English العربية Kurdish Kurdî

Edith Maubec

Edith Maubec, bi navê (Madam Koçêra), hatiye nas kirin. Li sala 1969 ve karê rojnamevaniyê û wênegirtinê dike. Pîsporê Rojhilata Navîn û Kurdistane û di sala 1971 hejmarek gotarên wê yên li ser Kurdistanê li rojname û kovarên Fransî û navdewletî de hatine belavkirin. Ji ber wan xizmetên pêşkêşî Kurd û Kurdistanê kirine, li sala 2010 û li kongreya sêzdehem ya Partiya Dêmokrata Kurdistanê de, ji aliyê Serok Mesûd Barzanî ve madalya Barzanî wergirtiye.

Edith Maubec bi navê (Madam Koçêra), hatiye nas kirin. Di sala 1940 li Parîsa paytexta welatê Fransa ji dayik bûye. Bawernameya zanista aborî ji zanîngeha Panthéon ya li Parîsê bi dest ve aniye. Hevjîna Krîs Koçêra yê Rojhilatnasê Fransî ye.

 

Di sala 1969 ve karê rojnamevaniyê û wênegirtinê dike. Bi Krîs Koçêra yê hevjîna xwe re Dezgeha Serbixweya (Free Lance) ya karê rojnamevaniyê li Parîsa paytexta Fransa damezrandiye. Pîsporê Rojhilata Navîn û Kurdistane û sala 1971 hejmarek gotarên li ser Kurdistanê li rojname û kovarên Fransî û navdewletî de belav kirine. Edith Maubec Koçêra (Kutschera), mil bi milê Krîs Koçêra yê hevjîna xwe beşdariya nivîsîna lêkolînan kiriye. Çendîn caran hatiye Kurdistanê û wêne û arşîveke dewlemend li ser pirsa Kurd û Kurdistanê heye.  Krîs Koçêra ji bo pertûkên xwe ji hevjîna xwe sûdeke zêde li arşîv û wêneyan de wergirtiye. Xanima  Koçêra nûçegihaneke jêhatî bûye û yek ji wan nûçegihanane ku bi kamêraya xwe kariye wêrankariya bajarê Qeladizê û tawanên Hikûmeta Iraqê û Sedam Husên nîşanî raya giştî ya cîhan û xelkê bide.

 

Edith Maubec li rojên 11-18 ê kanûna yekema 2010 wekî mîhvan beşdariya kongreya sêzdehem ya Partiya Dêmokrata Kurdistanê kiriye. Ji ber wan xizmetên pêşkêşî Kurd û Kurdistanê kiriye, ji aliyê Serok Mesûd Barzanî ve madalya Barzanî wergirtiye.

 

Berhemên wê:

1- Ertre 1994

2- Dîroka Kurdistanê 2007


 

Çavkanî:

1. Arşîva Desteya Ansîklopediya Partiya Dêmokrata Kurdistanê.

Gotarên Têkildar

Şiwan Mîrxan Badîn Dorî

Şiwan Mîrxan Badîn Dorî li sala 1945 li gundê Dorê ya li navçeya Barzan ya ser bi qeza Mêrgesorê ji dayik bûye. Kurê Mîrxan Dorî ye ku beşdariya şoreşa Barzan ya li (1943-1945) da kiriye û yek ji wan hevalên Barzaniyê Nemir yên li Komara Dêmokrata Kurdistanê bûye û paşê di dema rûxandina Komara Kurdistanê li şerên navçeya Şino û Bereya şer li Mergewer ya li 25 ê Adara 1947 de şehîd bûye. Her wiha yek ji birayên wî bi navê Mela Mîrxan bi Barzaniyê Nemir re çûye Rûsyayê.

Agahiyên bêtir

Temer Ehmed Şabaz

Temer Ehmed Şabaz, di sala 1952 peywendiyê bi rêxistinên Partiya Dêmokrata Kurdistanê re kiriye. Beşdariya şoreşa Eylûlê 1961-1975 û şoreşa Gulan û serhildan û raperîna sala 1991 ê xelkê Kurdistanê de kiriye. Di sala 1996 ji ber wan xebat û têkoşînên ji bo Kurd û Kurdistanê, ji aliyê Serok Mesûd Barzanî ve madalya Barzanî wergirtiye.

Agahiyên bêtir

Xalîd Şilî

Xalîd Mihemed Îbrahîm Husên bi navê Xalîd Şilî hatiye nas kirin. Di sala 1943 li parêzgeha Dihokê ji dayik bûye. Di sala 1962 peywendiyê bi Partiya Dêmokrata Kurdistanê re dike û heman salê çûye nav rêzên Pêşmergeyên şoreşa Eylûlê. Piştî şikesta şoreşa Eylûlê koçberî welatê Îranê bûye. Beşdariya şoreşa Gulanê kiriye. Bi serhildan û raperîna sala 1991 ya xelkê Kurdistanê vegeriya ye Başûrê Kurdistanê. Di sala 2004 Berpirsê Dezgeha Eylûlê li Akrê bûye û hilgirê madalya Barzanî ye.

Agahiyên bêtir

Şivan Perwer

Îsmaîl Aygun bi navê Şivan Perwer hatiye nas kirin. Yek ji wan stranbêjan bûye ku rol û bandoreke wî yê zêde li ser tevgera rizgarîxwaziya Kurdistanê hebûye. Li 3 ê hezîrana 2001 ji aliyê Serok Mesûd Barzanî ve madalya Barzanî wergirtiye.

Agahiyên bêtir

Silêman Îsmaîl Cihangîr

Silêman Îsmaîl Cihangîr, di sala 1927 li gundê Botiya ya li parêzgeha Dihokê ji dayik bûye. Di sala 1959 peywendiyê bi rêzên Partiya Dêmokrata Kurdistanê re kiriye. Di sala 1961 li tixûbê lîjneya navçeya Dihokê li leqa Yek (1) bûye kadîr. Di sala 1967 pileya Serqolî ya Pêşmergeyên Lîjneya Navçeya Dihokê wergirtiye.

Agahiyên bêtir