Di sala 1970 bûye Serpel li pasewanê tixûbî ya Zaxo. Di sala 1974 erkê Fermandeyê Betalyona Yekê (1) Zaxo wergirtiye. Li heman salê da beşdariya şerên Çiyayê Spî, Koxa Nêriya, Geruya Omer Axa ya nahiye ya Diyana ya parêzgeha Hewlêrê de kiriye.
Di sala 1975 piştî şikesta şoreşa Eylûlê, çûye Bakûrê Kurdistanê û bi qaçaxî li gundên Fereşîn, Melîsê, Beytulşebab, Uludere û paşê jî bajarên Wan û Batmanê maye. Li meha Kanuna Yekema sala 1979 bi malbata xwe ve derbasî Rojhilatê Kurdistanê bûye. Di destpêkê de li wargeha Zêwe yê nîştecîh bûye û paşê li meha Adara sala 1980 çûye bajarê Nexede û hevkariya hêzên Ebdulrehîm Cesîm û Elî Xelîl Xoşewî kiriye. Di sala 1982 bi Îdrîs Barzanî û Şêx Mihemed Xalîd û Mulazim Yunis re vegeriyaye Başûrê Kurdistanê û devera Mêrgesora parêzgeha Hewlêrê û hema 6 mehan li navçeya Ketîne bûye. Di sala 1991 di dema serhildan û raperîna Başûrê Kurdistanê bi hêzekî Pêşmergeyên Zaxo vegeriyaye Hacî Omeran. Li heman salê da bûye Fermandeyê Hêzên Hemrîn li Zaxo. Di sala 1997 erkê hemahengiya peywendiyên di navbera PDK û Tirkiye li Silopî ya derbasgeha tixûbî wergirtiye.
Omer Elî Halo, ji bilî wê yekê ku bavê wî li şoreşa Eylûlê de şehîd bûye, dayik û birayekî wî jî bi navê Lezgîn li sala 1964 li mala wan da bi avêtina narincokan hatine şehîd kirin. Her wiha heşt pismamên wî li salên 1964 û 1965 de hatine şehîd kirin. Di sala 2010 li kongreya sêzdehem ya Partiya Dêmokrata Kurdistanê de ji aliyê Serok Mesûd Barzanî ve medalya Barzanî wergirtiye.
Çavkanî:
1. Arşîva Desteya Însîklopediya Partiya Dêmokrata Kurdistanê.
