Siyasetmedar Edhem Osman Şêx Ehmed Şêx Mihemed, bi navê Edhem Barzanî hatiye nas kirin. Di sala 1976 an de peywendiyê bi rêzên Partiya Dêmokrata Kurdistanê re kiriye. Di sala 2010 an de li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin û di sala 2016 an de bûye berpirsê encumena serkirdayetiya parêzgeha Silêmanî ya Partiya Dêmokrata Kurdistanê.
Jiyanname
Edhem Barzanî di sala 1962 an de li bajarê Hewlêrê ji dayik bûye û ji malbata şêxên tekiya Barzane û neviyê Şêx Ehmedê Barzanî (1892 - 1969 ) ye. Di sala 1969 an de li gundê Barzan çûye xwendingehê û di sala 1974 an de qonaxa şeşema seretayî li bajarê Bexda temam kiriye û derçûyê qonaxa sêyem ya navendî ye. Şarezayê zimanên Kurdî, Erebî û Farisî ye.
Xebatname
Edhem Barzanî di sala 1976 an de peywendiyê bi rêzên Partiya Dêmokrata Kurdistanê re kiriye. Di sala 1980 an de wekî penaber çûne welatê Îranê û heta raperîna Başûrê Kurdistanê ya di sala 1991 li wir jiyana xwe bi ser biriye.
Di sala 1980 an de wekî Pêşmergeyê Şoreşa Gulanê peywendiyê bi aliyê rastê leqa du ya Partiya Demokrata Kurdistanê re kiriye û di sala 1981 an de berpirsê leqa Îranê ya Yekîtiya Lawên Dêmokrata Kurdistanê bûye.
Yek ji damezrênerên Hîzbulaha Kurd bûye û paşê aliyeke bi navê Hîzbulaha Şoreşgêrê Kurd cûda bûye û bi rêberê vê aliyê hatiye nas kirin. Di sala 2003 partiya xwe hilweşandiye û peywendiyê bi rêzên Partiya Dêmokrata Kurdistanê re kiriye.
Di salên (2004 - 2008 ) berpirsê mekteba karubarê eşayirî ya ser bi mekteba Serokê Partiya Dêmokrata Kurdistanê bûye. Di salên (2005 - 2009 ) endamê Encumena Niştimaniya Kurdistanê ya li ser lîsta Partiya Dêmokrata Kurdistanê bûye.
Di sala 2010 li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin û di sala 2016 bûye berpirsê encumena serkirdayetiya parêzgeha Silêmanî ya Partiya Dêmokrata Kurdistanê.
Çavkanî:
Arşîva Desteya însîklopediya Partiya Dêmokrata Kurdistanê.
