Siyasetmedar Hîwa Ehmed Mistefa, bi navên (Hîwa Ehmed, Lawik, Siware, Bawkî Bizav), hatiye nas kirin û di sala 1992 an de peywendiyê bi rêzên Partiya Dêmokrata Kurdistanê re kiriye. Nûnerê kongreyên yazdehem 1993 û diwazdehem 1999 ê Partiya Dêmokrata Kurdistanê bûye û di sala 2010 an de li kongreya sêzdehe‌m da bi endamê encumena serkirdayetiya Partiya Dêmokrata Kurdistanê hatiye hilbijartin. Di sala 2010 berpirsê lîjneya leqa çar ya Silêmaniyê bûye û di sala 2017 bûye berpirsê lîjneya leqa bîst û çarê Sefîn.

Jiyanname

Hîwa Ehmed Mistefa di sala 1969 an de li bajarê ( Qeladizê - Ranye) ya ser bi parêzgeha Silêmaniyê ji dayik bûye. Di sala 2017 an de bekaloryosa zimanê Erebî bi dest ve aniye. Şarezayê zimanên Kurdî, Erebî û Farisî ye.

Xebatname    

Hîwa Ehmed Mistefa di sala 1992 an de peywendiyê bi rêzên Partiya Dêmokrata Kurdistanê re kiriye û heman salê bi pileya Neqîb bûye birêveberê asayîşa bajarê Ranye. Di sala 1993 bi kargêrê lîjneya leqa yazdeh ya Ranye ya Partiya Dêmokrata Kurdistanê ve hatiye destnîşan kirin. Nûnerê kongreyên yazdehe‌m 1993 û diwazdehem 1999 ya Partiya Dêmokrata Kurdistanê bûye û di sala 2010 li kongreya sêzdehe‌m da bi endamê encumena serkirdayetiya Partiya Dêmokrata Kurdistanê hatiye hilbijartin. Di sala 2022 li kongreya çardehem da bi‌ endamê komîteya navendî û li yekemîn civîna komîteya serkirdayetiyê de bi endamê mekteba siyasî ya Partiya Dêmokrata Kurdistanê hatiye hilbijartin.

Di sala 2001 şêwirmendê siyasî yê Wezîrê Navxwe ya li kabîneya çarem ya Hikûmeta Herêma Kurdistanê da bûye û di sala 2004 bi pileya Emîd berpirsê parastina lîjneya leqên sê ya Kerkûk û panzdeh ya Xaneqîn û bîst û du yê Germiyan û nozdehê Çemçemal bûye. Di sala 2010 an de berpirsê lîjneya leqa çar ya Silêmanî û sala 2017 berpirsê lîjneya leqa bîst û çar ê Sefîn bûye.

Di sala 2022 an de li kongreya çardehem da bi endamê komîteya navendî û li yekemîn civîna komîteya serkirdayetiyê de bi endamê mekteba siyasî ya Partiya Dêmokrata Kurdistanê hatiye hilbijartin.

Çavkanî:

Arşîva Desteya Ansîklopediya Partiya Demokrata Kurdistanê.