ئیدیت ماوبێک ناسراو بە (مادام کۆچێرا) لە ساڵی ١٩٤٠ لە شاری پاریسی پایتەختی فەرەنسا لەدایک بووە. خاوەنی بڕوانامەی ئابوورییە لە زانکۆی پانتێۆن لە پاریس. هاوسەری کریس کۆچێرا ڕۆژهەڵاتناسێکی فەرەنسییە.
لە ساڵی ١٩٦٩ دەستی بە کاری ڕۆژنامەنووس و فۆتۆگرافەر کردووە. لەگەڵ هاوسەرەکەی کریس کوتشێرا دەزگای ڕۆژنامەگەری فری لانسیان لە پاریسی پایتەختی فەرەنسا دامەزراند. شارەزای بواری ڕۆژهەڵاتی ناوەڕاست و کوردستانە و لە ساڵی 1971ەوە ژمارەیەک بابەتی لەسەر کوردستان لە ڕۆژنامە و گۆڤارە فەرەنسی و جیهانییەکان بڵاوکردۆتەوە، ئیدیت ماوبێک کوتشێرا (کوتشێرا) شانبەشانی هاوسەرەکەی کریس کوتچێرا بەشداری توێژینەوەی نووسینی کردووە. چەندین جار سەردانی کوردستانی کردووە و کۆمەڵێک وێنە و ئەرشیفی دەوڵەمەندی لەسەر پرسی کورد و کوردستان هەیە. کریس کوتچێرا سوودێکی زۆری لە ئەرشیف و وێنەکانی هاوسەرەکەی بۆ کتێبەکانی وەرگرتووە. خاتوو کوتچێرا بووەتە پەیامنێرێکی لێهاتوو و یەکێکە لەو پەیامنێرانەی کە بە کامێراکەی توانیویەتی وێرانکاری شاری قەڵادیزی و تاوانەکانی حکومەتی عێراق و سەدام حوسێن پیشانی ڕای گشتی جیهان و خەڵک بدات.
ئیدیت ماوبێک لە کۆنگرەی سێزدەهەمی پارتی دیموکراتی کوردستان لە 11-18ی 1ی 2010 وەک میوان بەشداری کرد، بەهۆی خزمەتەکانی بۆ کورد و کوردستان، نازناوی سەرۆکی هەرێمی کوردستانی پێبەخشرا. مەسعوود بارزانی مەدالیای بارزانی وەرگرتووە.
بەرهەمەکانی: ١.
1- ئێرتێر 1994
2- مێژووی کوردستان 2007
سەرچاوە:
1. ئەرشیفی کۆمیتەی ئینسایکلۆپیدیای پارتی دیموکراتی کوردستان.
