Yasanas û siyasetmedar Kakemîn Mistefa Emîn, bi navê Kakemîn Necar hatiye nas kirin. Di sala 1979 an de peywendiyê bi rêzên Partiya Dêmokrata Kurdistanê û di sala 1983 an de peywendiyê bi rêzên hêzên Pêşmergeyên Kurdistanê re kiriye. Di sala 2010 an de li kongreya 13. de bi endamê encumena serkirdayetî û li yekemîn civîna encumena serkirdayetiyê da bi endamê mekteba siyasî ya Partiya Dêmokrata Kurdistanê hatiye hilbijartin. Hilgirê madalya Barzanî ye.
Jiyanname
Kakemîn Necar di sala 1966 an de li bajarê Hewlêrê ji dayik bûye. Di sala 2004 an de bekaloryosê li beşa yasa li zanîngeha Selahedîn - Hewlêrê wergirtiye. Şarezayê zimanên Kurdî, Erebî û Farisî ye.
Xebatname
Kakemîn Necar di sala 1979 an de peywendiyê bi rêzên Partiya Dêmokrata Kurdistanê û di sala 1983 an de peywendiyê bi rêzên hêzên Pêşmergeyên Kurdistanê re kiriye. Di sala 1987 an de berpirsê lîjneya navçeya Rewandizê ya ser bi lîjneya leqa du bûye. Di sala 1988 an de li piştî proseya enfalê wekî penaber koçberî welatê Îranê bûye.
Di sala 1991 an de wekî fermandeyek li raperîna Başûrê Kurdistanê da beşdariyê li azad kirina bajarê Hewlêr û Kerkûkê da kiriye. Di sala 1992 an de berpirsê Bereya Kurdistanî ya li bajaroka Soran û Cîgirê Serok Erkanê Artêşa Hevbeşa Kurdistanê bûye. Di sala 1994 an de bûye fermandeyê artêşa du ya ser bi hêzên Partiya Dêmokrata Kurdistanê bûye. Di sala 2010 an de li kongreya 13. da bi endamê encumena serkirdayetiya Partiya Dêmokrata Kurdistanê û li yekemîn civîna encumena serkirdayetiyê da bi endamê mekteba siyasî hatiye hilbijartin.
Di sala 2010 an de ji ber çalakiyên li Şoreşa Gulanê û qonaxa raperîna Başûrê Kurdistanê de, ji aliyê Serok Mesûd Barzanî ve madalya Barzanî yê Nemir wergirtiye.
Çavkanî:
Arşîva Desteya Însîklopediya Partiya Dêmokrata Kurdistanê.
