Paul Maubec bi navê Krîs Koçêra (Chris Kutschera) jî hatiye naskirin, rojnamevan û lêkolînerê Fransa li 13 ê Gulana 1938 li bajarê Normandî (Normaundie) ya Herêma Newstray ya welatê Fransa ji dayik bûye. Qonaxên xwendinê her li wî bajarî temam kiriye. Paşê li Kolêja Pizîşkî hatiye wergirtin, lê belê xwendina xwe ya li Kolêja Pizîşkî temam nekiriye û çûye Zanîngeha Sorbonne ya li Parîsa paytexta Fransa û beşa zanistên siyasî ya li wê zanîngehê xelas kiriye. Bi Edith Maubec jiyana hevjîniyê pêkaniye. Li New York û Meksîka û Guatamala yê jiyaye. Li 31 ê temûza 2017 koça dawî kiriye.

Di sala 1966 ve karê rojnamenivîsînê dike, bi madam Kuşner ya hevjîna xwe saziya serbixwe ya (Free Lans- Free Lance) ya karê rojnamevaniyê li Parîsa paytexta  Fransa damezrandiye. Şarezayiyeke baş li Rojhilata Navîn û bi taybetî pirsa Kurd de hebû. Li destpêka kar kirinê heta ku sala 1971 zêdetirê 130 roportajan li ser pirsa Kurd li rojname û kovarên Fransî û navdewletî de belav kiriye. Bi her yek ji serkirdeyên Kurdan wekî: Mele Mistefa Barzanî, Mesûd Barzanî, Nêçîrvan Barzanî, Dara Tewfîq, Celal Talebanî û Hoşyar Zêbarî û Berhem Salih re hevpeyvînên rojnamevaniyê encam daye.

Krîs Koçêra, çendîn caran serdana Kurdistanê kiriye û ji nêzîk ve lêkolînê li ser jiyan û serpêhatiyên neteweya Kurd kiriye. Li serdema desthilatdariya Sedam Husên êş û janên neteweya Kurd li gor raya giştî ya cîhanê gihandiye.

Krîs Koçêra, li rojên 11-18 kanûna yekema 2010 wekî mîhvan beşdariya kongreya 13 ê Partiya Dêmokrata Kurdistanê de kiriye. Ji ber wan xizmetên pêşkêşî Kurd û Kurdistanê kiriye, ji aliyê Serok Mesûd Barzanî ve madalya Barzanî wergirtiye.

Berhemên wî:

1- Tevgera Netewayetiya Kurd 1979

2- Xebata Kurd yan xewna dînitiya serbixweyî 1997

3- Kurdistan rêberê edebî 1998

4- Dîroka Kurdistanê 2001

5- Rewşa Sedam Husên 2005

6- Karwana dirêj ya Kurdan 2014

Çavkanî:

1. Arşîva Desteya Ansîklopediya Partiya Dêmokrata Kurdistanê.