Xemo Menaf Xefur, Pêşmergeyê şoreşa Eylûlê bûye, li sala 1966 li Gerûyê Omer Axa şehîd bûye.

Xelîl Emîn Celîl Hecî di sala 1955 li gundê Hîtot ya ser bi qeza Amêdî ya parêzgeha Dihokê ji dayik bûye. Emîn Celîlî bavê wî bi Heso Mîrxan Dolemerî re Pêşmergeyê şoreşa Eylûlê (Îlonê), bûye. Xelîl Emîn li temenê 12 salî ve tevlî Pêşmergeyên Baregeha Barzanî ya li Rêzan bûye û bi Loqman Barzanî yê kurê Mele Mistefa Barzanî re bûye.

Xazî Mihemed Arif Mihemed, piştî şikesta şoreşa Eylûlê koçberî welatê Îranê bûye û Pêşmergeyê şoreşa Gulanê bûye. Li jiyana Pêşmergeyetiyê de pileya fermandeyê mefrezeyê wergirtiye û di sala 1981 an de li deşta Şarezûrê bi du hevsengerên xwe re ketine nava kemîneke hêzekî Yekîtiya Niştimaniya Kurdistanê û şehîd bûne.

Xanawdel Hisên Hemed, di sala 1961 an de peywendiyê bi rêxistinên Partiya Dêmokrata Kurdistanê re kiriye û li sala 1982 an de li Sîdekan şehîd bûye.

Bêstun Hisên Mihemed Mehmud, di sala 1976 an de li hêza Hewraman ya Partiya Dêmokrata Kurdistanê de bûye Pêşmerge. Di sala 1978 an de bi du hevsengerên xwe ve têne destgîr kirin û di sala 1979 an de li girtîxaneya Musilê hatine sêdare dan.

Bekir Îbrahîm Ebabekir, Pêşmergeyê şoreşa Gulanê bû û di sala 1983 an de li qeraxê çiyayê Helgurd hatiye şehîd kirin.

Cemal Feqê Mistefa Kak Mihemed, li sala 1963 an de peywendiyê bi rêzên Partiya Dêmokrata Kurdistanê re kiriye û bûye Pêşmerge. Di sala 1975 li gundê Serdre ji ber bombebarana balafirên cengî yên rejîma Iraqê hatiye şehîd kirin.

Celal Mihemed Ehmed, Pêşmergeyê şoreşa Gulanê bûye û li jiyana Pêşmergeyetiyê de du caran birîndar bûye. Di sala 1982 an de li şer û rûbirûbûnek de bi birîndarî hatiye destgîr kirin û paşê ji aliyê Emna Silêmaniyê ve bi sêdare ya serbazî ve hatiye şehîd kirin.

Cemal Elî Reşîd, kadir û Pêşmergeyê her du şoreşên Eylûl û şoreşa Gulanê bûye. Piştî şikesta şoreşa Eylûlê koçberî welatê Îranê bûye. Li jiyana Pêşmergeyetiyê de du caran birîndar bûye û heta pileya Fermandeyê hêzê wergirtiye. Di sala 1981 an de li deşta Şarezûrê ketine nava kemîneke hêzeke Yekîtiya Niştimaniya Kurdistanê û Cemal û hevsengerên xwe bi hev re şehîd bûne.

Cebraîl Feqo Mîkaîl, Pêşmergeyê şoreşa Eylûlê bû û li sala 1963 an de li bajaroka Diyana hatiye şehîd kirin.

Cebar Kakexan Elakerem, bi navê Cebarê Reş û Cebar Çuçanî hatiye nas kirin û kadir û Pêşmergeyê şoreşa Gulanê bûye. Di sala 1982 an de bi desteyek hevsengerên xwe re ketine nava devereke mayin û mînên çêndî û li heman demê de kemîna Be'es êrîşî wan kirine û Cebarê Reş şehîd bûye.

Cebar Ehmed Elî, Pêşmergeyê şoreşa Eylûlê bû û li sala 1974 an de li şerê çiyayê Zozik de şehîd bûye.