye. Di sala 2020 an de bûye parêzgerê parêzgeha Dihokê. Şarezayê zimanên Kurdî, Farisî, Erebî û Îngilîzî ye.
Xebatname
Di sala 1975 an de piştî şikesta şoreşa Eylûlê bi malbata xwe re koçberî welatê Îranê bûye. Di sala 1986 an de peywendiyê bi rêzên Partiya Dêmokrata Kurdistanê re û heman salê peywendiyê bi rêzên hêzên Pêşmergeyên Kurdistanê re kiriye û di sala 1988 an de wekî Pêşmerge beşdariyê li destana Xwakurk ya li dijî hêzên artêşa Iraqê da kiriye. Di sala 1991 an de beşdariyê li azad kirina bajarê Dihokê da kiriye.
Di sala 1993 an de nûnerê kongreya 11. bûye û di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê hatiye hilbijartin. Li kongreyên 9. ya di sala 1998 û 10. ya di sala 2001 ya Yekîtiya Qutabiyên Kurdistanê da bi endamê lîjneya raperandinê hatiye hilbijartin û bûye berpirsê leqa Dihok - Nînowa ya rêxistina navbihurî. Di salên ( 2002 - 2010 ) bi pleya Emîd Birêveberê Dihokê ya Ajansa Parastina Asayîşa Kurdistanê bûye û di salên ( 2003 - 2006 ) an de beşdariyê li şerê dijî bi terorê ya li tixûbê parêzgeha Musilê da kiriye. Di salên ( 2011 - 1017 ) an de berpirsê leqa 10 û di sala 2017 an de berpirsê leqa 8 ya Zaxo ya Partiya Dêmokrata Kurdistanê bûye.
Çavkanî:
Arşîva Desteya însîklopediya Partiya Dêmokrata Kurdistanê.
