Kongreya Heştemîn a Partiya Dêmokrat a Kurdistanê (Partiya Dêmokrat a Kurdistanê - Iraq – 1ê Tirmeha 1970) piştî peymana 11ê Adara 1970 li gundê Nawprdanê hate lidarxistin.

Kongreya Heftemîn ya Partiya Dêmokrat a Kurdistanê (Partiya Dêmokrat a Kurdistanê -Îraq – 15ê Çiriya Paşîn, 1966), piştî pirsgirêkên partiyê ligel koma kevin ya Mekteba Siyasî, gera wan bo Îranê û vegera wan, têkçûna hikûmeta Ebdulrehman Arif di Mijdara 1966ê û qonaxa nû ya şerê li dijî şoreşê ya di Hezîrana 1966’an de û peymana Hezîrana 1966’an a bi hikûmetê re, ji bo ji nû ve birêkxisinkirina karên PDKê li bajarokê Gelale hat lidarxistin.

Kongreya şeşemîn a Partiya Dêmokrat a Kurdistanê (Partiya Dêmokrat a Kurdistanê - Iraq - 1 Tîrmeh 1964), Li ser daxwaza Serok Mistefa Barzanî û bi erêkirina Komîteya Bilind a Pişkinîn û Çavdêriyê li Qeladizê hat lidarxistin, piştî ku Mekteba Siyasî ya partiyê di konferansa Mawetê a 1964an de hewl da ku PDK perçe bike.

Kongreya Pêncemîn a Partiya Dêmokrat a Kurdistanê (Partiya Dêmokrat a Kurdistanê - Iraq - 5 Gulan 1960), piştî wergirtina destûra fermî ya partiyê ji hikûmetê, di 5ê Gulana 1960î de li Bexdayê bi eşkere hat lidarxistin.

Kongreya Sêyem ya Partiya Dêmokrat a Kurdistanê (PDK) (Partiya Dêmokrata Kurd - Iraq - 26 Kanûn 1953), di bin bandora veqetîna baskê Hemze Ebdullah ji partiyê de li bajarê Kerkûkê hat lidarxistin

Kongreya Çaremîn ya Partiya Dêmokrat a Kurdistanê (Partiya Dêmokrat a Kurdistanê - Iraq - 4 Cotmeha 1959), piştî vegera General Mistefa Barzanî û hevalên wî ji Yekîtiya Sovyetê û çareserkirina pirsgirêkên navxweyî yên partiyê li Bexdayê, bi eşkereyî hat lidarxistin.

Kongreya 2mîn ya Partiya Dêmokrat a Kurdistanê (Partiya Dêmokrata Kurdên Iraqê – 13 Adar 1951), piştî vegera Hemze Ebdullah û avakirina Mekteba Siyasî ya nû ya PDK’ê di 13’ê Adara 1951’an de li bajarê Bexdayê hate li dar xistin.

Kongreya yekemîn an (damezrandin) ya Partiya Dêmokrat a Kurdistanê - (Partiya Dêmokrat a Kurdî ya Iraqê - 16.08.1946), li ser pêşniyara General Mistefa Barzanî, bi amadebûna 70 nûneran ji kesayetiyên mezinên kurd ên Başûrê Kurdistanê, bi awayekî veşartî li Bexdayê hat lidarxistin û avakirina partiyeke nû ya siyasî li Başûrê Kurdistanê hat ragihandin.