Endazyar û siyasetmedar Birûsk‌ Nurî Sedîq Elî, bi navê Birûsk Şawês hatiye nas kirin. Li sala 1979 an de peywendiyê bi rêzên hêzên Pêşmergeyên serkirdayetiya demkî ya Partiya Dêmokrata Kurdistanê re kiriye. Li kongreya yanzdehe‌m 1993 û diwanzdehem 1999 an de bi Endamê Komîteya Navendî ya Partiya Dêmokrata Kurdistanê hatiye hilbijartin. Di sala 2003 bûye Cîgirê Fermandeyê Leşkerî ya Kurdistanê (Felek) û heman salê Endamê Lîjneya Hemahengiya bi Hêzên Hevpeymanan ya li Operasyona Azadiya Iraqê de kiriye. Di sala 2003 û piştî azadiya Iraqê Emîndarê Giştî yê Wezareta Berevaniya Komara Iraqê bûye‌.

Jiyanname

Birûsk‌ Nurî Sedîq Elî, di sala 1955 li bajarê Bexdayê ji dayik bûye û kurê endazyar Nurî Şawês (1922 - 1983) yê Endamê Komîteya Navendî û Mekteba Siyasî ya Partiya Dêmokrata Kurdistanê û Mamosta Nahîde Selam Ehmed (1922 - 2006) ya bi navê Nahîde Şêx Selamî Endamê Komîteya Navendî ya Partiya Dêmokrata Kurdistanê ye.

Bekaloryos li beşa Fîzya ya li Zanîngeha Silêmaniyê wergirtiye, masterê li Endazyariya Amêrên Pizîşkî li Almanya yê bi dest xistiye. Di sala 1975 piştî şikesta şoreşa Eylûlê wekî penaber çûne welatê Îranê û di sala 1976 an de çûye welatê Almanya. Şarezayê zimanên Kurdî, Erebî, Almanî û Îngilîzî ye.

Xebatname

Birûsk‌ Nurî Şawês, di sala 1968 an de peywendiyê bi rêzên Yekîtiya Qutabiyên Kurdistanê re kiriye û di sala 1974 piştî dirustbûna aloziya li navbera Partiya Dêmokrata Kurdistanê û Partiya Be'es ya li ser yasaya Otonomiya Kurdistanê, peywendiyê bi rêzên hêzên Pêşmergeyên şoreşa Eylûlê re kiriye û li xula topxaneyên meşqî de beşdar bûye. Piştî salekê û şikesta şoreşa Eylûlê wekî penaber çûye welatê Îranê û di sala 1979 an de careke din peywendiyê bi rêzên hêzên Pêşmergeyên Serkirdayetiya Demkî ya Partiya Dêmokrata Kurdistanê re kiriye. Heman salê û li kongreya nehem da ji Partiya Dêmokrata Kurdistanê veqetiye‌.

Di sala 1993 piştî vegerana nav rêzên Partiya Dêmokrata Kurdistanê, li kongreya yanzdehe‌m da bi Endamê Komîteya Navendî ya Partiya Dêmokrata Kurdistanê - Yekgirtî hatiye hilbijartin û paşê bûye Berpirsê Lîjneya Leqa Çar ya Partiya Dêmokrata Kurdistanê ya li bajarê Silêmaniyê û di sala 1999 li kongreya duwanzdehem bi Endamê Komîteya Navendî ya Partiya Dêmokrata Kurdistanê hatiye hilbijartin.

Di sala 2003 bûye Cîgirê Fermandeyê Leşkerî Kurdistan (Felek) û heman salê bûye Endamê Lîjneya Hemahengî ta bi Hêzên Hevpeymanan ya li operasyona azadiya Iraqê û piştî rûxana rejîma Seddam Husên (1937 - 2006) bi Emîndarê Giştî yê Wezareta Berevaniya Komara Iraqê de hatiye destnîşan kirin.

Berhemên wî:

Kurd û Îslam 2002.

Çavkanî:

1- Birûsk‌ Nurî Şawês, Raî labed an yeqal hul sewriye Eylul Al Azîm, cerîde Xebat, lisan hal al Hizb Al Demoqratî Al Kurdistanî ـ Al muhed, Al Adad 941, Erbîl, Al Cuma 10 Tebax 1999.

2- Hebîb Mihemed Kerîm, Tarîx Al hizb Al Demoqratî Al Kurdistanî ـ Al Iraq (Fî muhatat Rîesiye) 1946 - 1993, (Dihok ـ Matbaa Xebat 1998).

3- Rêkar Ehmed, Yekgirtin û Hilweşan, (Hewlêr ـ Çapxaneya Behest 2016).

4- Şeban Elî Şeban, Hinek zanyariyên siyasî û dîrokî, çapa sêyem, (Hewlêr ـ Çapxaneya Rojhilat - 2013).

5- Zahir Alî Ahmed Koyî, Mesîre Al Ceyş Al Iraqî Minz Al Tasîs û Dewr Al Zibat Al Kurd fî Tasîse, (Erbîl ـ Matbaa Rojhilat 2018).

6- Karwan Mehwî, kongreyên partiya me Partiya Dêmokrata Kurdistanê, Kovara Şîrove, Mekteba Navendî ya Nirxandin û Lêkolînê, hejmara 14, Hewlêr, Çapxaneya Hacî Haşim, Payîza 2010.

7- Mihemed Mela Qadir, Xebatname kurte dîroka Partiya Dêmokrata Kurdistanê û kultûra Barzaniyê Nemir, çapa duyem, (Hewlêr ـ Dezgeha Çap û Belavkiriyên Aras 2007).