سیاسەتمەدار ئیدهم عوسمان شێخ ئەحمەد شێخ محەمەد ناسراو بە ئیدهم بارزانی لە ساڵی 1976 پەیوەندی بە ڕیزەکانی پارتی دیموکراتی کوردستانەوە کرد، لە ساڵی 2010 لە کۆنگرەی سێزدەهەمی پارتی دیموکراتی کوردستان بە ئەندامی ئەنجومەنی سەرکردایەتی پارتی دیموکراتی کوردستان هەڵبژێردرا، لە ساڵی 2016یشدا بوو بە سەرۆکی ئەنجوومەنی سەرکردایەتی پارێزگای سلێمانی پارتی دێموکرات.

ژیاننامە

ئێدهه م بارزانی له ساڵی 1962 له شاری هه ولێر له دایکبووه و له بنه ماڵه ی شێخه کانی بارزانییه و نەوەى شێخ ئەحمەد بارزانییە (1892 - 1969). ساڵی 1969 لە گوندی بارزان چووەتە قوتابخانە و لە ساڵی 1974 پۆلی شەشەمی سەرەتایی لە بەغدا تەواو کردووە و دەرچووی پۆلی سێیەمی پەروەردەی ناوەندییە. زمانی کوردی و عەرەبی و فارسی شارەزایە.

لاپەڕەی کار

ئەدهەم بارزانی لە ساڵی 1976 پەیوەندی بە ڕیزەکانی پارتی دیموکراتی کوردستانەوە کردووە، لە ساڵی 1980 وەک پەنابەر چووەتە ئێران و تا ڕاپەڕینی باشووری کوردستان لە ساڵی 1991 لەوێ ژیاوە.

وەک پێشمەرگەیەک لە ساڵی ١٩٨٠ شۆڕشی گوڵان پەیوەندی لەگەڵ باڵی ڕاستی لقی دووی حیزبی دێموکراتی کوردستان پاراستووە و لە ساڵی ١٩٨١ بووەتە بەرپرسی لقی ئێرانی یەکێتی لاوانی دێموکراتی کوردستان.

یەکێک بوو لە دامەزرێنەرانی حزبوڵای کوردی، کە دواتر جیابوونەوە بۆ کوتلەیەک بەناوی حزبوڵای شۆڕشگێڕی کورد و وەک سەرۆکی ئەم کوتلەیە ناسێندرا. ساڵی ٢٠٠٣ پارتەکەی هەڵوەشاندەوە و پەیوەندی بە ڕیزەکانی پارتی دیموکراتی کوردستانەوە کرد.

لە ساڵانی (2004-2008) بەرپرسی قوتابخانەی خزمەتی گشتیی سەر بە قوتابخانەی سەرۆکی پارتی دیموکراتی کوردستان بووە. لە ساڵانی (2005-2009) ئەندامی جڤاتی نیشتمانی کوردستان بووە لەسەر لیستی پارتی دیموکراتی کوردستان.

لە ساڵی 2010 لە کۆنگرەی سێزدەهەمدا بە ئەندامی ئەنجومەنی سەرکردایەتی پارتی دیموکراتی کوردستان هەڵبژێردرا و لە ساڵی 2016 بوو بە سەرۆکی ئەنجومەنی سەرکردایەتی پارێزگای سلێمانی پارتی دیموکراتی کوردستان.

سەرچاوە:

ئەرشیفی کۆمیتەی ئینسایکلۆپیدیای پارتی دیموکراتی کوردستان.