Osman Îsmaîl Mehmud, Pêşmergeyê şoreşa Eylûlê bû û di sala 1974 an de li nêzîkî bajaroka Diyana şehîd dibe.

Osman Şerîf Fethula, piştî şikesta şoreşa Eylûlê koçberî welatê Îranê bûye û kadir û Pêşmergeyê şoreşa Gulanê û raperîna cemaweriya xelkê Kurdistanê bûye. Li jiyana Pêşmergeyetiyê de carek birîndar bûye û di sala 1991 an de li azad kirina bajarê Kerkûkê de li nêzîkî pira Xasê fîşekeke serbazî ya rejîma Be'esê li ber ketiye û şehîd bûye.

Osman Bas Hisên, Pêşmergeyê şoreşa Eylûlê bû û di sala 1964 an de li şerê Gerûyê Omer Axa de şehîd bûye.

Omer Kerîm Fetah Qadir, Pêşmergeyê şoreşa Eylûlê bûye û li sala 1963 bi desteyekî hevsengerên xwe re li gundê Hesen Awa ketine di nava dorpêçeke serbazî ya rejîma wê demê ya Iraqê û piştî destgîr kirina wan Omer Kerîm Fetah û sê hesengerên wî hatine gulle baran kirin û şehîd bûne.

Siyasetmedar Omer Osman Omer Hemed, bi navê (Omer Mêrgesorî), hatiye nas kirin. Di sala 1964 an de peywendiyê bi rêzên hêzên Pêşmergeyên Kurdistanê re kiriye. Li Pêşmergeyetiyê da çendîn caran birîndar bûye. Pêşmergeyê her du şoreşên Eylûl û Gulanê bûye. Hilgirê Madalya Barzanî ye.

Omer Axa Mihemed Omer Axa Şiwan bi navê Omer Axayê Dolemerî hatiye nas kirin. Pêşmerge û hevalê Barzanî yê Yekîtiya Sovyetê, li şoreşa duyema Barzan (1943-1945) de xebatkar bûye. Li Komara Dêmokrata Kurdistanê ya li bajarê Mehabadê de Pêşmerge bûye. Beşdariya şoreşa Eylûlê 1961-1975 û şoreşa Gulan 1976-1991 û raperîn û serhildana bihara sala 1991 de kiriye. Li Pêşmergeyetiyê da çar caran birîndar bûye. Hilgirê madalya Barzanî ye, li rêkefta 10 ê Temûza 1995 li gundê Ziyaretê hatiye şehîd kirin.

Omer Elî Halo Sindî, di sala 1949 li gundê Bosel ya li bajaroka Derkarê ya ser bi qeza Zaxo ya parêzgeha Dihokê ji dayik bûye. Di sala 1962 Elî Halo yê bavê wî Fermandeyê Betalyona Yekê (1) Pêşmerge li Zaxo bûye. Li wê serdemê da Omer Elî karên nivîsînên bavê xwe birêvebiriye. Li 28 ê Eylûla 1968 Elî Halo li şerê Batîfa de şehîd bûye û Omerê kurê wî cihê wî girtiye û li şerên Kemeka û çiyayê Zaxo de beşdar bûye.

Omer Elî Tahîr sala 1991 bûye Pêşmerge û beşdariya raperîna sala 1991 kiriye. Li sala 1991 li Hewlêrê şehîd bûye.

Omer Teha Mehmud, sala 1955 li gundê Şîvê ya ser bi Mizûriya Bala ya qezaya Mêrgesora parêzgeha Hewlêrê ji dayik bûye. Xwediyê du kur û sê keçan bûye û di sala 1975 piştî şikesta şoreşa Eylûlê koçberî welatê Îranê dibe û li wargeha Zêwe nîştecîh dibe. Paşê ji bo bajarê Kirman ya li naverasta welatê Îranê ye têne veguhestin. Di sala 1991 piştî raperîna xelkê Başûrê Kurdistanê, malbata wî vedigerin û li bajarê Soran nîştecîh dibin.

Omîd Ebdulrehman Hesen bi nasnav Omîd Xoşnaw, di 1ê Hezîrana 1977ê de li Hewlêrê ji dayîk bûye. Peymangeha teknîkî ya Hewlêrê qedandi.

Omîd Sebah Osman di sala 1980ê de li Kerkûkê ji dayik bûye. Xwendina xwe ya seretayî, navîn û amadeyî li Kerkûkê qedandiye, lîsansa qanûnê li zanîngeha Kerkûkê, masterê di beşa yasaya taybet li zanîngeha Selahedîn û diktora yasaya taybet li zanîngeha Silêmaniyê wergirtiye.

Omer Mustefa, ku bi navê Omer Debabe tê naskirin, Yasanas, fermandar û siyasetmedar, di sala 1948an de li Bexdayê tevlî rêzên Partiya Dêmokrat a Kurd bû, di kongreyên duyem, sêyem, çarem û pêncan de bûye endamê Komîteya Navendî ya Partiya Dêmokrat a Kurdistanê (PDK), di sala 1964an de ji rêzên Partiya Dêmokrata Kurdistanê (PDK) hat dûrxistin û di sala 1992an de li Silêmaniyê koça dawî kir.