Endazyar û siyasetmedar Birûsk‌ Nurî Sedîq Elî, bi navê Birûsk Şaweys hatiye nas kirin. Li sala 1979 an de peywendiyê bi rêzên hêzên Pêşmergeyên serkirdayetiya demkî ya Partiya Dêmokrata Kurdistanê re kiriye.

Nivîskar û siyasetmedar Barzan Xalîd Ezîz, bi navên (Barzan Mela Xalîd û xalê Barzan), hatiye nas kirin. Li sala 1966 an de peywendiyê bi hêzên Pêşmergeyên Kurdistanê re kiriye û di sala 1975 koçberî welatê Îranê bûye.

Bêstun Hisên Mihemed Mehmud, di sala 1976 an de li hêza Hewraman ya Partiya Dêmokrata Kurdistanê de bûye Pêşmerge. Di sala 1978 an de bi du hevsengerên xwe ve têne destgîr kirin û di sala 1979 an de li girtîxaneya Musilê hatine sêdare dan.

Bekir Îbrahîm Ebabekir, Pêşmergeyê şoreşa Gulanê bû û di sala 1983 an de li qeraxê çiyayê Helgurd hatiye şehîd kirin.

Bernard Kouşner, siyasetmedar, dîplomat û pizîşkê pîspor yê Fransî, di sala 1939 li bajarê Komûn ya Başûrê Rojhilatê welatê Fransa ji dayik bûye. Damezrênerê her du rêxistinên Pizîşkên Bêsînor û Pizîşkên Cîhanî ye, Endamê Parlemena Fransa, Endamê Parlemenê Yekîtiya Ewrupa, Wezîrê Tendirustî, Wezîrê Derveyê Yekîtiya Ewrupa bûye. Li 15 ê Adara 2013 ji aliyê Serok Mesûd Barzanî ve medalya Barzaniyê wergirt.

Bombebarana Qeladizê yek ji hovîtiyên herî trajîk bû ku rejîma Be's li dijî xelkê sivîl pêk anî, piştî ku hikûmetê fermana destpêkirina şer li dijî şoreşa Kurdî da, bi awayekî hovane dîsa dest bi êrîşên xwe yên li ser Kurdistanê kir, di 24’ê Nîsana 1974’an de bi çend balafirên şer bajarê Qeladizê bombebaran kir.

Fermandar Babekir Mehmûd Hewêz, bi navê Babakr Pişdarî tê naskirin, Pêşmergeyê Şoreşa Îlonê û endamê Komîteya Rêkxistinî ya Sengeser a Beşa Leşkerî bû, di sala 1991ê de nûnerê Serok Mesûd Barzanî li Pişder û Bêtwênê bû.