Ehmed Xelanî

Ehmed Îbrahîm Mistefa, bi navê (Ehmed Xelanî), hatiye naskirin. Di sala 1950 li gundê Xelanê ya nahiye ya Hacî Omeran ê qeza Çoman ya parêzgeha Hewlêrê ji dayik bûye. Di sala 1975 piştî şikesta şoreşa Eylûlê, koçberî welatê Îranê bûye û bi Kerîm Sincarî, Şekîb Akreyî û Azad Berwarî re çûye Nexede, lê belê li wir gelek nemaye û vegeriyaye gundê Xelan.


Ehmed Îbrahîm Mistefa, bi navê Ehmed Xelanî hatiye naskirin. Di sala 1950 li gundê Xelanê ya nahiye ya Hacî Omeran ê qeza Çoman ya parêzgeha Hewlêrê ji dayik bûye. Di sala 1975 piştî şikesta şoreşa Eylûlê, koçberî welatê Îranê bûye û bi Kerîm Sincarî, Şekîb Akreyî û Azad Berwarî re çûye Nexede, lê belê li wir gelek nemaye û vegeriyaye gundê Xelan. Di sala 1976 vegeriyaye Başûrê Kurdistanê û li gundê Xelan nîştecih bûye. Li dawiyên sala 1976 dûbare koçberê welatê Îranê bûye. Di sala 1991 piştî serhildan û raperîna cemawerê Kurdistanê bi malbata xwe ve vegeriya Başûrê Kurdistanê û li bajarê Soranê nîştecîh bûye.

 

Di sala 1967 peywendiyê bi hêzên Pêşmergeyên şoreşa Eylûlê re kir û bû Pêşmerge. Her wiha bi pasevanê Êzgeya(Radyoya) Dengê Kurdistanê bû ku wê demê Salih Yusifî berpirsê wî bûye. Di sala 1970 bi Salih Yusifî re çûye Leqa Pênc ya li Bexda, piştî wê yekê ku Haşim Akreyî dibê berpirsê Leqa Pêncê PDK li Bexda, Ehmed Îbrahîm Xelanî bi Yedulla Feylî û Mihemed Emîn Beg û Nerîman Hebîb û pêşmergeyên din re vegeriyaye Navpirdan ya li devera Balekayetî û ji wir ve ji bo beşa pasevanên bendîxaneya Xelan hatiye veguhestin ku Xalîd Ajgeyî berpirsê wî bûye.

 

Di sala 1972 ji bendîxaneya Xelan ji bo beşa pasevanên Mekteba Siyasî hatiye veguhestin. Mihemed Emîn Reşke wê demê berpirsê wî bûye. Di sala 1976 piştî vegeriyana ji welatê Îranê ji aliyê rejîma Be'es ve hatiye desteser kirin û ji bo sê mehan li zîndanên Rewandizê, Hewlêr û Bexdayê de hatiye zîndan kirin û paşê jî hatiye azad kirin û dûbare vegeriyaye gundê xwe.

 

Di sala 1976 piştî destpêkirina Şoreşa Gulanê, Ehmed Xelanî peywendiyê bi rêzên hêzên Pêşmergeya Şoreşa Gulanê kir û li Kotrerû ya li navçeya Qeladizê li cem Elî Hesen Axayê Şêrwetê bûye Pêşmerge. Paşê vegeriyaye devera Balekayetî û li wir bûye endamê Lîjneya Navçeya Balek. Di sala 1979 li kongreya nehem ya PDK beşdariyê kiriye û piştî kongreyê bûye Kargêrê Lîjneya Navçeya Balek û heta sala 1991 li wê erkê da bûye.

 

Di sala 1991 berî destpêka serhildan û raperîna xelkê Kurdistanê, ji bo beşdarî kirina li raperînê, ew bi xwe wekî Pêşmerge vegeriyaye û beşdarî raperîna Diyanayê kiriye. Piştî raperînê dûbare bi Kargêrê Lîjneya Navçeya Balek hate hilbijartin. Paşê li pêkanîna leşkerê Kurdistanê pileya fermandeyî yê wergirtiye û niha endamê Fermandeyî Yekê ya 43 yê Fermandeya Helgurde.

