Yasanas û siyasetmedar Fazil Mutnî Elîxan, bi navê (Fazil Mîranî), hatiye nas kirin. Di sala 1966 an de peywendiyê bi rêzên Partiya Dêmokrata Kurdistanê re kiriye. Nûnerê kongreyên heftem ya di sala 1966, heştem ya di sala 1970 an bûye û li kongreyên nehem ya di sala 1979, dehem ya di sala 1989, yazdehe‌m ya di sala 1993 û 12. ya di sala 1999 an de bi endamê komîteya navendî û paşê bi endamê mekteba siyasî hatiye hilbijartin û di sala 2010 an de li kongreya 13. da bi endamê encumena serkirdayetî û li yekemîn civîna encumena serkirdayetiyê da bi sekreterê mekteba siyasî ya Partiya Dêmokrata Kurdistanê hatiye hilbijartin. Li kabîneyên sêyem û çarem da Wezîrê Navxwe ya Herêma Kurdistanê bûye û di sala 1997 an de li kabîneya sêyem da bûye Cîgirê Serokê Encumena Wezîrên Hikûmeta Herêma Kurdistanê bi wekalet. Hilgirê madalya Barzanî yê Nemir e.

Jiyanname

Fazil Mîranî di sala 1948 an de li bajarê Musilê ji dayik bûye. Di sala 2000 an de bekaloryosa yasay ji kolêja maf ya li zanîngeha Selahedîn - Hewlêrê wergirtiye. Li kabîneyên sêyem û çarem da Wezîrê Navxweya Herêma Kurdistanê bûye û di sala 1997 an de li kabîneya sêyem da bûye Cîgirê Serokê Encumena Wezîrên Hikûmeta Herêma Kurdistanê bi wekalet. Şarezayê zimanên Kurdî, Erebî, Îngilîzî, Tirkî û Farisî ye.

Xebatname

Fazil Mîranî di sala 1966 an de peywendiyê bi rêzên Partiya Dêmokrata Kurdistanê re kiriye. Nûnerê kongreyên hefte‌‌m ya di sala 1966 û heşte‌‌m ya di sala 1970 an bûye û li kongreyên nehem 1979, dehem 1989, yazdehe‌m 1993 û diwazdehem 1999 an de bi endamê komîteya navendî û paşê endamê mekteba siyasî hatiye hilbijartin û di sala 2010 an de li kongreya sêzdehe‌m da bi endamê encumena serkirdayetî û li yekemîn civîna encumena serkirdayetiyê da bi Sekreterê Mekteba Siyasî ya Partiya Dêmokrata Kurdistanê hatiye hilbijartin. Di sala 2022 an de li kongreya 14. de bi endamê komîteya navendî û li yekemîn civîna komîteya serkirdayetiyê de bi sekreterê mekteba siyasî ya Partiya Dêmokrata Kurdistanê hatiye hilbijartin. 

Di dema kar kirinê da li rêzên Partiya Dêmokrata Kurdistanê de, çendîn erk û berpirsiyariyan wergirtiye. Wekî: kargêrê lîjneya leqa yek 1970, Berpirsê lîjneya navçeya Akrê ya ser bi lîjneya leqa yek 1972, kargêrê lîjneya leqa sê 1973, endamê mekteba rêxistinê 1975, kargêrê lîjneya leqa 7 ya Amerîka 1977, berpirsê mekteba rêxistinê 1979, berpirsê lîjneya leqa yek 1991, sekreterê mekteba siyasî 2004.

Di sala 1975 an de piştî şikesta şoreşa Eylûlê koçberê welatê Îranê bûye û heman salê ji aliyê heval Mesûd Barzanî ve bi mebesta amadekariya Şoreşa Gulanê peywendî pêre hatiye kirin. Di sala 1977 an de wekî penaber li Wîlayetên Yekgirtiyên Amerîka yê jiyaye.

Di sala 1988 an de bi endamê nivîsîngeha bi cîh kar ya Bereya Kurdistanî hatiye hilbijartin û li heman salê da beşdariya destana Xwakurk ya li dijî artêşa Iraqê da kiriye. Di sala 1991 an de serpereştiya raperîna Başûrê Kurdistanê ya li devera Behdînan de kiriye û berpirsê bereya Kurdistanî ya li Musil - Dihokê bûye.

Li kabîneyên sêyem û çarem da Wezîrê Navxweya Herêma Kurdistanê bûye û di sala 1997 an de li kabîneya sêyem da bûye Cîgirê Serokê Encumena Wezîrên Hikûmeta Herêma Kurdistanê bi wekalet.

Di sala 2010 an de ji ber xebat û berxwedana wî ya li şoreşa Eylûl, şoreşa Gulan, raperîna Başûrê Kurdistanê û qonaxa serweriyê de, ji aliyê Serok Mesûd Barzanî ve madalya Barzanî yê Nemir wergirtiye.

Çavkanî:

Arşîva Desteya însîklopediya Partiya Dêmokrata Kurdistanê.