Jiyanname

Omer Şerîf Ebdullah di sala 1941ê de li parêzgeha Kerkûkê ji dayîk bûye, xwendina xwe ya seretayî û navîn li Silêmaniyê û ya amadeyî jî li Kerkûkê qedandiye, dibistana amadeyî qedandiye û di sala 1958ê de tevlî Yekîtiya Qutabiyên (Xwendekarên) Kurdistanê bûye.

Xebatname

Omer Şerîf Ebdullah di sala 1958’an de tevlî rêzên PDK’ê bûye, di sala 1959’an de serokê Sendîkaya Karkerên Kerkûkê bû, di sala 1961ê de tevlî hêzên pêşmerge bû û di heman salê de beşdarî şerê Xalobaziyan li parêzgeha Kerkûkê li dijî hêzên bejayî yên artêşa Iraqê bû, di sala 1962an de beşdarî operasyona bajarê Kerkûkê bûye, di sala 1964an de li dijî biryarên civînên berfireh ya Mawatê rawesta ku ji aliyê Mekteba Siyasî ya Partiya Dêmokrat Kurdistanê (PDK) ve hatibû organîzekirin, piştgirî da Serok Mistefa Barzanî (1903-1979).

Di destpêka Hezîrana 1964an de wek endamê Komîteya Amadekar a Kongreya şeşemîn a Partiya Dêmokrat a Kurdistanê hat hilbijartin, di sala 1964an de bû endamê Komîteya Navendî ya Partiya Dêmokrat a Kurdistanê (PDK) ku ji aliyê Serok Mistefa Barzanî ve wek namzed hat berbijarkirin, di sala 1964an de wek berpirsê komîteya liqê çarê yê Partiya Dêmokrat Kurdistanê (PDK) hat destnîşankirin û di heman salê de jî bi berpirsê komîteya liqa sêyemîn a Partiya Dêmokrat a Kurdistanê (PDK) hat destnîşankirin, di sala 1964an de li Kerkûkê beşdarî merasîma cenazeyê şehîd Seyîd Welî Payskilçî, endamê komîteya liqa sêyemîn a Partiya Dêmokrat Kurdistanê (PDK) bû ku bi destê Tirkmenên nijadperest û bi alîkariya Rêveberiya Asayîşa Kerkûkê ya hikûmeta Iraqê ve hatibû şehîdkirin û li ser gora şehîd helbestek xwend, di gel wê yekê de ku rayedarên Iraqê ji bo girtina wî 10 hezar dînar xelat dabûn, di sala 1964 de, ew nûnerê Kongireya Qeladizê (Duyemîn a

Gel) bû û di heman salê de bû endamê Encûmena Serkirdayetiya Şoreşê li Kurdistana Iraqê.

Di şerên Zenbûr û devera Zengene ên parêzgeha Kerkûkê de li dijî hêzên bejayî yên artêşa Iraqê beşdar bûye, di sala 1965an de ji bo bihêzkirina rêxistinên Partiya Dêmokrat Kurdistanê (PDK) bi peyatî û bê pasewan hemû navçeyên parêzgeha Silêmanî û Kerkûkê geryaye, di Nîsana 1966’an de ji aliyê koma Îbrahîm Ehmed - Celal Talebanî û bi pilana fermandarya hêza Qeredax a leşkirê sêyemîn ve ku ji Şoreşa Îlonê veqetiyabû û tevlî rejîma Iraqê û artêşa Iraqê bûbû, li gel komeke hevalên xwe hate girtin, di 12’ê Hezîrana 1966’an de ji aliyê çekdarên koma Îbrahîm Ehmed - Celal Talebanî ve bi dîlî dibin gundê Kirje yê girêdayî parêzgeha Silêmaniyê, bi darvekirin û heta niha jî gora wî winda ye, nayê zanîn ku li kû şehîd kiriye, roja 16ê Tebaxa 2018 Serok Mesûd Barzanî ew bi madalyaya Barzanî ya Nemir xelat kir, li şûna wî madalya da keça wî, Jiyan Omer Şerîfî ku helbestvan bû. Zimanên Kurdî, Erebî û Tirkmenî baş dizanibû.

Çavkanî:

1. Arşîva Desteya Insîklopediya Partiya Dêmokrat a Kurdistanê.
2. Mihemed Ebdulrehman Zengene, Dîroka Eşîra Zengene, Çapa Duyem, (Silêmanî - Çapxaneya Roon - 2012), r 7.
3. Aqila Rwandzî, Yad û Afarin, (Hewlêr – Navenda Şawişka ya Çalakiyên Çandî – Çapxaneya Perwerdehiyê – 2005), r 43.
4. Hebîb Mihemed Kerîm, Kerkûk û Şoreşa Îlonê ya birûmet, Kovara Golan El-Erebî, Navenda Çanda Golanê, Hejmar 70, Sala şeşan, Hewlêr, Çapxaneya Wezareta Perwerdeyê, 31.03.2002, r.39.
5. Muhemmed Elî Soltanî, Îlat û Tewaîfê Kirmaşanê, bergê 3, (Tehran - Chap Mawafaq - 1372 hicrî), r. 641-642, 647-648, 650.
6. David McDowell, Dîroka Kurdî ya nû, (Beyrût, Dar el-Farabî, 2004), r 484.
7. Tofîqê Mela Sedîqî, Bîranînên Rojên Partayetî, Pêşmerge û Dûrxistina min, Çapa Duyem, (Hewlêr, Çapxaneya Şahab, 1996), r 92.
8. Şekib Eqrawî, Salên Tengasiyê li Kurdistanê, Girîngtirîn Bûyerên Siyasî û Leşkerî li Kurdistan û Iraqê ji sala 1958 heta 1980, çapa duyem, (Hewlêr - Çapxaneya Minare - 2007), r. 157.
9. Şehîd Omer Şerîf Zengene, rojnama Xebat, organa Partiya Dêmokrat a Kurdistanê, hejmar 632, Hewlêr, Yekşem, 16.08.1992, r 5.
10. Şehîd Kake Omer Şerîf ê serkirde, rojnama Brayatî, organa Partiya Dêmokrat a Kurdistanê (PDK)-Yekgirtû, hejmar 2334, Hewlêr, Çarşem, 21.05.1997, r 6.