Yasanas û siyasetmedar Mehmud Haşim Elyas Silo, bi navê Mehmud Êzdî hatiye nas kirin. Di sala 1985 an de peywendiyê bi rêzên Partiya Dêmokrata Kurdistanê re kiriye. Nûnerê kongreyên yazdehem 1993 û diwazdehem 1999 ya Partiya Dêmokrata Kurdistanê bûye û di sala 2010 û li kongreya sêzdehem da bi endamê encumena serkirdayetiya Partiya Dêmokrata Kurdistanê hatiye hilbijartin. Di sala 2017 bûye berpirsê lîjneya leqa bîst ya Şêxan.
Jiyanname
Mehmud Êzdî di sala 1970 an de li bajaroka (Baedrê – Şêxan) ya ser bi parêzgeha Dihokê ji dayik bûye. Di sala 2010 an de bekaloryosa yasa ji Zanîngeha Dihokê wergirtiye. Şarezayê zimanên Kurdî û Erebî ye.
Xebatname
Mehmud Êzdî di sala 1975 an de piştî şikesta şoreşa Eylûlê bi malbata xwe re koçberî Îranê bûye û di sala 1976 an de vegeriya ye Başûrê Kurdistanê û li wir ji aliyê rejîma Be'es ve ji bo Başûrê Iraqê hate nefî kirin û dûr xistin û di sala 1978 an de vegeriya ye Dihokê.
Di sala 1985 an de peywendiyê bi rêzên Partiya Dêmokrata Kurdistanê re kiriye û di sala 1991 an de li hêza Şêxan de peywendiyê bi rêzên hêzên Pêşmergeyên Kurdistanê re kiriye û di sala 1992 an de beşdariyê li xuleke rewşenbîrî ya li baregeha leqa yek li Dihokê kir ku ji bo du mehan berdewam bû. Di sala 1998 an de beşdariyê li xula yazdehemîn ya peymangeha kadîran ya li bajarê Hewlêrê de kiriye.
Nûnerê kongreyên yazdehem 1993 û diwazdehem 1999 ya Partiya Dêmokrata Kurdistanê bûye û di sala 2010 an de li kongreya sêzdehem da bi endamê encumena serkirdayetiya Partiya Dêmokrata Kurdistanê de hatiye hilbijartin.
Di dema kar kirina li nav rêzên Partiya Dêmokrata Kurdistanê de van erk û berpirsiyariyan wergirtiye: Berpirsê lîjneya navçeya Batêl 2000, Berpirsê lîjneya navçeya Xebat 2002, Berpirsê lîjneya navçeya Şingal û Sinunê 2003, Kargêrê lîjneya leqa bîst ya Şêxan 2006, Berpirsê lîjneya navçeya Elquş ya Partiya Dêmokrata Kurdistanê 2007, Cîgirê berpirsê desteya çavdêrî û pişkinînê 2011, berpirsê lîjneya leqa bîst ya Şêxan 2017.
Di sala 2022 an de li kongreya çardehem da bi endamê komîteya navendî ya Partiya Dêmokrata Kurdistanê hatiye hilbijartin.
Çavkanî:
Arşîva Desteya însîklopediya Partiya Dêmokrata Kurdistanê.
