سلێمان ئیحمد ئیسماعیل ئۆمەر دۆڵەمەری لە ساڵی 1953 لە گوندی خێرای سەر بە ناحیەی مەرگەسۆر لە پارێزگای هەولێر لەدایک بووە. ساڵی 1967 لە تەمەنی 14 ساڵیدا پەیوەندی بە پێشمەرگەی شۆڕشی ئەیلولەوە کردووە و لەگەڵ ئۆزێر دۆڵەمەری بووەتە پێشمەرگە و بۆ ماوەی سێ ساڵ لە دیلمان لە پێشمەرگەدا خزمەت دەکات.
دوای واژۆکردنی ڕێککەوتننامەی ١١ی ئازاری ١٩٧٠، لە دیلمانەوە گواسترایەوە بۆ قەسر، لەوێ بەشداری خولی دۆشکە دەکات. لە ساڵی ١٩٧٤ کە شەڕی ڕژێمی عێراق لە دژی شۆڕش دەستی پێکرد، لەگەڵ عومەر ئەکسە دۆڵەمێری لە یەکەی دۆشکە شۆڕشگێڕەکان بوو، بە دۆشکە شۆڕشگێڕەکان بەرگری لە کوردستان دەکرد.
لە ساڵی 1975 و دوای هەرەسهێنانی شۆڕشی ئەیلول، کۆچی کرد بۆ ئێران، سەرەتا بۆ نەخدە و دواتر بۆ ئۆردوگای زێوە و لەوێ نیشتەجێ دەبێت. سەرەتا لەلایەن دەوڵەتی ئێرانەوە گواستراوەتەوە بۆ جەهرام و دوای دوو ساڵ ڕەوانەی لاهیجان کراوە. دوای دوو ساڵ لە لاهیجان لەسەر داوای خۆی چووە قازوین چونکە ماڵی براکەی لەوێ بوو.
لە ساڵی 1979 کاتێک دەسەڵاتی پاشایەتی لە ئێران داڕما، سلێمان ئەحمەد و ڕەشیدی برای پەیوەندییان بە شۆڕشەوە کردەوە و وەک گروپێک گەڕانەوە بۆ باشووری کوردستان بۆ ئەنجامدانی ئۆپەراسیۆنی سەربازی دژی ڕژێمی عێراق. هەر لەو ساڵەدا لە شەڕێکدا لەگەڵ سوپای عێراق، ڕەشید برای لە قەزای دیانا شەهید بوو.
ساڵی 1980 لەگەڵ ئیدریس بارزانی و شێخ محمد خالید چووەتە دەشتی بێرازگر لە ناحیەی سیدێکان. دوای گەشت و سەردانەکەی بۆ هێزی پێشمەرگەی بارزان لە ناوچەکە، گەڕایەوە کەمپی زێوە. هەر لەو ساڵەدا دوای گەڕانەوەی لە ڕەجان لە ڕۆژهەڵاتی کوردستان بەشداری خولێکی تایبەت بە بەکارهێنانی تفەنگی 57 دەکات. دوای تەواوکردنی خولەکە لەگەڵ ئۆزەر دۆڵەمەری دەچێتە باشووری کوردستان، و چەندین چالاکی لە دژی سەنگەرەکانی سوپای عێراق لە گۆرێ گۆمێ و پیرە لێلوکێ و گەلیێ سەرکێ لە ناحیەی مەرگێسۆر ئەنجامدا. هەر لەو ساڵەدا بە فەرماندەیی ئەحمەد سەعید سپیندەری بەشداری شەڕی گەورەی مەرگەسۆر دەکات.
ساڵی 1988 بەشداری شەڕی گۆڕی زاهیر لە داستانی شواکورکێ لە سێگۆشەی ڕۆژهەڵات و باشوور و باکوری کوردستان کردووە. دوای هەڵمەتی ئەنفال و ئەو چەکە کیمیاییانەی کە حکومەتی عێراق دژی دانیشتوانی مەدەنی کوردستان بەکاری هێنا، گەڕایەوە ڕۆژهەڵاتی کوردستان.
ساڵی 1991 دوای ڕاپەڕینی خەڵکی باشووری کوردستان گەڕایەوە و لە گوندی شەخسانی سەر بە ناحیەی مەرگەرە نیشتەجێ دەبێت. ساڵی 1994 بووە جێگری فەرماندەی هێزی 100ی سوپای بارزان. لە شەڕەکانی بەرگریکردن لە کوردستان چوار جار بریندار بووە، وەک شەڕی گەلیێ سۆرێ لە ناوچەی دۆلەمێریان لە ساڵی ١٩٨٠، شەڕی سپیلکی لە ساڵی ١٩٩٥، شەڕی گۆمەسپان لە ساڵی ١٩٩٦، شەڕی شەکرۆکە لە ساڵی ١٩٩٧.
ڕۆژی 15ی کانونی یەکەمی 2010 لە کۆنگرەی 13، لە لایەن سەرۆک مەسعوود بارزانی، مەدالیای بارزانی پێبەخشرا بەهۆی خزمەت و چالاکییەکانی.
سەرچاوە:
ئەرشیفی کۆمیتەی ئینسایکلۆپیدیای پارتی دیموکراتی کوردستان
