عەبدولڕەحمان ڕەسوڵ حاجی خەلیل ناسراو بە (ئەبو سیڤان)، لە ساڵی 1945 لە شاری زاخۆ، سەر بە پارێزگای دهۆک لە دایکبووە. لە سەرەتای حەفتاکانی سەدەی ڕابردوودا پەیوەندی بە ڕیزەکانی پارتی دیموکراتی کوردستانەوە کرد و لە ساڵی ١٩٧٢ کە هێزی شنگال دامەزرا، دەستی کرد بە هێزەکە بە فەرماندەیی مەلا حسێن مارانی. ساڵی 1975 دوای شکستی شۆڕشی ئەیلوول، دەچێتە گوندی بانکێ و لەگەڵ کۆمەڵێک پێشمەرگەی دیکە بڕیاریاندا کە ئازاد بن بچنە ئێران یان بمێننەوە. هەر بەو هۆیەشەوە عەبدولڕەحمان ڕەسوڵ حاجی خەلیل لە گوندی بانکێ، سەر سنووری پارێزگای دهۆک مایەوە.
لە ساڵی 1982 دوای دامەزراندنی ڕێکخراوی سەربازی ڕەنجباران لەلایەن ئەنجومەنی قەزای دهۆکەوە، عەبدولرەحمان ڕەسوڵ حاجی خەلیل گواسترایەوە بۆ ئەو ڕێکخراوە، عەلی قادۆ جێگرەکەی بوو. بوو بە فەرماندەی مەفرەزەی شەهید دیلۆڤان کە بوو بە مەفرەزەیەکی گەڕۆک لەو ناوچەیە و زیانێکی زۆری بە دوژمن گەیاند.
ڕۆژی 30ی تشرینی دووەمی ساڵی 1983 عەبدولڕەحمان ڕەسوڵ حاجی خەلیل لەگەڵ 13 پێشمەرگەی دیکە کە لە ئەرکێکی سەربازیدا بوون لە شاری دهۆک، لەلایەن ڕژێمی بەعسەوە دەستگیرکران و دوای شەش مانگ دەستبەسەرکردنیان، سزای زیندانی هەتاهەتایییان بەسەردا سەپێندرا و ڕەوانەی زیندانی ئەبوغرێب دەکرێن. بەڵام دوای پێنج (5) ساڵ لە زیندان و دوای ئۆپەراسیۆنە بەرفراوانەکەی ئەنفال و هێرشی کیمیایی بۆ سەر ناحیەی بێهدینان، لە 14ی ئەیلولی ساڵی 1988 ئازاد کران، دوای ئازادبوونیان لە زیندان تا 7 مانگ لەگەڵ محمد عەلی ئەخمیر و یوسف محمد ئەخمیر و ستار خالید بوون بە پێشمەرگە. لە ساڵی 1991 ڕۆڵێکی دیار و بەرچاوی لە ئازادکردنی شاری ئاکرێ بینیوە و دواتر بووە بە سەرۆکی لیژنەی ئەمنی زاخۆ و ئەندامی بەرەی کوردستانی.
ساڵی 1992 بووەتە فەرماندەی هێزەکانی بەرخۆدان و دواتر پۆستی جێگری ئەنجومەنی سەربازی وەرگرتووە. ساڵی 1997 بووەتە فەرماندەی هێزی حزبی لە زاخۆ و سێمێل لەسەر سنووری پارێزگای دهۆک. عەبدولڕەحمان ڕەسوڵ حاجی خەلیل لە ژیانی پێشمەرگەیدا ٦ جار بریندار بووە و ئێستا تەمەنی خوار تەمەنی یاساییە و قاچی ڕاستی بڕاوە. لە کۆنگرەی سێزدەهەمی پارتی دیموکراتی کوردستان لە ساڵی ٢٠١٠، سەرۆک کۆمار... مەسعوود بارزانی مەدالیای بارزانی وەرگرتووە. پلەی نەقیبی هەیە و ئەندامی کۆمیسیۆنی باڵای زیندانیانی سیاسی کوردستانە.
سەرچاوە:
1. ئەرشیفی کۆمیتەی ئینسایکلۆپیدیای پارتی دیموکراتی کوردستان.