 

Ehmed Xelanî beşdariya çendîn şerên wekî şerê Wertê û Çiyayê Direbî kiriye. Di sala 1980 li şereke dijî artêşa Iraqê li Hacî Omeran birîndar bûye. Sê birayên wî û kurekî wî yên bi navê Osman Îbrahîm li 13 ê Nîsana 1984, Rehîm Îbrahîm li 24 ê Gulana 1988, Mewlud Îbrahîm li meha Temuza 1994 û Tahîr Ehmed li 1 ê Kanuna Duyema 1995 de şehîd bûn. Her wiha birazayekî wî yê bi navê Qadir Mihemed Mistefa li 28 ê Kanuna Yekema 1988 li Bexdayê hate gullebaran kirin û birazayekî wî yê din bi navê Mihemed Elî Îbrahîm di dema azad kirina bajarê Hewlêrê li sala 1991 şehîd bûye. Li  16 ê Tebaxa 1996 ji ber wan xizmetên pêşkêşî Kurd û Kurdistanê û rêbaza Barzanî kiriye, ji aliyê Serok Barzanî ve medalya Barzanî wergirtiye.

 


Çavkanî:

1. Arşîva Desteya Însîklopediya Partiya Dêmokrata Kurdistanê.

 


Gotarên Têkildar

Yasîn Bêroxî

Yasîn Cewher Mamal, bi navê (Yasîn Bêroxî), hatiye nas kirin. Di sala 1925 li parêzgeha Hekarî ji dayik bûye. Di sala 1946 li Komara Dêmokratîka Kurdistanê de peywendiyê bi hêza Barzan re kiriye. Di sala 1961 bûye Pêşmergeyê şoreşa Eylûlê. Di 16 ê Tebaxa 1996 li 50 saliya salvegera damezrandina Partiya Dêmokrata Kurdistanê de, madalya Barzanî wergirtiye.

Agahiyên bêtir

Mistefa Amêdî

Mistefa Husên Mihemed, di sala 1939 li parêzgeha Dihokê ji dayik bûye. Di sala 1961 peywendiyê bi hêzên Pêşmergeyên şoreşa Eylûlê re kiriye. Şarezayî li bikaranîna bêtelê de hebû, ji ber wê yekê ew berpirsê Bêtelê hêza Behdînan bûye. li 16 ê tebaxa 1996 li 50 saliya salvegera damezrandina Partiya Dêmokrata Kurdistanê de, medalya Barzanî wergirtiye.

Agahiyên bêtir

Mihemed Zekî Hesen

Mihemed Zekî Hesen, di sala 1953 li gundê Biyê ya li devera Berêgarê ya ser bi qeza Amêdî ya parêzgeha Dihokê ji dayik bûye. Di sala 1974 peywendiyê bi Hêzên Pêşmergeyên şoreşa Eylûlê dike û li Hêza Helgurd de li cem Dilovan Salih Ebdulezîz bûye Pêşmerge. Di sala 1975 piştî şikesta şoreşa Eylûlê koçberî welatê Îranê bûye û pêşî çûye bajarê Nexede ya li Rojhilatê Kurdistanê û paşê jî li wargeha Cehrim hatiye nîştecîh kirin.

Agahiyên bêtir

Mihemed Selîm Ehmed Ebdulrehman Baclurî

Mihemed Selîm Ehmed Ebdulrehman Baclurî, di sala 1902 li gundê Baclurê ya li navçeya Zawîte ya ser bi parêzgeha Dihokê ji dayik bûye. Yek ji peyrewên Şêxên Barzanê bûye û beşdariya şoreşa yekema (1931-1932) Barzan de kiriye. Piştî şikesta şoreşê bi cengawerên Barzanî re çûye Bakûrê Kurdistanê û piştî demekê vegeriyaye gundê xwe.

Agahiyên bêtir

Keko Mela Elî

Keko Mela Elî Mêrgesorî di sala 1917 li qeza Mêrgesorê ya ser bi parêzgeha Hewlêrê ji dayik bûye. Li 12 Tişrîna Duyema sala 2000 li Mêrgesorê koça dawî kiriye û her li wir jî bi axê hatiye spartin.

Agahiyên bêtir