Îbrahîm Mihemed Ezîz, naskiriye bi (Îbrahîm Reşaveyî), di sala 1928 li gundê Reşaveya li navçeya Nehêlî ya ser bi qeza Amêdî ya parêzgeha Dihokê ji dayik bûye. Di sala 1959 peywendiyê bi rêzên PDK ve dike û di sala 1961 bi destpêka şoreşa Eylûlê re bi çekê xwe çûye nav rêzên Pêşmerge yên li navçeya Berwarî Bala û bi Pêşmergeyên Mele Şîn re li şerên devera Amêdiyê de beşdarî kiriye. Paşê li cem Haris Xano Bêdarunî bûye Pêşmerge û li şerên Xîzala, Gora Bahîvê, Serê Bêdarunê, Pirê Çemê de beşdar bûye. Di sala 1962 bi General Mistefa Barzanî re derbasî navçeya Soran bûye. Di destpêkê de li Dolereqe û paşê li Sengeser bi Hiso Mîrxan Jajukî re bûye. Di sala 1964 ji bo navçeya Gelale hatiye veguhestin û di sala 1965 li Qesrê bûye. Ji ber hilgirtin û veguhestina sindoqa fîşek û gulleyên topê tûşî êşa piştê bûye û ji bo Urmiyê hatiye veguhestin û li wir neştergerî ji bo wî hatiye kirin.
Di sala 1975 piştî şikesta şoreşê, nav bihurî li bîhnvedanê de bûye û çekê xwe daye rejîma Iraqê. Lê belê ew xwe bi qaçaxî çûye devera Doskiyan û li wir ve xwe gihandiye Bakûrê Kurdistanê. Paşê Wargeha Zêwe û bajarê Nexede û li wir bûye pasevanê Baregeha Barzanî. Piştî çûna Barzanî ya Kerecê, nav bihurî ji bo wargeha Cehrim hatiye veguhestin û li wir ve ew şandine bajarê Abadanê. Paşê bi qaçaxî xwe gihandiye bajarê Kerec û bi Îdrîs Barzanî re hevdîtinê encam daye. Li roja 16 ê Eylûla 1976 ji aliyê Îdrîs Barzanî ve ew şandine Başûrê Kurdistanê.
Di sala 1980 li Hêza Pêşmerge ya ser bi Mistefa Nêrweyî bûye. Di sala 1980 piştî destpêkirina şerê di navbera Iraq û Îranê, Dola Îsmankawe ya li devera Behdînan hêdî hêdî azad bûye. Ji bo wê yekê Îbrahîm Reşaveyî çûye gundê Ele ya li devera Nêrwe û li wir ve gundekî nêzîkî 40 male ji malbatên Pêşmergeyan pêktên. Di sala 1988 piştî operasyona berbelav ya Enfal û kîmyabaran kirina navçeya Behdînan, bi hemû malbatên wê gundê ve xwe gihandine Bakûrê Kurdistanê û li roja 10 ê Tişrîna Yekema 1989 vegeriyaye Rojhilatê Kurdistanê. Di sala 1992 piştî serhildan û raperîna cemaweriya Başûrê Kurdistanê vegeriyaye Başûrê Kurdistanê.
Îbrahîm Reşaveyî beşdariya 39 şeran kiriye û li şerên Serê Amêdî li sala 1961, şerên devera Çoman ya li sala 1974 û şerê Geliyê Reşawe ya li devera Amêdî ya li sala 1978 de birîndar bûye. Di sala 2010 li kongreya sêzdehem ya Partiya Dêmokrata Kurdistanê ji aliyê Serok Mesûd Barzanî medalya Barzanî wergirtiye.
Çavkanî:
1. Arşîva Desteya Însîklopediya Partiya Dêmokrata Kurdistanê.
