Jiyanname

Bekir Îsmaîl Mihemed Ebdulrehman ji dayik bûyê Hewlêre. Di sala 1937 an de qonaxa seretayî ya xwendina xwe li bajaroka Koye ya ser bi parêzgeha Hewlêrê temam kiriye. Di sala 1940 an de li destpêka çalakiyên xwe li Partiya Hîwaya Kurd da li bajaroka Koye çalakiyên ramyarî de nîşan daye. Di sala 1945 an de çapxaneya Partiya Şoreş û Partiya Rizgariya Kurd li wê xaniyê da hatiye veşartin ku ew li bajarê Bexda têda dijiya. Di sala 1946 an de li mala nihênî ya Partiya Dêmokrata Kurd ku çapxane û nivîsarên nihêniyên wê têda dihatin parastin li taxa E'zemiye ya bajarê Bexdayê dijiya. Di sala 1947 an de bekaloryosa maf ji kolêja maf ya Bexdayê wergirtiye. Li rojên 27 heta 29 ê kanûna duyema 1948 an de beşdariya xwepêşandana xwendekarên bajarê Bexdayê ya li dijî bi peymannameya Portsmus ya li navbera Brîtanya û Iraqê de kiriye. Şarezayê zimanên Kurdî û Erebî bûye.

Xebatname

Yasanas û siyasetmedar Bekir Îsmaîl Mihemed Ebdulrehman, bi navê (Bekir Hacî Îsmaîl), hatiye nas kirin. Di sala 1950 an de li konferansa Koye de ‌bûye endamê komîteya navendî ya Partiya Dêmokrata Kurd. Di sala 1951 an de li kongreya duyema Partiya Dêmokrata Kurdistanê de bûye endamê komîteya navendî ya Partiya Dêmokrata Kurd.

Di sala 1953 an de endamê desteya damezrênerê Yekîtiya Lawên Demokratên Kurdistanê bûye. Di sala 1954 an de di derbarê bi sextekariyên Hikumeta Iraqê li hilbijartinên Bajarvaniya Silêmaniyê da parêzer Omer Mistefa Mihemed Emîn (1923 - 1992) naskirî bi Omer Debabe û parêzer Celîl Yusif Ehmed (1921 - 1996) naskirî bi Celîl Hoşyar re nerazîbûnên xwe derdibrin û ji aliyê kar bidestan ve bi desteserkirî ji ‌bo bajarê Hewlêrê têne dûr xistin.

Di sala 1970 an de li Dadgeha Bîdae ya Silêmaniyê ve ji bo Dadgeha Bîdae ya Hîle hatiye veguhestin. Di sala 1975 an de endamê Dadgeha Temîz ya li Bexdayê bûye. Heta sala 1977 an Serokê Lîjneya Hurbîniya Giştî ya li parêzgeha Babilê bûye. Di sala 1977 an de ji bo Serokayetiya Dadgeha Têhilçûna navçeya Otonomî ya Kurdistanê hatiye veguhestin. Di sala 1978 an de cîgirê Serokê Dadgeha Têhilçûnê ya navçeya Otonomî ya Kurdistanê bûye. Li 23 ê Eylûla 1978 an de bi fermaneke encûmena serkirdayetiya şoreşê ve wekî dadwer li Dadgeha Temîzî ya Iraqê de hatiye destnîşan kirin. Di sala 1980 an de bûye Serokê Dadgeha Têhilçûna navçeya Otonomî ya Kurdistanê. Li piştî raperîna Başûrê Kurdistanê bi mebesta xizmet kirinê li salên (1992 - 2004) şêwirmendê fermangeha yasayî ya Hikûmeta Herêma Kurdistanê bûye. Piştî wê bi pileya şêwirmendê yasayî ya Serokê Encûmena Wezîrên Hikûmeta Herêma Kurdistanê bûye. Li 28 ê Tebaxa 2008 an de li bajarê Hewlêrê koça dawî kiriye û li goristana Şêx Ehmed li bajarê Hewlêrê bi axê hatiye spartin.

Çavkanî:

1 - Arşîva Desteya Însîklopediya Partiya Dêmokrata Kurdistanê.