Kesayetiyê yasanas û siyasetmedar û serbazî Arif Teyfur Arif Elî, bi navê (Arif Şêx Teyfur Sergelûyî Berzencî) hatiye nas kirin. Di sala 1959 an de peywendiyê bi rêzên Yekîtiya Qutabiyên (Xwendekarên) Kurdistanê û di sala 1963 an de peywendiyê bi rêzên Partiya Dêmokrata Kurdistanê û heman salê peywendiyê bi rêzên hêzên Pêşmergeyên Kurdistanê re kiriye. Nûnerê kongreya heşte‌‌m 1970 bûye û li kongreyên yazdehe‌m 1993 û diwazdehem 1999 an de bi endamê komîteya navendî ya Partiya Dêmokrata Kurdistanê û di sala 2010 li kongreya sêzdehe‌m da bi endamê encumena serkirdayetiya Partiya Dêmokrata Kurdistanê hatiye hilbijartin û di sala 2018 bi endamê mekteba siyasî ya Partiya Dêmokrata Kurdistanê hatiye destnîşan kirin‌.

Jiyanname

Arif Teyfur di sala 1945 an de li bajarê Silêmaniyê ji dayik bûye, qonaxa navendî li Kerkûk û Silêmaniyê temam kiriye û di sala 1967 bekaloryosa maf ji Zanîngeha Bexda wergirtiye. Di sala 2004 bi endamê encumena niştimanî ya demkî ya Iraqê ( Al Meclis Al Wetanî Al Miweqit Al Iraqî ) hatiye destnîşan kirin û di sala 2005 berbijêrê lîsta Hevpeymaniya Kurdistanî bûye ji bo Encumena Niştimaniya Iraqê û li piştî derçûnê bûye Cîgirê duyema Serokê Encumena Niştimaniya Iraqê. Şarezayê zimanê Kurdî, Erebî, Îngilîzî û Farisî ye.

Xebatname

Di sala 1959 an de peywendiyê bi rêzên Yekîtiya Qutabiyên (Xwendekarên) Kurdistanê û di sala 1963 an de peywendiyê bi rêzên Partiya Demokrata Kurdistanê û heman salê peywendiyê bi rêzên hêzên Pêşmergeyên Kurdistanê re kiriye.

Nûnerê kongreya heştem 1970 an de bûye û li kongreyên yazdehe‌m 1993 û diwazdehem 1999 an de bi endamê komîteya navendî Partiya Dêmokrata Kurdistanê û di sala 2010 li kongreya sêzdehe‌m da bi endamê encumena serkirdayetiya Partiya Dêmokrata Kurdistanê û di sala 2018 an de bi endamê mekteba siyasî ya Partiya Dêmokrata Kurdistanê hatiye hilbijartin. Di sala 1970 an de li kongreya şeşem ya Yekîtiya Qutabiyên Kurdistanê bi endamê lîjneya raperandina Yekîtiya Qutabiyên Kurdistanê hatiye hilbijartin û piştî salekê bûye endamê mekteba sekreteriyeta Yekîtiya Qutabiyên Kurdistanê.

Di dema kar kirinê da li nav rêzên Partiya Dêmokrata Kurdistanê da çendîn erk û berpirsiyariyê wergirtiye, wekî kargêrê lîjne leqa sê 1973, berpirsê lîjneya leqa çar ya Silêmaniyê 1994, berpirsê lîjneya leqa pênc ya Bexda 2003, berpirsê lîjneya leqa çar ya Silêmaniyê 2004 Serokê Encumena Serkirdayetiya Parêzgeha Silêmanî - Helepçe 2018.  

Di sala 1975 piştî şikesta şoreşa Eylûlê wekî penaber li welatê Îranê jiyaye û li wir da ji aliyê Serok Mesûd Barzanî ve ji bo amadekariya Şoreşa Gulanê hatiye raspartin. Di sala 1976 endamê serkirdayetiya demkî ya Partiya Demokrata Kurdistanê (Konferansa Berlîn) ê bûye û li piştî şehîd bûna Mulazim Seyid Kerîm, cihê navbihurî girtiye û bûye endamê mekteba siyasî.

Di sala 2004 bi endamê encumena niştimanî ya demkî ya Iraqê ( Al meclis al wetanî al miweqit al Iraqî ) de hatiye destnîşan kirin û di sala 2005 berbijêrê lîsteya hevpeymaniya Kurdistanî ya ji bo Encumena Niştimaniya Iraqê bûye û li piştî derçûnê bûye Cîgirê duyema Serokê Encumena Niştimaniya Iraqê. Di sala 2015 serpereştyarê hêzê Pêşmergeyên Kurdistanê bûye li bereya Xazir ( Dihok ) li dijî hêza Da'îş.

Çavkanî:

Arşîva Desteya însîklopediya Partiya Dêmokrata Kurdistanê.